Екипата Фудбалскиот клуб на Рокдајл Илинден од Сиднеј во Недела на 4 ти Мај ќе биде домаќин на екипата на ФК Сиднеј  Олимпик . Покровител на овој настан ќе биде Антика Бар и Грил од Голд Кост кој ќе ја направи својата прва промоција во Сиднеј со почеток во 13 00 часот

На натпреварот ќе се одржи и панихида по повод македонскиот апостол Гоце Делчев

Како и секогаш управата на клубот ќе има спремено прекрасна храна и пијалоци а фудбалерите ќе се покажат со својот професионален начин на играње

Повелете сите да ги бодриме нашите илинденци – Недела 4 ти Мај 2025 Илинден Спортски Центар

Младиот турски фудбалер на Јувентус, Кенан Јилдиз (19), доби суспензија од два натпревари во Серија А и парична казна од 10.000 евра поради директен црвен картон во победата против Монца (2:0).​

Инцидентот се случи во продолжението на првото полувреме, кога Јилдиз, по започнат контранапад, со лактот удри противник кој го задржуваше. Иако судијата не ја забележал ситуацијата, ВАР интервенцијата резултираше со директен црвен картон. Во второто полувреме, Јувентус играше со играч помалку, но сепак ја одржа предноста и ја запиша важната победа.​

Тренерот Игор Тудор нема да може да смета на Јилдиз за следните два натпревари – на 4. мај против Болоња и на 10. мај против Лацио, директни конкуренти во трката за Лигата на шампиони.​

Ова е втор инцидент за Јилдиз оваа сезона, откако претходно беше казнет со парична казна за употреба на вулгарни зборови. Сепак, неговиот талент и потенцијал остануваат клучни за иднината на Јувентус.

Финалниот двомеч ќе стартува во Атина, а реваншот ќе се игра во Скоппје. Вака одлучи денешната жрепка организирана од Европската ракометна федерација (ЕХФ).

„Двомеч финалето од ЕХФ Европскиот куп за мажи 2024/2025 ќе започне во Грција, кога атински АЕК ќе биде домаќин на Алкалоид во викендот на 17/18 мај. Решавачкиот реванш натпревар се игра во Северна Македонија следната недела, на 24/25 мај. Тоа е исходот од жрепката за одредување на домашниот терен на соодветните натпревари, која ја спроведе главниот спортски директор на ЕХФ, Маркус Глазер, во Европската ракометна куќа во Виена во вторник“, соопшти ЕХФ.

Она што е сигурно е дека трофејот од Европскиот куп на ЕХФ сезонава ќе оди во Југоисточна Европа, бидејќи клубовите од две соседни земји се натпреваруваат еден против друг во најзначајниот настан на натпреварувањето.

РК АЕК Атина се стреми кон својата втора европска титула, четири години откако го освои првиот трофеј во ЕХФ Европскиот куп во 2021 година. Тој триумф дојде три години откако грчкиот тим го доживеа своето прво искуство во клупското финале на ЕХФ, кога заврши како второпласиран во Челинџ купот.

Од друга страна, играњето европско финале значи влегување во непознати води за Алкалоид. Македонскиот тим го имаше своето европско деби минатата сезона – во групната фаза на ЕХФ Европската лига. Значи, сезоната 2024/2025 веќе стана најдобрата меѓународна кампања на клубот од Скопје.

Точниот датум на играње и времето на почеток на секој натпревар од финалето ќе бидат накнадно објавени од страна на ЕХФ.