Како што веќе објави Телма, приведени се Ратко Капушевски, сопственикот на РКМ и Асмир Јахоски, сопственикот на Пуцко Петрол.

Ова го потврдија повеќе извори запзонаени со истрагата. Обвинителството за гонење на организиран криминал и корупција ја води истрагата во која се испитуваат злоупотреби при набавка на деривати.

РКМ на Капушевски и на Ерџан Сулкоски добиваше набавки на мазут вредни десетици милиони евра од државните елктрани за ТЕЦ Неготино, за време на енергетската криза.

Со истрагата се опфатени и повеќе возачи. Од Oбвинителството потврдија дека истражните активности се во тек.

На локации во Скопје и низ државата во тек е акција на Одделот за субивање на организиран криминал и корупција во координација со Основното јавно обвинителство за гонење на организиран криминал и корупција. Акцијата е во врска со сторени кривични дела поврзани со сомнителни набавки на деривати.

– Одделот за сузбивање на организиран криминал и корупција при БЈБ, МВР во координација со ОЈО за ГОКК по Наредба на судија на претходна постапка врши претреси на локации во Скопје и низ државата во врска со сторени кривични дела поврзани со сомнителни набавки на деривати, штета од големи размери за буџетот на државата и штета врз здравјето на луѓето, информираа од Министерството за внатрешни работи.

Дел од медиумите објавија дека е приведен и поранешниот директор на Спортскиот центар „Борис Трајковски“, Ратко Капушевски, на функцијата именуван од владата на Груевски во 2010 година .

Неофицијално, денес Бирото за јавна безбедност, со останатите надлежни институции, почнале координирана акција против компаниите и поединци инволвирани во сомнителната набавка на мазут, што ги загрозува здравјето на граѓаните и животната средина.

Како што објави Плусинфо приведен е Ратко Капушевски познат увозник на нафтени дерифавти. Плусинфо неофицијално дознава дека го „обезбедила“ приуството на Асмир Јахоски првиот човек на „Пуцко Петрол“.

Разоткриена е мрежа на увозници кои противзаконски испорачале некаков вид горива со сомнително потекло и квалитет. Овие горива најчесто содржат високи нивоа на сулфур, тешки метали или други штетни соединенија, што можат да доведат до сериозно загадување на воздухот и на почвата.

Состојбата е аларманта со степенот на загаденост, а според извештаите на повеќе институции, неколку илјади граѓани годишно го губат својот живот. Токму загаденоста се смета како една од најголемите причини и за иселувањето.

Некои имиња инволвирани во криминалните активности често се споменуваа во минатото, како заштитени бели мечки од одредени центри на моќ.

Се работи за огромна сума околу 10 милијарди денари испумпани преку фиктивно договори за позајмици и посреднички услуги за испорака на сомнителни горива.

Во моментов, државата испраќа јасна порака – нема толеранција за оние што го трујат народот!