Денеска (05-ноември) во 14.05 часот во СВР Тетово било пријавено дека на автопатот Гостивар-Тетово, во близина на надвозникот за тетовска Брвеница, патничко возило ,,сеат леон“ со скопски регистарски ознаки, управувано од В.М.(22) од Скопје, излетало од коловозот. Во несреќата со тешки телесни повреди се здобила сопатничката Ј.П.(22) од Скопје, додека возачот се здобил со телесни повреди, констатирани во Клиничка болница Тетово. Увид на местото извршила екипа од СВР Тетово.

Сања Божиновска, министерка за енергетика, рударство и минерални суровини, заедно со Министерот за надворешни работи и надворешна трговија Тимчо Муцунски, престојуваше во работна посета на Прага, каде што се одржа продуктивна средба со чешкиот министер за индустрија и трговија, Лукаш Влчек. Целта на средбата беше зајакнување на економските врски помеѓу Северна Македонија и Чешка, како и отворање нови можности за инвестирање.

„Нашите дискусии ја истакнаа важноста на економската соработка меѓу двете земји и ги отворија вратите за нови инвестиции и идни можности,“ истакна Божиновска.

Таа нагласи дека со продлабочувањето на партнерството со Чешка, се создава стабилна основа за раст и развој на двете земји. Дополнително, Божиновска ги охрабри сите заинтересирани, особено во енергетскиот сектор, да ги препознаат можностите што ги нуди ова стратешко партнерство.

Поранешниот директор на УБК (сегашна АНБ) Сашо Мијалков и неговиот брат Владимир добија орден од Македонската православна црква–Охридска архиепископија. Наградата им ја додели брегалничкиот митрополит Иларион за нивниот ктиторски придонес во изградба на црква во Ново Село, Штип.

За осветувањето на храмот „Св. вмч. Димитриј“ и одликувањето на браќата Мијалкови информираа од Брегалничката епархија.

Поранешниот директор на УБК (сегашна АНБ) Сашо Мијалков и неговиот брат Владимир добија орден од Македонската православна црква–Охридска архиепископија. Наградата им ја додели брегалничкиот митрополит Иларион за нивниот ктиторски придонес во изградба на црква во Ново Село, Штип.

За осветувањето на храмот „Св. вмч. Димитриј“ и одликувањето на браќата Мијалкови информираа од Брегалничката епархија.