Македонија

Започна економскиот колапс: Стопанска комора на Македонија прогласи кризна состојба во работењето

Се прогласува кризна состојба во работењето на Стопанската комора на Македонија, која ќе трае од 15 септември 2022 година до 15 април 2023 година.

За спроведување на активностите поврзани со оперативното работење во Комората ќе се формира Кризен штаб на Комората, чиј состав и овластувања ќе бидат утврдени со посебна одлука.

„Со оглед на фактот дека состојбата со снабдувањето со електрична енергија сè повеќе се комплицира, а информациите што ги добиваме од нашите членки се сè подраматични, се поставува потребата од концентрирање на нашата работа кон разрешување на ова прашање, со оглед на фактот дека сè друго во овој момент е бесмислено. Снабдувањето со електрична енергија е со таков интензитет, што има огромно и пресудно влијание врз работењето на компаниите членки на Комората, и веќе се забележани случаи на затворање на компаниите и редуцирање на работењето“, велат од СКСМ во своето образложение за одлуката.

„Како што сите знаеме, и покрај огромниот притисок кој што го извршивме на Владата, мерките коишто требаше да бидат преземени доцнат, а информациите кои стигнуваат од Министерството за финансии зборуваат дека сме на праг и на финансиска криза. Токму затоа, немаме друг избор, освен да се искористат сите можности за дополнителен притисок и вклучување во разрешницата на овие проблеми, што значи и редуцирање на коморските редовни активности. Врз основа на определбите на Законот за стопанските комори и Статутот на СКСМ, во кој се јасно набележани одредбите за суштината на нашето постоење, донесена е ваква одлука и се прилагодува работењето“, велат оттаму.

Стопанската комора е создадена да ги застапува и заштитува интересите на стопанските субјекти кои во овој момент се загрозени и таа е независна и самостојна организација, којашто има за цел неколку клучни компоненти:

– застапување на заедничките интереси на членките;

– искажување на интересите на членките пред надлежните државни органи;

– усвојување и предлагање усогласени мислења и ставови во врска со подобрување на условите за работење;

– учество во креирањето на јавното мислење, политиките за суштинските и системските прашања;

– утврдување и негување на добрите деловни обичаи;

– развивање на деловниот морал и утврдување правила на деловното однесување на членките на Комората во меѓусебните односи и во односите кон трети лица и на пазарот.

Конкретно, тоа значи дека со посебна одлука ќе биде формиран кризен штаб кој ќе ги преземе ингеренциите за раководењето со Комората во кризна ситуација, ќе биде во постојано заседание и ќе располага со сите потребни информации за донесување одлуки.

Исто така, кризата со електричната енергија и другите кризни ситуации ќе станат приоритет во коморското работење и нема да се губи ниту една минута во реагирањето и координирањето на активностите меѓу нас. Органите и телата на СКСМ и понатаму ќе ги извршуваат своите овластувања, но секојдневно ќе бидат информирани од Кризниот штаб за сите нови информации што влијаат врз работата на компаниите. Оваа одлука да биде итно проследена до сите наши членки и посебно до органите на Комората.

Related Topics:Featured криза СтопанскаКомора

Up Next

Економска катаклизма: Еуроникел прекинува со работа, сите вработени на принуден одмор

Don't Miss

Мизерно: За 2 неплатени сметки, ЕВН му ја блокирала сметката на 24 годишник кој требало да прави трансплантација

Македонија

Констатирани неправилности во функционирањето на 14 јавни здравствени установи

Вонреден инспекциски надзор спроведен од Фондот за здравствено осигурување утврди неправилности во функционирањето на 14 јавни здравствени установи низ Северна Македонија, од кои две се во Скопје. Надзорот бил извршен во службите за Итна медицинска помош и домашна посета.

Како што информира директорот на ФЗО, Сашо Клековски, инспекцијата опфатила вкупно 37 јавни здравствени установи – 29 надвор од Скопје и осум во главниот град. Во 23 институции не биле утврдени недостатоци, додека во 14 биле констатирани сериозни неправилности.

Според Клековски, седум установи работеле со интерни ценовници кои немале одобрение од Фондот за здравствено осигурување и Министерството за здравство. Тој нагласи дека не станува збор нужно за штета по пациентите, но дека ценовниците не биле официјално усвоени.

Во две институции било утврдено погрешно фактурирање кон Фондот, додека уште две фактурирале услуги за кои немале дозвола. При теренските контроли биле откриени и посериозни пропусти – во една установа надвор од Скопје немало лекови против болки, а резервите на лекови во Итната помош биле под минималниот потребен праг. Во друга институција, пак, воопшто немало медицински екипи за обезбедување на здравствени услуги.

На сите установи кај кои се утврдени неправилности им е даден рок од два месеци за нивно отстранување, по што ќе следи повторна контрола. Клековски посочи и дека Фондот не бил навреме информиран дека службата за домашна посета во Шуто Оризари е целосно затворена поради недостаток на персонал.

Македонија

Вишото јавно обвинителство има нова шефица: Наташа Крстевска Цалева ја презема должноста

Советот на јавните обвинители ја назначи Наташа Крстевска Цалева за вршител на должноста Виш јавен обвинител на Вишото јавно обвинителство Скопје, со мандат до избор на нов шеф, но не подолг од шест месеци.

Одлуката беше донесена на 33-тата седница на Советот, одржана на 12 декември 2025 година, со почеток во 10:30 часот. Назначувањето на Крстевска Цалева беше единствена точка на дневниот ред на седницата.

„На 33-тата седница одржана на ден 12.12.2025 година, со почеток во 10:30 часот, Советот на јавните обвинители на Република Северна Македонија, по усвојувањето на дневниот ред, донесе одлука за определување на вршител на должност Виш јавен обвинител на Вишо јавно обвинителство Скопје, така што за вршител на должност се избира Наташа Крстевска Цалева – јавен обвинител во Вишо јавно обвинителство Скопје, до избор на Виш јавен обвинител, за време не подолго од шест месеци“, се наведува во соопштението.

Именувањето следи по престанокот на функцијата на дотогашниот шеф на ВЈО Скопје, Мустафа Хајрулахи, кој поднесе оставка на 9 декември. Тој претходно беше суспендиран поради поднесен обвинителен акт од Основното јавно обвинителство Штип за пет кривични дела „малтретирање во вршење на службата“ и едно дело „злоупотреба на службената положба и овластување“.

Наташа Крстевска Цалева и претходно ја извршуваше функцијата в.д. Виш јавен обвинител, во февруари годинава, за време на суспензијата на Хајрулахи.

Македонија

Се што треба да знаете за „Safe City“

Казнувањето на сообраќајните прекршоци преку системот „Безбеден град“ официјално ќе започне на 1 февруари, наместо на првично најавениот датум 1 јануари. Одложувањето е потврдено за ТВ21 од помошник-заменик министерот во МВР, Мухамет Исмаили, кој објасни дека причина за пролонгирањето е потребата од дополнителни технички проверки и усогласување на правните процедури.

„Од 01.02.2026 системот SafeCity целосно ќе биде ставен во функција во Скопје, Куманово и Тетово, како и на Коридорите 10 и 8, додека во другите градови се предвидува да започне во текот на 2026 година“, изјави Исмаили.

Од Министерството за внатрешни работи најавуваат и можност за одредена толеранција кај ограничувањата на брзината. „Треба да ги почитуваме ограничувањата – 50 км/ч за урбани подрачја значи 50 км/ч. Секако дека и ние ќе внимаваме, исто како што прават и сите европски градови каде што имаат свои параметри за толеранција – таква толеранција ќе има и кај нас“, изјави Сашо Топаловски, началник на СВР Скопје.

Системот „Безбеден град“ ќе работи со фиксни камери кои ќе регистрираат пречекорување на брзината, поминување на црвено светло, нерегистрирани возила и други прекршоци. Дополнително, специјализирани полициски возила ќе идентификуваат неправилно паркирање и останати нарушувања на сообраќајните правила.

Целта на новиот систем е до 2030 година да се преполови бројот на сообраќајни несреќи во државата.