Monthly Archives: November 2022

Македонија

ПО ПОВОД ДЕНОТ НА ЈУГОСЛАВИЈА Апасиев и Крмов го посетија вечниот дом на Јосип Броз Тито

Gallery

„По повод Денот на Републиката, пратениците на Левица, Димитар Апасиев и Борислав Крмов го посетија вечното почивалиште на најголемиот државник на овие простори – Јосип Броз Тито, под чие водство против фашистичките сили и домашните предавници, македонските партизани победија во војната и Револуцијата. Македонците и антифашистичката идеја победија“, соопшти Левица.

„Македонците и антифашистичката идеја победија! Победија заедно со сите братски југословенски народи, за на 29-ти ноември 1943 година на Второто заседание на АВНОЈ, партизаните ја прогласат прогресивната југословенска работничка држава, во која македонскиот народ за прв пат, национално ослободен и класно рамноправен со останатите југословенски братски народи, ќе го забележи своето историско место и цивилизациско право за градење на сопствена држава, без отчет кон туѓи интереси.

Татковината на нашите предци и на нашето потомство – Македонија, во која македонскиот народ ја создава својата судбина, повторно е втурната во виорот на мрачните сили, кои водат кон расчеречување и враќање во одамна надминатото време и пред извојуваната слобода.

Под раководство на СДС, деновиве се одвива најцрната кампања против Левица. Истото СДС, чие раководство со потпишувањето на Преспанскиот договор и капитулацијата пред неофашистичките барања на Бугарија го исплука гробот на Јосип Броз Тито и ги згази идеалите на македонските партизани, на НОБ и АСНОМ.

Домашните предавници од врховистичката СДС и балистичката ДУИ, кои имаат една цел – да робуваме и никогаш слободни да не бидеме, оние кои распродадоа сè што имавме, немилосрдно ја напаѓаат Левица бидејќи, поучени од историјата, знаат дека народната идеја за слобода е онаа која неизбежно секогаш победува.

Во духот на македонскиот великан и социјалист, Коста Солев Рацин – Сепак ние ќе победиме.

Да живее Македонија и македонскиот народ – да живее АСНОМ!“, се вели во соопштението на Левица.

Македонија

Југословенско знаме се развеа во Кочани по повод 29-ти Ноември

Gallery

Југословенското тробојно знаме со ѕвезда петокрака денеска повторно се развеа во Кочани, со што членовите на граѓанското здружение „Јосип Броз Тито“ го почнаа одбележувањето на 29 Ноември, како значаен датум од историја на поранешната заедничката држава на народите од Балканот.

Фотографии со ликот на Тито, придружени со македонски знамиња , како и песни во кои се опева борбата против фашистичкиот окупатор во Втората светска војна, беа декорот што можеше да се види и слушне во караванот од возила што прошетаа низ кочанските улици.

– Ние сме единственото активно македонско здружение кое на овој начин го одбележува денот кога се одржало второто заседание на АВНОЈ, кој е роденден на некогашната заедничка држава. Овој датум за нас има посебна важност, затоа што тогаш се оствариле идеалите на сите наши револуционери, а македонската нација конечно доби признавање за своето постоење. Потврда дека 29 ноември е голема историска пресвртница е што слични здруженија во Словенија, Хрватска и другите поранешни југословенски републики му даваат многу поголема важност отколку кај нас, иако Македонија на тој ден ја добила својата државност, а денес ние го живееме тој континуитет, истакна Трајан Трендов, претседател на здружението „Јосип Броз Тито“.

Додека дефилето од возила се движеше по улиците, кај граѓаните имаше мало изненадување поради тоа што постарите подзаборавиле, а помладите воопшто ни не знаат за значењето што го имаше некогаш најголемиот државен празник.

Здружението на граѓани „Јосип Броз Тито“, ги прославува сите значајни датуми поврзани со историјата на поранешна Југославија, а во изминатиот период организираше и повеќе хуманитарни акции за собирање облека и храна, како и за доброволно крводарување.

Македонија

Регистриран „Центарот за македонски јазик во Грција“ – следи кампања за целосно признавање на македонскиот јазик во оваа држава

Центарот за македонски јазик во Грција“ објави дека официјално е регистриран како невладина организација (НВО) од страна на судските власти во Грција. Овој настан од историско значење за македонскиот јазик во Грција започна со барањето за регистрација на организацијата, кое беше одобрено од страна на судот на 28 јули 2022 година. Минатата недела судот официјално го одобри и статутот на организацијата.

Тоа е прва невладина организација во Грција, која директно ќе се грижи за македонскиот јазик и која законски е регистрирана од страна на грчките државни органи. Овој чин претставува, всушност, признавање на македонското говорно население во Грција. Значајно е што судската документација официјално ја наведува организацијата со нејзиниот назив на македонски јазик, при тоа користејќи го и македонското кирилично писмо.

Одлуката на судот претставува прво официјално признавање на македонскиот јазик во Грција од државните органи после пописот на населението во Грција спроведен во 1920 година, кога македонскиот јазик бил наведен како јазик, што го зборува дел од населението во одредени региони. Ова е само почеток на кампањата за целосно признавање на македонскиот јазик во Грција. Затоа, Центарот за македонски јазик во Грција во наредниот период ќе се насочи кон исполување на своите цели од статутот, кои предвидуваат:

– изучување на македонскиот литературен јазик од страна на граѓаните на Грција, преку интернет-страница.

– поддршка на заложбите за идно воведување на македонскиот литературен јазик како изборен предмет во јавните училишта (основни и средни) и универзитетите во Грција, кои се наоѓаат во регионите Западна Македонија, Централна Македонија и Источна Македонија и Тракија.

– поддршка на заложбите за идно формирање на педагошки училишта/одделенија во рамките на постоечките универзитети во Грција за обука на наставници по македонски јазик, како и за изработка на наставни програми и наставни материјали.

„Ги повикуваме сите говорители на македонскиот јазик и неговите богати дијалекти во Грција, како и сите демократски ориентирани граѓани во државата, да ни се придружат во нашите напори за постигнување на соодветно и официјално признавање, кое сите ние го заслужуваме“ – соопштуваат од „Центарот на македонскиот јазик во Грција“.

Македонија

Не е само синот на Талат Џафери, СПОРНИ СЕ 449 СТУДЕНТИ ЗА ПРЕДВРЕМЕ ПОЛАГАЊЕ ПРАВОСУДЕН!

Не можам бројка да кажам, меѓутоа до мене стигнуваат инфомрации дека многу, многу лица се пријавувале да полагаат предвреме правосуден испит. Има еден период каде што навистина било сива зона, изјави Билјана Ивановска, претседателката на Антикорупциска, дека предвреме се полагал правосуден испит, откако во јавноста излегоа вести дека БАрлет Џафери синот на претседателот на Собрание, Талат Џафери пред да дипломира се пријавил да полага правосуден.

Според Ивановска имало еден период со воведувањето на болоњскиот систем кога настануваат некои недоследности.

Таа за „Топ тема“ на Tелма рече дека претходно се студирало 4 години, па со болоњскиот систем биле намалени на три, за кои се добивале 180 кредити, а останатите 120, од потребните 300 за полагање правосуден испит, се добивале со завршување на магистерските студии.

Но, Барлет завршил три години и добил 7/1 квалификација, што според Ивановска можеби му ја отворило вратата во Министерството за правда, за предвреме да полага правосуден испит. Вели дека се обратиле до инспекторатот за образование, на Универзитетот на ЈИЕ да го провери периодот од 2008 до 2012, и да види колку има такви студенти што завршиле три години а добиле 7/1 степен на образование.

– Знаете која е бројката? 449 студенти. Значи тоа е појава, тие сигурно не чекале да им дојде рокот за да полагаат правосуден испит. Претпоставувам, ама не можеме да докажеме. Дали таа квалификација од 7/1 му ја отворило вратата во Министерството за правда, за да полага правосуден, значи тоа е прашалникот кој што се појавува кај нас. Реално, тој немал толку кредити, меѓутоа, со тоа 7/1 можеби тоа му ја отворило вратата во Министерството за правда, но кој може тоа да го докаже. Прво, седум години се поминати, значи делото е секако застарено, а и да не е, пак ние треба да покренеме постапка против службено лице, затоа што секој како него може да поднесе документи. Ние треба систем да градиме. системот да ги отфрла тие што не ги исполнуваат условите, вели Иавановска.

Таа посочи дека Државната комисија за спречување на корупција ја прекинало постапката за тоа како синот на Талат Џафери, успеал да добие право да полага, и да положи правосуден испит, пред да ги заврши магистерските судии. Ивановска негира дека не сакале да постапуваат, туку едноставно ги исцрпиле инструментите и истрагата со тоа завршила.

Не можевме да откриеме кој е тој што му дозволил на Барлет Џафери да полага предвреме. И тоа е нашиот проблем, затоа за нас постапката застанува тука, рече Ивановска.

Ивановска рече дека истрагата на антикорупционерите, која ја започнале по анонимна пријава, била насочена кон откривање кој му дозволил на помладиот Џафери да полага правосуден испит за да аплицира на Академијата за судии и јавни обвинители.

Гледајќи ги документите кои што ни ги достави академијата воочивме дека во фебруари 2015 го положил правосудниот испит, а во јули истата година, значи пет месеци подоцна, се стекнал со 300 кредити, односно завршил магистерски студии. И тука почнавме да истрасжуваме. Се обративме до Министерството за правда, да ни ги достават документите од барањето на кандидатот што го доставил до правда. Да видиме што содржело тоа барање, кој го примил тоа барање и кој издал решение дека кандидатот ги исполнува условите. Дали министерот или од министерот овластено лице. Од правда веднаш не известија дека тие документи се чуваат само една година, тоа е така затоа што министерот одлучил така, рече Ивановска.

Тогашниот министер за правда, Аднан Јашари, претходно тврдеше дека во стариот закон имало дискреционо право, но таа пракса била прекината по носењето на законот во 2019 година. Но, Ивановска тврди дека ниту во стариот закон немало такво право.

Нема дискреционо право, на што ќе се заснова тоа дискреционо право, врз основа на што тој треба да одлучи дејка на некому ќе му даде право да полага? Тоа е злоупотреба веќе, ако имало такво дискреционо право, тврди претседателката на Антикорупциската комисија.

Македонија

Апасиев се пожали дека некој му ја изгребал Алфата на собраниски паркинг и си отишол!

Gallery

Пратеникот и претседател на Левица, Димитар Апасиев, на Фејсбук објави фотографија и кажа дека неговото возило било оштетено додека стоело на паркинг за време на седницата во Собранието.

Како што информира Апасиев, “Алфата” била изгребата на собранискиот паркинг.

“Ми ја изгребал Алфата на СОБРАНИСКИОТ ПАРКИНГ и си отишол!? 

Ете, така заврши еден прекрасен пратенички ден. 

#ПаркинготДаГоВратитеТаљате“- напиша Апасиев на Фејсбук.

Свет

Страшен помор на риби во Австралија (Фото)

Gallery

Не е позната причината за поморот на рибите, за кои се претпоставува дека се сардини или аншоа, но надлежните институции покренале истрага за инцидентот.

Причината за катастрофата може да има неколку различни причини.

– Општо земено, овој вид на непогоди може да се случи поради природни промени како што се температурата, соленоста на водата или нивото на кислород, а може да биде и болест или загадување – извести Државниот завод за индустрија ПИРСА.

Свет

И Балканот и Полска ДА СЕ ВО ЕДЕН РУСКИ ДОМ, не само Украина, бараа на руска телевизија (ВИДЕО)

Video

На Руската државна телевизија се разговараше за планираната стратегија на Русија за следната деценија. Нивните експерти, покрај тоа што изјавија дека украинскиот јазик не постои, предвидуваа дека Русија ќе ги здружи соседните земји во „еден голем руски дом“, со можно проширување на Балканот и Полска.

„Сега, од една страна, многумина имаат причина да очајуваат, но ако ги погледнете работите од друга перспектива, Русија победнички се бори против повеќе од милијарда западњаци. Во текот на целата оваа година, Западот не можеше да ја победи Русија. Просечниот Русин ќе се согласи со мене – имаме топла вода, храна, работа, јавниот превоз работи. Нашата економија се реконструира“, изјави филологот Николај Вавилов во емисија на каналот „Русија 1“.

„Украинскиот јазик не постои“

„Всушност, станува збор за победа на Русија. Нема изолација за нас, особено сега кога ни се приклучи Кина. Ни се приклучија и Индија, Југоисточна Азија, Африка и Латинска Америка. Нема изолација бидејќи ние сме победници во овој масовен специјална операција“, рече тој и додаде:

„Јас сум филолог. Украинскиот е дијалект на рускиот јазик. Нема украински јазик. Има само украински дијалект. Ви требаат две недели да го изучите овој дијалект. Во суштина, зошто Западот толку се плаши од нас? Непријателот е пред Москва. За 10, 15 или за 20 години ќе ја вратиме целата територија“, рече Вавилов.

„Ќе ги обединиме сите оние народи кои тврдат дека се независни во еден голем руски дом. Што значи тоа? Во Европа со 500 милиони жители, ќе има колектив од 200 милиони луѓе кои зборуваат руски, кои мирно ќе бараат право на Балканот, Полска и така натаму“, рече рускиот филолог.

„Има 80 милиони Германци, вклучувајќи Пакистанци, Турци и Арапи. Има 60 милиони Англичани, вклучително и Пакистанци и други. Ќе се појави водечка нација во Источна Европа. Западот нема да може да направи ништо“, додаде тој.

„За 10 до 15 години ќе се појави огромна заедница. Што значи тоа? Тоа значи дека ќе го фрлиме оделото старо 20 или 30 години, истрошеното одело на глобализмот. Треба да го замениме со нова идеологија, нови општествени и политички структури“, заклучи тој.

Македонија

И ОХРИДСКА АРХИЕПИСКОПИЈА ЈА СМЕТААТ ЗА БУГАРСКА!

Изворите покажуваат поинаку, дека таа е формирана во византискиот период. Тука се судираме. Треба да им се објасни на децата која е улогата на Охридската архиепископија и која е улогата на црквите во византискиот свет. Препораките кои би ги усвоиле треба да бидат и за македонските и за бугарските учебници – посочи Тодоров.

Не работиме на утврдување на статусот на МПЦ-ОА, туку на тоа, како таа ќе биде претставена во учебниците по историја. Во актуелните учебници не им се објаснува на децата која е улогата на црквите, треба да научат кое е местото на црквата во средниот век, посочи Петар Тодоров од Мешовитата комисија за историски прашања во денешното гостување во Дневникот на Сител.

Тој посочи дека бугарските претставници инсистирале на тоа дека Охридската архиепископија е наследник на бугарската црква која се појавила во бугарското средновековно царсто. Но, вели Тодоров, изворите покажуваат поинаку, дека таа е формирана во византискиот период.

– Тука се судираме. Треба да им се објасни на децата која е улогата на Охридската архиепископија и која е улогата на црквите во византискиот свет. Препораките кои би ги усвоиле треба да бидат и за македонските и за бугарските учебници – посочи Тодоров.

Тој го повтори ставот дека целта на Комисијата не е решавање на политички прашања.

Претходно со соопштение македонскиот тим во Заедничката мултидисциплинарна и експертска комисија за историски и образовни прашања реагираше на, како што наведе, некоректното информирање на јавноста за темите кои се предмет на дискусија во работата на Комисијата.

– Бевме изненадени како тоа бешее претставено во јавноста, дека сме разговарале за црковни прашања, за статусот на МПЦ. Предмет на работата на Комисијата се прашањата за претставувањето на историјата на Охридската архиепископија во учебниците по историја за основно образование во двете држави, нејзината улога и значење за христијанството и словенската писменост и книжевност, а не црковно-теолошки прашања или утврдување на статусот на МПЦ-ОА или, пак, нејзино дефинирање во национална смисла – рече Тодоров.

Тој беше дециден дека никој во православниот свет нема проблем со тоа што МПЦ-ОА се повикува на Охридската архиепископија. Тодоров рече дека улогата на Комисијата не е да решава политички прашања.

– Комисијата не мора сите прашања да ги реши. Ние не решаваме историографски дебати и не решаваме проблеми во учебниците. Ако нема решение кое ќе води кон подобри односи меѓу двете држави, ако тоа решение предизвикува повеќе проблеми, најдобро да се прекине и да се оди на други теми – рече Тодоров.

Приказни

Неверојатна приказна: Oд фудбал на улица, до први голови во Катар

Gallery

Мохамед Салису е 23 годишен фудбалер на Саутемптон, репрезентативец на Гана. За оваа селекција дебитирал оваа година и има само пет мечеви за националниот тим. Неговата фудбалска бајка почнува во 2017-та кога станува дел од младинските категории на Ваљадолид.

Мохамед Мунтари е 28 годишен фудбалер на Ал Ахли. Репрезентативец е на Катар.

Нив двајца ги поврзува една успешна приказна како од бајките. Освен тоа што имаат исти имиња, двајцата се родени во градот Кумаси, Гана. Пред десетина години заедно играле фудбал на маалските терени или практично кажано на улица. Десет години подоцна тие се дел од Светското првенство. Едниот, Мохамед Салису со Гана, додека Мохамед Мунтари со репрезентацијата на Катар.

Приказната да биде уште повозбудлива и поубава и двајцата постигнаа гол за своите селекции на Мундијалот во Катар. Салису стрелаше за 1:0 на мечот Гана-Јужна Кореа (3:2), а Мунтари беше стрелец на единствениот гол за Катар досега и тоа на мечот против Сенегал (1:3). Катар е веќе елиминиран бидејќи има два порази, додека Гана со победата над Јужна Кореја останува во игра за пласман во осминафиналето.

Македонија

За долг од 2.000 евра: Обид за убиство во Македонија

Основното јавно обвинителство Струга донесе Наредба за спроведување истражна постапка против едно лице за кое постои основано сомнение дека сторило кривично дело – Убиство од член 123 став 1, а во врска со член 19 (во обид) од Кривичниот законик.

На 23 ноември, во Велешта, осомничениот се обидел да лиши од живот лице со кое односите му биле влошени поради должничко-доверителски обврски. Имено, оштетениот му должел 2.000 евра на осомничениот и се договориле да се сретнат за да му ги даде. Но, помеѓу нив, најпрвин настанала расправија околу враќањето на парите, а потоа осомничениот го турнал оштетениот и од засега непознато оружје испукал кон него два куршуми. Од истрелите, оштетениот се здобил со тешки телесни повреди – огнострелни рани во градниот кош, абдоменот и колкот.

Веднаш потоа осомничениот избегал, а оштетениот успеал да се јави кај неговата сопруга која повикала итна медицинска помош.

Оценувајќи дека постои опасност од бегство и можност осомничениот да влијае врз сведоците и оштетените, надлежниот јавен обвинител до Основниот суд во Струга достави предлог за определување мерка притвор.​​