Бислимоски: Со новиот Закон за енергетиката се оди кон либерализација на пазарите, што поттикнува инвестиции

Со новиот Закон за енергетиката на регулаторот му се доделуваат сериозни ингеренции во процесот на пазарното поврзување со соседните земји со цел зголемена конкурентност, пониски цени, поголеми инвестиции, посочи Марко Бислимоски, претседател на Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) на панелот „Обновливи извори: Стратешки преглед на имплементацијата на обновливи извори на енергија“ на конференцијата организирана од Македонското здружение за обновливи извори на енергија (МАРЕС).

„Ние сме инволвирани во пазарното поврзување помеѓу Грција, Македонија, Албанија и Косово преку проект на УСАИД. Главната цел е да станеме интегриран дел од паневропскиот пазар. Со новиот Закон за енергетиката се оди кон либерализација на пазарите, што поттикнува инвестиции. Со овој процес за пазарна интеграција нашите компании ќе имаат можност да учествуваат на пазарите во соседните земји“, посочи Бислимоски.

РKE и со Законот за енергетиката, кој е во сила и во кој е имплементиран третиот енергетски пакет како новина, воведе надзор на пазарите на електрична енергија и природен гас.

„Ние имаме развиено мониторинг-платформа во која се агрегираат податоците од сите учесници на пазарот и доколку утврдиме непазарно однесување, може да почнеме соодветни постапки пред судовите. Нефер пазарно однесување ќе се казнува со дел од приходот“, објасни Бислимоски.

Кафаните во Македонија полека стануваат луксуз за граѓаните. Според Државниот завод за статистика цените на угостителските услуги во октомври во споредба со септември бележат зголемување од 1,1 процент, а во однос на октомври лани зголемување за 6,1 процент.

Податоците што денеска ги објави ДЗС покажуваат дека кумулативниот индекс на цените на угостителските услуги во периодот јануари – октомври во однос на истиот период лани е зголемен за 5,6 проценти, а во однос на декември минатата година за 3 проценти.

Индустриската активност во еврозоната се намалила и во октомври, со малку побавно темпо од претходниот месец, со слаба побарувачка и слаби резултати во Франција и Германија, за разлика од подобрувањето во Шпанија, покажа во понеделникот објавениот месечен извештај на S&P Global.

Индексот на менаџерите за набавка (PMI) во индустријата во еврозоната порасна во октомври за еден поен во однос на септември и изнесува 46 поени, пресметано од Хамбуршката комерцијална банка (HCOB), која ги составува извештаите за S&P Global.

Вредностите пониски од 50 поени сигнализираат пад на активноста, а вредностите повисоки од 50 укажуваат на раст.

„Бројките носат и добри вести: падот на активноста во производниот сектор не се продлабочи дополнително во октомври“, заклучува главниот економист на HCOB, Сајрус де ла Рубија.

Според него, производството е намалено, но поблаго од септември, а падот на новите нарачки не бил толку остар.

Невообичаено наглото намалување на залихите на суровини, акумулирани за време на пандемијата, е загрижувачко, забележува главниот економист на германската банка.

„Поради слабата глобална побарувачка, компаниите не гледаат причина да ги надополнуваат залихите, што пак врши притисок врз економската активност“, објасни Де ла Рубија.

Во октомври, Франција и Германија, двете водечки европски економии, беа тегот за индустријата во еврозоната, а најдобар резултат повторно забележа Шпанија со најсилно подобрување на состојбата во производниот сектор од февруари 2022 година.

Компаниите го намалија и бројот на вработени на почетокот на четвртиот квартал, бидејќи тие главно „вршат“ стари нарачки и не очекуваат значително закрепнување во наредните месеци, покажа извештајот на HCOB.