Connect with us

Македонија

Има ли Владата начин да го запре новиот бран поскапувања? Млечните производи, зеленчукот и овошјето уриваат рекорди..

Published

on

Дел со полни ќеси, дел само загледуваат на тезгите со овошје и зеленчук по пазарите. Некои поретко купуваат поради високите цени и ниските плати и пензии, додека пак дел успеваат да си дозволат на трпезата да имаат овојше и зеленчук.

Тоа го забележуваат и продавачите, кои велат дека прометот варира на дневно ниво и заработувачката е отежната.

За да се олесни колку-толку живеачката кај граѓаните и да се зголеми приходот, од Министерството за труд и социјална политика најавија мерки, кои веруваат дека ќе им бидат од помош за граѓаните.

„Во зимскиот период на сите семејства ни се зголемува потребата за повеќе средства во буџетот, затоа што најголем дел се греат на струја. Ние ќе гледаме барем на социјално ранливите семејства, да обезбедиме повеќе приход во семејствата“

Цените на пазарите секојдневно варираат, па така популарно наречената голатпраска, грозјето, кајсиите и доматот се продаваат по цени од околу 100 денари, пиперките се движат од 60 до 120 денари, додека пак во маркетите надминуваат и 150 денари.

Лубеницата се продава за минимум 35 денари кило, додека пак дињите ја надминаа стотката.

Инаку, според податоците на Државниот завод за статистика, индексот на цените во земјоделството во јули 2023 година, во однос на истиот месец од претходната година, кај инпутот е намален за 4.3 %, а кај аутпутот се бележи зголемување од 16.2 %.

https://youtu.be/vAgkd7VEIRk

Македонија

ВИДЕО: Се степаа возачи во долгите колони на „Табановце“, за влез во Македонија се чека два часа

Published

on

Големи редици од автомобили попладнево се создадоа на граничниот премин „Табановце“ за влез во Македонија, а според сведоштвата на луѓе кои по 18 часот ја поминале границата, се чека повеќе од два часа.

Читатели на „Слободен печат“ велат дека се создала голема нервоза помеѓу возачите, а имало дури и неколку физички пресметки. Тие ни испратија снимка од еден од овие инциденти, причинети од расправии за место во долгите колони.

Видеото може да го погледнете тука

Continue Reading

Македонија

ЧЕТИРИ ПОЛНИ ЛЕНТИ ЗА ИЗЛЕЗ ОД МАКЕДОНИЈА Започна велигденската миграција кон Грција

Published

on

Според видеоснимката од безбедносната камера поставена на преминот, се гледаат четири полни ленти со возила кои чекаат за излез од земјата.

На граничниот премин „Богородица“, денеска попладне се создаде значителна гужва, откако голем број македонски граѓани тргнаа на пат кон соседна Грција, каде ќе го поминат продолжениот велигденски викенд.

Според видеоснимката од безбедносната камера поставена на преминот, се гледаат четири полни ленти со возила кои чекаат за излез од земјата.

Патниците главно се семејства и помали групи кои го користат празничниот период за одмор, најчесто на грчките плажи и викенд-дестинации како Паралија, Лептокарија, Олимпик Бич Олимпик Бич, Неи Пори…

Продолжениот празничен викенд ќе трае до понеделник, а засилен сообраќај назад во земјата се очекува во недела попладне и понеделник навечер.

Continue Reading

Македонија

Мицкоски од ОАЕ: Ги презентиравме можностите за инвестирање во Македонија

Published

on

Премиерот Христијан Мицкоски денеска ја презентираше резултатите од четиридневната посета на Обединетите Арапски Емирати (ОАЕ), на која пред инвеститорите беа изложени повеќе инфраструктурни проекти, како што се оние од транспортот, енергетиката и туризмот. Меѓу проектите кои привлекле внимание се коридорите 8 и 10, како и инвестиции во Охрид, Попова Шапка, Чебрен и Галиште.

„Ги презентиравме можностите за инвестирање во Македонија и работиме на тоа да се најдеме на мапата на светските инвеститори“, истакна премиерот Мицкоски.

Во изјавата, Мицкоски истакна дека оваа посета, која ја оствари со тимови од Владата и неговиот Кабинет, беше исклучително успешна и ќе претставува значаен чекор напред за македонската економија.

„Разговаравме за инфраструктурни проекти, вклучувајќи ги коридорите 8 и 10, и важното продолжување на коридорот 10-д. Понатаму, дискутиравме за инвестиции во туризмот, особено за нашиот бисер – Охрид, но и за Попова Шапка како важен туристички потенцијал“, додаде Мицкоски.

Тој истакна дека биле разгледувани и можности за изградба на значајни проекти во градежништвото кои ќе станат препознатливи не само во Македонија, туку и на Балканот и пошироко.

„Истовремено, дискутиравме и за инвестиции во енергетиката, посебно хидроцентралите на Река Црна – Чебрен и Галиште, како и потенцијалот за нови соларни и ветерни капацитети“, рече Мицкоски.

Тој посочи дека посетата е оценета со највисока оценка, како економски така и политички успех, бидејќи повторно се воспоставува близок однос со Обединетите Арапски Емирати, по долгата пауза во соработката.

Continue Reading
Advertisement
Advertisement

Трендинг

Copyright © 2024 Булевар.мк