Владејачката партија Самоопределување на премиерот Албин Курти на денешните парламентарни избори освои 37 отсто од гласовите, покажуваат првите излезни анкети што ги објави порталот „Репортери“. Анкетата на весникот „Коха“ пак покажува поголем удел на гласовите за Самоопределување – 42 отсто.

Според „Репортери“ на второ место е Демократската партија на Косово со 23 отсто, а на трето е Демократскиот сојуз на Косово со 20 отсто.

Според анкетите кои ги објави телевизијата Клан Косова, владејачката партија Самоопределување освоила 38,2 отсто од гласовите на денешните парламентарни избори во Косово.

На второ место е Демократската партија на Косово со 21,4 отсто, Демократскиот сојуз на Косово на трето место со 20,1 отсто, а Алијансата за иднината на Косово на Рамуш Харадинај на четврто со 7,6 отсто од гласовите.

Тоа би значело дека во новиот парламент самоопределување ќе има 43 од вкупно 120 пратеници, Демократската партија на Косово 25, Демократската лига на Косово 23, а Алијансата за иднината на Косово девет.

Според „Коха“ Самоопределува ќе има 47 места, Демократската партија и Демократскиот сојуз по 23, а партијата на Рамуш Харадинај седум пратеници.

Во парламентот има 120 места, од кои 20 се наменети за националните малцинства.

Над 11.000 луѓе го напуштија островот поради последователните земјотреси, а властите почнаа да преземаат дополнителни безбедносни мерки поради можноста од посилен земјотрес.

За потсетување, грчката влада прогласи вонредна состојба на островот Санторини, кој е погоден од земјотреси повеќе пати на ден, понекогаш во интервали од само неколку минути.

„Ројот земјотреси“ се чувствува и на другите блиски острови во Егејското Море. Сè започна на крајот на јануари со серија многу слаби земјотреси (послаби од магнитуда 3), кои едвај беа забележливи. Сепак, на почетокот на февруари сеизмичката активност се зголеми, а земјотресите станаа посилни и почести.

Во последните две недели се забележани неколку илјади земјотреси, од кои дури 30 дневно биле со јачина поголема од 4,0 степени. Повеќето од нив се случиле на длабочина помала од 10 километри, што значи дека луѓето на островите ги почувствувале доста силно.

Посилните земјотреси предизвикаа паѓање на крајбрежните карпи и помали оштетувања на зградите. Најсилниот земјотрес до сега, со јачина од 5,1 степени според Рихтеровата скала, го погоди регионот на 6-ти февруари. Почувствуван е и во Атина, Крит и делови од Турција оддалечени повеќе од 240 километри.

Целиот текст на Вечер.мк

Како што беше објавено вчера, на патот кон Мокрин, возилото во кое патувал српскиот претседател Александар Вучиќ наводно доживеало неочекуван инцидент, при што било објавено дека гумата на автомобилот му се дупнала. Сепак, од Претседателството потврдуваат дека тоа не се случило, а автомобилот на Вучиќ всушност не доживеал проблем со гумата.

Како што е потврдено, целото тркало отпаднало од автомобилот.

„Среќа е што во тој момент немаше возила што доаѓаа од спротивната насока. Беше навистина фантастична реакција на припадникот на Кобра кој возеше и реагираше професионално, одговорно. Да не претпоставуваме или шпекулираме, кога ќе се случи вакво нешто, мора да се утврди како се случило, особено кога тоа ќе се случи со претседателот на државата“, изјави за новинарите премиерот Вучевиќ на саем во Нови сад, пренесе Телеграф.

Како што истакна, не е прашање дали се работи за Александар, Милош, Јелена, Ана, Милица, туку „прашање е дека претседателот на државата е тој што се движи под посебен режим, а неговото возило мора да има посебни безбедносни услови“.

Тој додаде дека треба да се зајакнат безбедносните мерки за српскиот претседател.

Српскиот претседател Александар Вучиќ на шега вчера на митингот во Кикинда изјави дека му пукнала гумата на пат кон Мокрин, но од Претседателството потврдиле дека не се работело за гума, туку за целото тркало.

Снимка од автомобилот во кој се вози претседателот на Србија загрижи многумина.

Автомобилот се излизгал, а потоа само му паднала гумата. Иако Вучиќ рече дека тоа не е ништо сериозно, во јавноста се појави загриженост со оглед на тоа што строго се внимава на безбедноста на највисоките државни функционери не само во Србија, туку тоа е правило во секоја земја во светот.

ВИДЕО