Измамник успеал во еден ден да одземе 250.000 денари  (околу 4.000 евра) од двајца повозрасни кумановци, лажејќи ги дека е полицаец кој ќе посредува нивните деца да не одговараат за сообраќајна несреќа во која прегазиле дете мигрант. Обидот кај трет кумановец не успеал.

Според МВР, во текот на вчерашниот ден, измамникот се јавил на телефон кај двајца мажи на возраст на 74 и 83 години, како и кај една жена на 66 години, при што се претставил како полициски службеник, и им кажал дека наводно нивните деца, ќерки или син и снаа, предизвикале сообраќајна несреќа во која прегазилe дете мигрант и ќе треба да дадат одредена сума на пари за да не одат в затвор.

„Во 13.00 часот 74-годишен маж од Куманово пријавил дека едно лице се обидело да го измами. Во 16 часот 66-годишна жена од Куманово пријавила дека била измамена од едно лице за сума од 2.500 евра. Лицето ѝ се јавило на телефон и претставувајќи се како полициски службеник ја известило дека нејзината ќерка предизвикала сообраќајна незгода во која прегазила дете мигрант и ќе треба да плати одредена сума на пари за да не ја гонат кривично. Таа ги однела парите на договореното место, а подоцна се слушнала со нејзината ќерка и сфатила дека е измамена. Во 17.00 часот, 83-годишен маж од Куманово пријавил дека бил измамен за сума од 100.000 денари на истиот начин“, велат од СВР Куманово.

Во текот на 2024, во Куманово биле регистрирани две измами за сообраќајни несреќи. Од полицијата апелираат на претпазливост, а особено од повозрасните лица кога им се јавуваат непознати, да не наседнуваат на лажни услуги и сите сомнителни случаи да ги пријават на бесплатниот телефонски број 192.

Извор: sdk.mk

Градоначалникот на Општина Битола, Тони Коњановски, денес ја посети СОУ Гимназија „Јосип Броз Тито“, каде што во тек се подготовки за одбележување на значајниот јубилеј – 80 години од одржувањето на првиот час на современ македонски јазик.

За време на посетата, градоначалникот се запозна со реализираните инвестиции и проектите што ја подобруваат наставната средина во училиштето. Како дел од тековните вложувања, извршени се реконструкциски зафати, поставена е нова ограда, набавена е ИКТ опрема и училишен инвентар, а реализирани се и други подобрувања за унапредување на воспитно-образовниот процес.

„Локалната самоуправа останува посветена на поддршката на образованието и создавањето подобри услови за учениците. Ќе продолжиме со инвестиции кои имаат за цел да обезбедат квалитетна наставна средина и современи услови за работа во училиштата“, истакна градоначалникот Коњановски.

Вложувањата во гимназијата, во вкупен износ од 4.406.461 денари, се реализирани со поддршка од Општина Битола и Министерството за образование.

Директорката Лидија Споа го информираше градоначалникот за плановите за идни подобрувања, нагласувајќи дека менаџерскиот тим, заедно со вработените, активно работи на создавање на современа и мотивирачка средина за учениците.

Општина Битола продолжува со поддршката на образовните институции, овозможувајќи инвестиции кои ќе придонесат за квалитетно образование и развој на младите во општината.

20 годишниот Васил Јованов, кој ја прегази и усмрти 22 годишната Фросина Кулавкова пред две ноќи на булеварот „Партизански одреди“ е дилер на дрога, уште од времето на минатата власт.

Автомобилот кој го возел му е подарок од семејството и тие знаеле дека го вози без возачка дозвола.

Во март-април 2024 година, тој е фатен со кокаин и амфетамини, по што Судот му определил мерка притвор во траење од 3 месеци. 

Потоа Судот со одлука на судијката Даниела Алексовска Стојановска го пуштила на ресоцијализација во ВПД Тетово.

Како што наведува и самиот Кривичен суд, за Васил Јованов сеуште нема конечна, финална пресуда за дилањето дрога.

Кривичниот суд соопшти дека претходните судски постапки кои биле водени против осомничениот Васил Јованов, тој на 31.07.20204 година бил првостепено осуден, со пресуда К.бр. 1439/24 по кој постапувала судијата Даниела Алексовска Стојановска, и тоа за две кривични дела: Неовластено производство и пуштање во промет на наркотични дроги и психотропни супстанци и прекурсори од чл. 215 ст.1 и чл. 215 ст.1 вв со чл. 22 од КЗ со која пресуда заради неговата возраст, со неполни 20 години, а во согласност со одредбите од Законот за правата на децата, судот му изрекол воспитна мерка : Заводска мерка – Упатување во воспитно поправен дом, каде согласно чл. 48 ст.3 и ст.4 обвинетиот во домот останува најмалку 6 месеци, а најмногу 5 години односно до наполнети 23 години, во која пресуда му се засметува и времето поминато во притвор, по истиот предмет од 02.04.2024 година до 12.08.2027 година. 

Согласно Законските одредби од ЗКП по досудена Заводска мерка, мерката притвор не може да опстојува, заради што Јавниот обвинител вложил жалба во однос само на кривичната санкција.

Предметот на 07.11.2024 година е доставен на надлежно постапување на Апелациониот суд Скопје, од каде сеуште не е вратен на евентуално извршување.

Согласно евиденцијата на судот истиот не бил осудуван за друго кривично дело и не се водела друга постапка за други кривични дела. Исто така до овој момент до судот не е процесуирана друга кривична пријава, ниту пак прекршочна пријава од областа на Сообраќајот, а лицето е евидентиран, единствено како малолетник во 2021 година кога му е изречена судска опомена заради нарушување јавен ред и мир.

Значи, стандардно, за вакви случаи на дилери кои се едноставни за докажување, пресудите се донесуваат брзо, со казни затвор од најмалку 1 -1,5 години затвор, но за младиот полнолетник не е донесена конечна пресуда, што му овозможува слободно да се движи и делува.

Да била донесена пресудата од Судот на стандарден и законит начин, тој би бил во затвор, а не во автомобил во кој бил во состојба на дрога или алкохол.

За Судот нејасна е конекцијата кој се создава во јавноста за кривичен предмет кој во прв степен е завршен со Заводска мерка на одредено лице за едно кривично дело, со друго кривично дело кое е сторено 7 месеци потоа.

-Дали некој во правосудниот систем можел да претпостави дека обвинетиот после 7 месеци од донесената пресуда со која истиот треба да се институцијализира, може да стори друго кривично дело, па заради тоа требало да биде задржан во притвор? – прашува Кривичен.

За да немаме дилеми кој, каков и за кого одработува обвинителството и судството, да потсетиме дека Зоран Милевски Кичеец, формално во затвор во Струга, учествуваше во сообраќајка во која загина човек, за што доби казна од само 6 месеци.

Извор: vecer.mk