Се проширува истрагата за трагедијата во дискотеката „Пулс“ во Кочани – уште седум полициски службеници се приведени, а акцијата е сè уште во тек. Информацијата вечерва ја потврди Јавниот обвинител Љупчо Коцевски, гостувајќи во емисијата „Топ Тема“ на Телма телевизија.

„Само што добив известување од надлежниот обвинител од Кочани дека е издаден налог за приведување на нови седум полицајци. За нив ќе бидат побарани мерки за претпазливост,“ изјави Коцевски, но не откри дали станува збор за службеници кои биле директно на терен или за лица кои не постапиле соодветно на своите надлежности.

Со ова, бројот на осомничени полициски службеници се искачува на 14 – откако пред речиси еден месец беа приведени првите седум. Во моментов, истрагата се води за кривичното дело „предизвикување опасност по живот и тело на луѓето“.

Од Министерството за внатрешни работи за Плусинфо ја потврдија информацијата дека акцијата е во тек, додавајќи дека повеќе детали ќе бидат соопштени подоцна.

Обвинителството продолжува со прибирање на докази, анализа на видеоматеријали и преглед на комуникацијата поврзана со трагичниот настан, со цел да се утврди евентуална институционална одговорност за пожарот кој однесе човечки животи.

Според првичните информации, Обвинителството води постапка и против 47 физички и 3 правни лица, меѓу кои се и поранешни министри, директори на Дирекцијата за заштита и спасување, како и инспектори од пазарната инспекција. Седуммина од приведените полицајци се веќе во 30-дневен притвор.

Посебен режим на сообраќај утре во Скопје

СВР Скопје ги известува граѓаните дека утре (16.04.2025) со почеток во 20.00 часот поради одржување на меѓународен фудбалски натпревар на Националната арена „Тодор Проески“, Единицата за безбедност на патниот сообраќај ќе преземе мерки за посебен режим на сообраќајот на улиците околу арената.

СВР Скопје апелира до сите граѓани учесници во сообраќајот да ги почитуваат наредбите што ќе ги даваат полициските службеници.

Пратениците од ДУИ бурно реагираа на денешната седница на Комисијата за политички систем, откако мнозинството не го поддржа дневниот ред на кој се наоѓаше нивното барање за надзорна расправа за истрагата поврзана со трагедијата во Кочани. Од партијата обвинија дека колегите од мнозинството не сакаат вистината да излезе на виделина, и побараа морална одговорност од премиерот и министерот за внатрешни работи.

Иако претходно СДСМ се изјаснија дека нема да бараат расправа додека не заврши истрагата, денеска дадоа поддршка на иницијативата на ДУИ, со став дека треба да се отвори расправа и за останатите трагедии од последните години – како несреќата кај Ласкарци, случајот со „Беса транс“ и пожарот во модуларната болница во Тетово.

Мнозинството, пак, останува на ставот дека за каква било институционална расправа треба да се почека завршувањето на истрагите, со цел да се избегне влијание врз нивниот тек.

ДУИ најави дека нема да застане тука. Најавија дека 15 нивни пратеници ќе упатат официјално барање до претседателот на Собранието за одржување на надзорната расправа.