Стопанска банка преку порака на Вибер ги информира своите клиенти и воедно јавноста за зачестени измами поврзани со наводни инвестиции во криптовалути, како што се Bitcoin и други. Според информациите кои банката ги добила од Министерството за внатрешни работи и интернет порталите, измамниците ги насочуваат граѓаните да вршат трансфери на средства кон сметки кои тие ги посочуваат.

Од Банката апелираат до клиентите да бидат исклучително внимателни при користење на дигиталните банкарски услуги и да следат неколку важни препораки:

Избегнувајте инсталирање на непознат софтвер од трети лица на уредите што ги користите за пристап до дигиталното банкарство.

Преноси на средства преку дигитално банкарство правете исклучиво кон сметки кои ви се познати и за кои знаете на кого гласат.

Ако некогаш сте биле жртва на измама, има голема веројатност измамниците повторно да се обидат да ве контактираат, претставувајќи се како адвокати или лица кои ќе ви помогнат да ги вратите средствата. Во такви случаи, може да побараат дополнителни финансиски средства.

„Бидете внимателни и заштитете ги вашите средства,“ апелираат од Стопанска банка, нагласувајќи дека сигурноста на клиентите е нивен приоритет.

На валутните пазари, вредноста на американскиот долар во претпладневното тргување во петокот во однос на кошницата валути дополнително се зголеми по коментарите на челникот на американската централна па САД, Џером Пауел.

Индексот на доларот, кој ја покажува вредноста на американскиот долар во однос на другите шест најважни светски валути, претпладнево достигна 106,88 поени, највисоко ниво во една година, додека вчера во ова време беше 106,69 поени.

Истовремено, курсот на доларот во однос на јапонската валута порасн а од вчерашните 156,02 на 156,50 јени.

Американската валута зајакна во однос на европската, па вредноста на еврото се лизна на 1,0540 долари, најниско ниво за една година, додека вчера во ова време беше 1,0545 долари.

Индексот на доларот е на пат за раст оваа седмица од околу 1,8 отсто, при што еврото во однос на американската валута падна за 1,7 отсто.

Паднаа и цените на нафтата, па се на пат до загуби оваа седмица за повеќе од 2 отсто. Цената на барелот на лондонскиот пазар претпладнево ослабе за 0,96 отсто, на 71,85 долари, додека на американскиот пазар цената на барелот се намали за 0,94 отсто, на 68,05 долари.

Познатиот австриски ланец за мебел Кика/Лајнер денеска и официјално е во стечај, јавуваат австриските медиуми.

Неликвидноста дојде откако компанијата со години беше во криза. Во последните десет години трипати се менуваше сопственичката структура, а веќе еднаш компанијата банкротираше. Веќе се затворени бројни филијали.

Минатата година, Rene Benkos Signa продаде недвижен имот на компанијата Supernova од Грац, додека Херман Визер го презеде оперативниот бизнис со мебел. Набргу потоа, компанијата поднесе барање за стечај, а 23 од 40 филијали беа затворени како дел од реструктуирањето.

Се очекуваше компанијата да застане на нозе до 2025 година, но пред крајот на годинава целосно банкротираше.