Наголемо се подготвува новогодишната потрошувачка кошничка и граѓаните треба да ја очекуваат наредниот месец со околу 500 производи, најави заменик министерот за економија и труд Марјан Ристески.

Тој рече дека се извршени сите консултации со повеќе фактори кои влијаат на крајната цена на производите, како стопанските комори, синдикатите и Организацијата за заштита на потрошувачите.

– Во новогодишната кошничка ќе имаме преку 500 производи со намалени цени, односно, повеќе групи на производи. Ќе има и некои различни производи од есенската потрошувачка кошничка. За граѓаните најбитно е што ќе бидат опфатени оние производи кои се најзастапени на трпезата за Нова година и за празниците околу Нова година – изјави Ристески.

Тој е уверен дека потрошувачката кошничка ќе донесе бенефити за граѓаните.

– Ние најавивме повеќе такви потрошувачки кошнички за најголемите празници кога потрошувачката на одредени производи е најголема. Со ова имаме две цели, да не дозволиме инфлацијата да оди нагоре, како и стабилизирање на цените на основните прехранбени производи – посочи Ристески.

Министерството за економија и труд, додаде, будно ја седи примената на Законот за нефер трговски практики. Договорите се потпишани со маркетите. Има детектирани два клучни проблеми, еден за повратот на стоката и втор во врска со маркетингот.

– Со Владата и со Комисијата за заштита на конкуренцијата ќе гледаме да донесеме соодветни одлуки кои ќе бидат во интерес и на производителите и на добавувачите на маркетите и, секако, во интерес на потрошувачите – рече Ристески.

Електричните и водородните возила на Грин Машинс на БРАКО учествуваа на еден од најзначајните европски настани, ECOMONDO во Римини, Италија,  кој претставува еден од најзначајните саеми и конференции во Европа, и кој ги обединува и системизира клучните елементи кои ги дефинираат развојните стратегии на политиката за животна средина на Европската унија.

На овогодинешниот настан, Грин Машис го претстави 500H2, најсовремен чистач на улици со погон на водород, заедно со целосно електричните 500ze и 400ze.

Дилерот на Грин Машинс во Италија, Грин Форсес, известува за голема заинтересираност за македонските возила не само на саемот, туку и на италијанскиот пазар воопшто, во конкуренција со производители на возила за чистење од Европа, САД и други делови на светот.

Македонските возила имаат предност на светскиот пазар поради нивниот квалитет, ефикасност и современ дизајн, како и различите модели, кои се достапни на електричен, хидрогенски и класичен погон.пр објава

Втора измама во Куманово со биткони влезе во евиденцијата на полицијата. Кумановка на возраст од 59-години пријавила дека е измамена за сума од 88.338 денари информираат од полицијата во Куманово. Да биде трагедијата поголема таа зела и брз кредит за да добие ветената сума од наводната добивка од биткоините.

„Според пријавеното, лицето и се претставило дека е од „агенција за биткоини“ и ѝ кажало дека на нејзината сметка има биткоини во вредност од 900.000 денари и побарало од неа да му го даде бројот од нејзината трансакциска сметка за да ѝ ги префрли парите. Како што е пријавено, за да може да и ги префрли парите требало да има одредена сума пари на сметката, а откако пријавителката подигнала брз кредит парите и биле повлечени од сметката, но не добила надомест за биткоинит“е, соопшти полицијата.

СВР Куманово презема мерки за расчистување на случајот.