Monthly Archives: March 2023

Балкан

Ученици во Србија ќе задушеле наставничка: И предизвикале напад на астма

Во основно училиште во Бољевци кај Сурчин во Србија, поведена е дисциплинска постапка против ученици од седмо одделение, бидејќи кон крајот на минатата недела и се заканувале по животот на наставничка од тоа школо. Наставничката Борка Милошевиќ рече дека не знае што е мотивот за таквото однесување на учениците и кажа што и е најтешко.

Минатиот четврток наставничката по руски јазик Борка Милошевиќ доживеала непријатност, јавува РТС.

Знаејќи дека е во лоша здравствена состојба, дека меѓу другото е астматична, двајца ученици ја испрскале целата училница и нејзиното биро со спрејови и дезодоранси, поради што, како што пишуваат српските медиуми таа добила тежок напад. Интервенирала и Брза помош – за среќа, навреме. Наставничката се вратила на работа.

Наставничката Борка Милошевиќ за РТС изјави дека сега е добро и дека ја користи пумпата за астма почесто од порано. Рекла дека и било тешко и дека не може да дојде до воздух.

„Учениците и колегите велат дека дури и ја сменив бојата. Тоа беше силен напад, во еден момент сакав да се откажам, да не се борам за воздух бидејќи бев уморна. Беше неописливо, никогаш не сум имал таков напад, десет години сум астматичар“, изјави Милошевиќ.

„Родителите на момчето што го донесе тој парфем на училиште ми донесоа пумпа затоа што заборавив дека ја имам мојата во џеб и ја користев пет пати, додека не дојде брзата помош, ме ставија на кислород и ми дадоа лекови, а потоа бев многу подобро“, изјави Милошевиќ.

Милошевиќ вели дека никогаш претходно немала проблеми со тие ученици, ниту го знае мотивот.

Момчето кое го донело парфемот се пофалило со него, а друг ученик кој учествувал во инцидентот рекол дека ќе го испрска низ училницата за да види дали наставничката Борка ќе се задуши.

Свет

ВОЗНЕМИРУВАЧКА СНИМКА: Полицијата објави видео како ја ликвидира жената која уби 6 лица во САД

Video

Одри Елизабет Хејл (28) која вчера уби три деца и тројца возрасни во пукотница на југот на САД, во приватно христијанско основно училиште во Нешвил, го загуби животот во полициска акција.

Полициската управа на „Метро Нешвил“ објави снимка од камери на телото што ги носеле полицајците Рекс Енгелберт и Мајкл Колазо, кои го убиле напаѓачот во 10:27 часот. На видеото се гледа како полицајците влегуваат во училиштето и го бараат напаѓачот, а алармот се слуша во текот на целата операција.

Откако слушнале пукотници на вториот кат, полицајците се упатуваат таму, а Енглеберт испука повеќекратни истрели кон Хејл со автоматска пушка. Откако напаѓачот паѓа на подот, се појавува Колазо и ја застрелува Хејл уште четири пати со пиштол.

„Престани да се движиш“, се слуша како вика додека Хејл лежи на земја.

Македонија

Спасовски најави поголеми плати за вработените во МВР – Но, расветлувањето на случаите до каде е ?

Министерот за внатрешни работи Оливер Спасовски на социјалните медиуми го најави зголемувањето на платите на вработените во МВР во бруто износ од 3.086 денари.

Во стилот на старата мудрост ‘тивка вода брег рони’, во соработка со Македонскиот полициски синдикат, успеавме во заложбата за вработените во МВР да обезбедиме зголемување на платите со цел усогласување со растот на минималната плата, а наспроти сите шпекулации во дневнополитички цели со кои се обидоа да ја деградираат и демотивираат македонската полиција, но и да ја потценат доследноста во исполнувањето на ветеното од страна на нејзиното раководство.

Со денешната одлука на 140 седница на Владата, зелено светло доби предлогот на МВР за линеарно зголемување на постојните плати во висина од 3.086 денари по работник во бруто износ, почнувајќи со платата за месец март 2023, која ќе се исплати во април” соопшти Спасовски.

Тој потсети дека ова е четврто по ред зголемување на платите на вработените на МВР, имајќи го предвид минатогодишното зголемување од 5% за сите вработени, а претходно преку Буџетот на МВР во 2018 и 2019 беа издејствувани зголемувања на платите за сите вработени. Покрај ова, со зголемување на платите од 30 отсто беа опфатени 100 лица од Одделот за информатика и телекомуникации и тоа сметано од 01.01.2020 година, со цел мотивација на овие дефицитарни кадри да придонесат во функционирањето на МВР на позициите за кои се ангажирани.

“Истовремено, благодарение на домаќинското работење и остварените заштеди во Буџетот, досега доброволно исплативме бонус плати за оствaрени над 150 часа прекувремена работа на годишно ниво во текот на 2017, 2018, 2019, 2020, 2021 година, а во тек е прибирањето на податоци за вработени коишто оствариле над 150 часа прекувремена работа на годишно ниво за 2022 година, која ќе изнесува 31.859 денари во поединечен износ, што претставува зголемување од речиси 40% на износот на бонус платата во 2017 година која изнесуваше 22.928 денари.

Подобрувањето на статусот на вработените во МВР е императив за ова раководство на МВР. Продолжуваме да го развиваме концептот ‘Задоволна полиција – безбедни граѓани’, кој придонесе за одлични резултати во гарантирање на безбедноста и борбата против сите видови криминал”, истакна министерот Спасовски на социјалните мрежи.

Македонија

Вработени во училиште омаловажувале девојче затоа што носи шамија

Граѓанското движење „Аваја“ вчера информира за случај во кој наставничка од ООУ „Малина Попиванова“ – Кочани омаловажувала ромско девојче кое носело шамија во училиштето и за време на наставата. Од таму велат дека психологот и педагогот од истото училиште упатиле закани дека нема да ѝ биде дозволено на девојчето да посетува настава.

„Аваја“ најостро го осудува настанот и најавува дека ќе достави претставка до Народниот Правобранител и ќе го пријави случајот до Комисијата за спречување и заштита од дискриминација.

-Слободата на религијата е загарантирана со Устав и закон, а дискриминацијата врз основа на религија е забранета и од тука произлегува дека институциите мора да ги почитуваат законите и да ги почитуваат начелата на религиска толеранција, велат од Движењето.

Вчера во училиштето бил заменик-министерот за правда Агим Нухиу и државниот секретар Мухамед Точи, кои разговарале со директорот на училиштето и донеле заклучок дека ученичката може да ја носи шамијата за време на наставата.

-Родителите кажаa дека Алејна беше спречена да продолжи со настава заради шамијата во училиште во Кочани!Шамијата на една од нашите сестри не е презир, туку благодарност од секој што ќе реши да ја носи! Алејна Исмаиловска ќе продолжи да ја следи наставата! Никој не може да биде над законот! Правда и достоинство за сите, објави Нухиу.

Европа

Е ова е ПРОТЕСТ – МИЛИОН ЛИЦА на улиците во Франција (ВИДЕО)

Video

Полицијата соопшти дека привела 22 лица и ги растерала демонстрантите кои го палеле ѓубрето насобрано поради повеќенеделниот штрајк на вработените во градското чистење.

На денешниот десетти протест против пензиската реформа ширум Франција учествуваа 740.000 луѓе, а во Париз 93.000, соопшти полицијата.

Синдикатот ЦГТ соопшти дека денеска во Париз имало 450.000 демонстранти, а повеќе од два милиона во цела Франција.

Ова е помалку од протестот на 23 март, кога според полицијата низ земјава протестирале 1,08 милиони луѓе, а според синдикатот дури 3,5 милиони. Само тој ден во Париз, според полицијата, имало 119.000 демонстранти, а според синдикатот имало 800.000.

Како што наведуваат странските агенции, протестите се во многу тензична атмосфера, во време на стагнација на дијалогот меѓу власта и синдикатите, а насилство имаше и попладнево во Париз.

Протести има низ цела Франција: во Бордо, Нант, Рен, Марсеј, Тулуз, Брест, Стразбур и Ница.

Македонија

Родителите на Јана со потресно сведоштво: Како со пепел да сме полни

Родителите на малата Јана која почина во битолската болница, Кристина и Стојче со солзи во очите проговорија за трагедијата за Сител ТВ. 

-Ова да не се случи на никого, ниту на душман. Се чувствуваме како да немаме органи како со пепел да сме полни, ни емоции имаме, ни чувства имаме повеќе, со солзи во очите родителите Кристина и Стојче за Сител ја коментираат загубата на нивната ќерка Јана.

– Ние не сакаме да ги обвиниме лекарите дека намерно згрешиле или намерно сакале да му го одземат животот на детето. Само ние мислиме дека толку им е знаењето, кажа Кристина, мајката на малата Јана додавајќи дека Јана никогаш немала никакви хронични заболувања, а најмалку шеќерни или срцеви заболувања. 

Јана била хоспитализирана веднаш по крвната анализа, која следела по прегледот на докторката, раскажа мајката на Јана. 

– Отидовме во лабораторија почекавме бидејќи имаше гужва, влегов два пати за да кажам дека се работи за мало дете за да ја избегнеме гужвата бидејќи е дехидрирано девојчето. Почекавме 5 минути, и земаа крв, рацете и беа ладни и едвај и земаа крв поради дехидратацијата. И го измерија шеќерот и тој беше 8,9. Потоа, ни рекоа да почекаме да ја известат докторката дека е шеќерот 8,9, вели Кристина.

-Си го легнав срцето на креветче, ја почекав сопругата да се врати од лабораторија бидејќи таму ја заборави книшката и откако дојде јас излегов во ходникот, кажа Стојче, таткото на малата Јана.

– Сестрите и ставија инфузија. Инфузијата течеше нормално, девојчето лежеше и си заспа. По неколку минути и се поврати бојата на лицето, и се стоплија рацете, се беше во ред. Кога инфузијата стигна до половина девојчето почна да се жали на болка во стомакот и нозете. Станав да ја побарам докторката, сестрата ми рече дека докторката не е тука дека работи, па ја викнав сестрата да и кажам дека девојчето го болат стомакот и нозете и дека не сака повеќе да лежи и бараше да и се извади инфузијата таа рече дека е нормално да има грчеви од што повраќала. Раката и отече. Инфузијата и ја премести сестрата на другата рака и мислам дека ја поотпушти бидејќи ја замолив така да направи доколку смее затоа што не може да седи, а ако не смее не смее. Јана се тресеше од болки. Медицинската сестра ми рече дека докторката ќе дојде, седете не е ништо ова е грчеви во стомакот нека дотече инфузијата, кажа Кристина, додавајќи дека се додека течела инфузијата Јана велела дека не може да издржи, а докторката не се појавила ниту еднаш.  

На прашање кога нагло дојде до влошување на ситуацијата на Јана, нејзината мајка кажа дека тоа се случило по истекување на половина од инфузијата. 

Целиот разговор со родителите кои проговорија за Сител ТВ во продолжение: 

Свет

Австралиец во река нашол ОГРОМНА ГРУТКА ЗЛАТО од 2,6КГ (ВИДЕО)

Video

Маж од Австралија пронашол грутка злато тешка 2,6 килограми и вредна 240.000 австралиски долари или повеќе од 147.000 евра, пишува Би-би-си.

Човекот кој сакал да остане анонимен користел евтин детектор за метал за да пронајде грутка во златните полиња во Викторија, срцето на златната треска што ја зафати Австралија во 1800-тите.

Дарен Камп, кој го проценил и купил примерокот, рече дека тоа е најголемата златна грутка што ја видел во неговата 47-годишна кариера.

„Бев запрепастен. Ова е откритие се случува еднаш во животот“, рече тој, опишувајќи го моментот кога ја видел грутката злато донесена од маж во неговата продавница во Џилонг, на еден час од Мелбурн.

„Тој извади камен и ми го фрли во рака ми рече: „Дали мислиш дека вреди 10.000 австралиски долари?“.

Човекот потоа му кажал дека карпата во раката на г-дин Камп е само половина од она што го нашол, камен тежок 4,6 килограми што содржи 83 унци или околу 2,6 килограми злато.

Камп додаде дека мажот му рекол дека ќе ги потроши парите на своето семејство, додавајќи дека неговата сопруга „ќе биде многу среќна“ кога ќе се врати дома.

Македонија

Шестгодишната Стефани од Струмица ја донираше својата коса за децата болни од рак

Шестгодишната Стефани Петковска од Струмица ја донираше својата коса за децата болни од рак, објави „Струмица денес“ на нивниот профил на фејсбук.

-Големо дело од малата хероина, која ја заслужува нашата почит и благодарност, за тоа што е достоен пример за сите нас. Ти благодариме Стефани, пишува во нивната објава

Претходно такво нешто направи и деветгодишниот Максим Каески, кој неколку години ја чувал својата коса за да ја донира на децата болни од рак

Македонија

Со 3 денари намалување на цените, лекови не се купуваат! – Пензионерка му го „плесна“ на Ковачевски кој се сликаше со артикли во маркет

Gallery

Пензионерка која претходно разбра дека премиерот Димитар Ковачевски ќе пазари во локален маркет во скопската населба Тафталиџе, го пречека за да му се пожали дека со малата пензија не може да се носи со актуелната инфлација на производите. Дополнително, му рече дека цените се замрзнати на некои производи откако претходно енормно поскапеле. Ковачевски на тоа рече дека пензиите двапати годишно се зголемуваат процентуално и дека цените се насекаде зголемени поради војната во Украина.

– Цените ги намаливме со владини одлуки или низ разговори со стопански комори. Таму каде што не можевме да постигнеме џентлменски договор, ги намаливме цените со владина одлука, рече Ковачевски.

Ковачевски заедно со министерот за економија Крешник Бектеши и директорот на Државниот пазарен инспекторат Горан Трајковски во изминатиот период често ги посетуваат маркетите и ја убедуваат јавноста дека цените се намалени.

Европа

Пука тиквата и во Франција: 13.000 полицајци го бранат Макрон (Видео во живо)

Video

Во Франција започна уште еден ден протести. До почетокот на денот беше блокиран аеродромот во Бијариц, блокирани се патиштата кон Гар де Лион во Париз, а немирите продолжија низ целата земја.

Најавени се досега „невидени безбедносни мерки“. Најавена е мобилизација на 13.000 полицајци и жандарми. Од нив 5,5 илјади луѓе во Париз.