Еден Хрват решил да продаде еден специјален пар патики за неверојатни 19.908,42 евра или 150.000 куни, пишува Слободна Далмација.
„Ретро винтиџ патики со потпис на Дражен Петровиќ“ – гласи насловот на огласот на Њушкал.
Патиките се црвени, големина 43, без врвки и како што е наведено во огласот – користени се.
Она што ги издвојува од другите е тоа што ги носеле во 1989 година пред финалниот натпревар на европското првенство во кошарка меѓу Југославија и Грција, а патиките на тогаш 14-годишното момче биле потпишани од репрезентативци на Југославија: Даниловиќ. , Паспаљ, Дивац, Чутура, Петровиќ, Вранковиќ , Радја, Радуловиќ и Кукоч.
Југославија тогаш го освои европското злато и по неколку години се распадна.