Јован Деспотовски, поранешниот висок партиски функционер на СДСМ, на социјалната бизнис-мрежа Linkedin објави дека започнал да работи како главен извршен директор во компанијата ТФ Капитал Скопје.

Доскорешниот директор на Дирекцијата за технолошко-индустриски развојни зони и кандидат за претседател на СДСМ  за кој засега не сака да изнесува детали во јавноста.

Деспотовски сам поднесе оставка како директор на дирекцијата која раководи со слободните индустриски зони, не чекајќи да биде заменет со нов управител од новата власт. По нешто повеќе од два месеци е сопственик на претпријатие за „управувачки дејности“. Тој од средината на септември е основач на новоформираното друштво за услуги и управување „ТФ Капитал“ во скопско Пржино. 

Министерката за енергетика, рударство и минерални суровини, Сања Божиновска, оствари конструктивна средба со јапонскиот амбасадор во Македонија, Кајуза Оцука. Целта на состанокот беше зајакнување на соработката помеѓу двете земји во клучните области на енергетиката, рударството и развојот на минералните суровини.

Амбасадорот Оцука ја истакна важноста на оваа соработка, нагласувајќи дека Јапонија е посветена на инвестирање во проекти кои ќе придонесат за енергетската стабилност на Македонија. Во текот на дискусијата, учесниците се фокусираа и на можноста за имплементација на проекти за обновливи извори на енергија.

Двете страни се согласија дека е важно да се создадат услови за поинтензивна соработка помеѓу македонските и јапонските компании. Во таа насока, ќе се организираат бизнис форуми и семинари за размена на информации и искуства, како и за идентификување на потенцијални заеднички проекти.

Заедничките напори ќе продолжат, а идните чекори ќе бидат насочени кон конкретни проекти и иницијативи кои ќе ја унапредат економската соработка и ќе придонесат за развојот на Македонија. Оваа соработка претставува значаен чекор кон создавање на поодржливи и ефикасни решенија во областите на енергетиката и рударството, со цел подобрување на животниот стандард на граѓаните.

Македонијатурист АД Скопје во првите девет месеци од годинава има драстичен раст на добивката.

Од Друштвото преку Македонската берза информираа дека од пружените хотелски и ресторански услуги како основна дејност, како и од други споредни дејности, остварило добивка по оданочување од 159,75 милиони денари.

Во истиот период претходна година добивката била 72,37 милиони денари.

Вкупните приходи за овој период изнесуваат 400,85 милиони денари и истите се зголемени за 35%, додека пак приходите од продажба на Друштвото се зголемени за 29% во однос на истиот период минатата година.

Вкупните трошоци и расходи изнесуваат 234,6 милиони денари и се зголемени за 7% во однос на 2023 година.