Македонија
Просечната месечна за јуни изнесувала 31 869 денари
Расте просечната плата. Статистика измери дека во јуни просечната нето исплатена плата пораснала за близу 11% во споредба со истиот месец лани, и сега изнесува речиси 32 илјади денари.
Во споредба со претходниот месец, пак платата пораснала за само 400 денари, но затоа трошоците за живот од месец во месец рушат рекорди. Синдикатите последно пресметаа дека за едно четричлено семејство да го помине месецот му требале 47 илјади денари.
Канал 5 направи пресметка. Колкава плата треба да земате за „достоен“ живот?!
Па така, едно семејство во кое има двајца вработени со минимална плата им недостигаат цели 11 илјади денари само да ги набават неопходните работи за да го поминат месецот. Во подобра ситуација се оние, од кој едниот во семејството е на минималец, а другиот зема просечна плата. На, таа фамилија ќе им останува околу 50 евра во месецот плус, доколку ги набавуваат само основните работи.
Канал 5 направи и споредба на истите податоци со оние од лани истиот период.
Па така, – лани во јуни просечната плата изнесувала близу 29 илјади денари, но трошоците за живот пресметани од Синдикатите изнесувале 34 илјади денари, во тоа време и минималната плата изнесуваше 15 200 денари.
Она што се забележува е дека – лани, на едно четиричлено семјство кое земало една минимална и една просечна плата во месецот им останувале близу 10 илјади денари, а оваа година торбата на македонскиот потрошувач е попразна.
Просечната плата надмина 500 евра, но со истите пари сега може да се купи помалку отколку лани со помала плата.Цените на храната постојано растат, а последното истражување покажува дека во Македонија се јаде и најскап леб во регионот.
Па оттука, за едно четиричлено семејство да го „држи“ истиот просек од лани би требало и двајцата родители поединечно да земаат плус 50 евра на платата која сега ја имаат.
Канал 5
Македонија
Автошколите под лупа: Дали договарале цени за обука на возачи?
Комисијата за заштита на конкуренцијата (КЗК) фрли сенка врз работата на авто-школите во земјава, откривајќи индиции за можно картелско договарање на цените за обука на возачи. Одлучувачката Комисија за прекршоци при КЗК соопшти дека извршила голем, интензивен увид во повеќе од 40 авто-школи ширум Република Македонија. Целта е утврдување можни драстични прекршувања на Законот за заштита на конкуренцијата.
Она што го откри комисијата е многу сериозно. При увидот, се појавиле силни индиции кои упатуваат на усогласено однесување на авто-школите, односно нелегален картелски договор при формирањето на цените за кандидатите за возачи.
Ова потенцијално претставува директно кршење на клучниот член 7 став (1) од Законот за заштита на конкуренцијата, кој го забранува договорното однесување кое ја попречува или ограничува конкуренцијата.
Комисијата нема да застане тука. Тие најавуваат интензивно прибирање докази и детално утврдување на сите факти поврзани со ова сомнително однесување.
Доколку истрагата го потврди постоењето на забранетото договорно дејствување – односно дека авто-школите им штетеле на граѓаните со вештачки надуени цени – КЗК порачува: ќе бидат преземени најостри мерки согласно законот.
Комисијата е посветена на заштита на фер пазарот и на интересите на потрошувачите – порачаа од КЗК, најавувајќи дека случајот ќе го следат до крај.
Македонија
Голема полициска акција во Прилепската болница – има уапсени
Финансиската полиција денес изврши апсење на лице директно поврзано со Општата болница во Прилеп.
Според информациите, станува збор за сериозен криминал – проневера на вртоглава сума од околу 16.000.000 (шеснаесет милиони) денари од болничките сметки.
Иако засега надлежните институции молчат и не изнесуваат официјални детали, истрагата е во тек.
Повеќе детали за овој скандал се очекуваат во текот на денот, веднаш по официјалната потврда од истражните органи.
Македонија
Туфегџиќ: Ревизија на предметите во ОЈО клучна за враќање доверба во правосудството
Вечерва во емисијата „Клик Плус“ на ТВ21, адвокатот Владимир Туфегџиќ истакна дека новоизбраниот јавен обвинител треба итно да спроведе ревизија на проблематични предмети во Јавното обвинителство.
„Новиот јавен обвинител веднаш да спроведе контрола на законите во неколку предмети на сите обвинители по случаен избор. Ќе испливаат на површина обвинители кои имаат хроничен проблем со обвиниение, со начинот на постапување, со менаџирање на постапка, со прибирање на докази. Јавното обвинителство ќе добие реална слика кој како постапува, и ќе видите дека шест месеци колку трае истрага, во голем дел не е преземено ниту едно дејствие“, рече Туфегџиќ.
Адвокатот нагласи дека ревизијата е клучна за враќање на довербата на јавноста во работењето на обвинителството.
-
Македонија15 hours agoМВР со конечна одлука еве кога почнува „Безбеден град“
-
Црна Хроника1 day agoПретрес во тетовско, пронајдени дрога, оружје и муниција, приведени две лица
-
Црна Хроника6 days agoОбид за кражба завршил со пожар во Брвеница – Полицијата со детали
-
Црна Хроника3 days agoПолицијата во Тетово со полни раце работа – Уапсени пет лица
-
Балкан5 days agoДрама во Србија: БМВ се заби во камион, возачот со цигара тврди: „Не знам, ме удри камион“ (ВИДЕО)
-
Црна Хроника7 days agoПолицијата го лоцираше украденото „Ауди“ за неколку часа – младиот тетовец уапсен!
-
Црна Хроника1 day agoИнцидент на лет кон Скопје: Пијани навивачи тероризирале патници
-
Црна Хроника3 days agoДевојка летала со Ауди 174 километри на час на автопатот Тетово – Гостивар