Министерот за надворешни работи и трговија на Македонија, Тимчо Муцунски, присуствуваше на натпревар на Престон Лајонс, еден од најуспешните македонски фудбалски клубови во Австралија.

Во црвено-жолта боја, заедно со македонската заедница во Мелбурн, Муцунски навиваше за тимот кој е симбол на спортскиот дух и гордост на Македонците во Австралија.

„Вистинска чест беше да го бодриме клубот кој ги обединува нашите иселеници и ја негува македонската традиција преку спортот. Престон Лајонс е успешен спортски модел и пример за сплотеност и заедништво“, истакна министерот.

Настанот беше и можност за средба со истакнати стопанственици со македонско потекло, кои со својата поддршка придонесуваат за развојот на клубот и за зајакнување на врските меѓу Македонија и македонската заедница во Австралија.

За првпат во судница денеска се појави и сведочеше Гоце Трајковски, пријател на обвинетиот Александар Ѓорчевски, татко на 14-годишната Вања.

Трајковски не познава ниту еден од обвинетите и како што изјави не е во роднинска врска со никој пд нив.

Се пожали дека по настаните поврзани со случајот, добивал закани.

„Пред да сведочам, сакам да кажам дека имам закани од овие психопативе тука, од нивната партија. Пази што зборуваше да не пропаднеш во дупка. Сакам да кажам дека никој не им се плаши на овие психопативе. Заканите беа од профилот „Недвижности Битола“. Заканата беше да внимавам што зборувам. И после тоа се вклучија во живо од партијата, и самите се издадоа дека се од тој профил. Имам и тужба против нив. Не сум јас 14-годишно девојче да ми се закануваат“, рече Трајковски.

Извор: нетпрес.мк

Регулаторната комисија за енергетика, водни услуги и услуги за управување со комунален отпад на Република Македонија (РКЕ) ја информира јавноста дека (согласно Тарифниот систем за продажба на електрична енергија на потрошувачите кои ги снабдува универзалниот снабдувач и снабдувач во краен случај, член 10 став 8 ), сите домаќинства кои добиле сметки за електрична енергија и имаат за прв пат фактурирана потрошувачка во четврт блок, ЕВН Хоум е должен да ги корегира сметките за електрична енергија и да направи соодветна распределба по блокови согласно историјатот на просечната потрошувачка на домаќинството во последните 3 пресметковни периоди.

Потрошувачите кои се незадоволни од пресметката на потрошената енергија и износот на сметката, (согласно член 37 од Законот за енергетика*, Правилата за снабдување со електрична енергија и Правилата за постапување на приговори и разрешување на спорови, потрошувачите за секоја фактура) имаат право да вложат приговор до универзалниот снабдувач ЕВН Хоум.

Доколку потрошувачот не е задоволен од добиениот одговор или не добијат одговор во законски предвидениот рок (од 8 дена), имаат право да поднесат приговор до РКЕ како второстепен орган. За приговорот до РКЕ нема пропишано посебна форма/формулар и кон истиот треба да приложат: копија од вложениот приговор до ЕВН Хоум, одговорот од ЕВН Хоум и копија од сметката по која приговараат.

Приговорот може да се достави во архивата на РКЕ или електронски по е-маил на erc@erc.org.mk и potrosuvaci@erc.org.mk .

Против решенијата на РКЕ незадоволната странка може да поведе Управен спор.

Од 1 јануари 2025 година цената на струјата за просечна потрошувачка во сите четири блокови е зголемена за помалку од еден процент (0,92 %). Конкретно во прв блок цената е зголемена за 0,68%, додека во втор блок цената е зголемена за 0,90 %

Регулаторната комисија за енергетика, водни услуги и услуги за управување со комунален отпад ги повикува политичките партии да не ги политизираат одлуките на РКЕ кое е независно тело.