На 13.01.2025 (понеделник), неколку села во Тетово ќе останат без струја поради планирани технички зафати. Прекинот ќе трае неколку часа, а граѓаните се повикуваат на разбирање.

НОВО СЕЛО, СИНИЧАНЕ, ЈЕЛОВЈАНЕ, РАКОВЕЦ, БОГОВИЊЕ, УРВИЧ, СЕЛЦЕ КЕЧ прекин од 10:00 до 11:00 часот

„Секторот за операции и координација во Центарот за управување со кризи Ве известува дека во 08:57 часот добиена е пријава за запалена куќа на ул.Херој Карпош во Крива Паланка“, информираат од ЦУК и додаваат дека во гаснењето на пожарот интервенирале 9 пожарникари со 2 ПП возила.

Пожарот е изгаснат во 10:00 часот.

Во пожарот имало и две жртви сопружници на постара возраст (над 80 години).

Од АМСМ известуваат дека од 08.50 часот поради заледеност на коловозот на автопатот Пријателство кај с.Миравци, тешките товарни возила ќе се пренасочуваат преку стариот пат Удово – Демир Капија.

Претходно објавивме дека, забрани за движење на тешки товарни возила од превентивни причини има на следните патни правци: Крива Паланка – граничен премин Деве Баир; Гостивар – Маврово – Дебар; Гостивар – Стража – Кичево, како и на планиските превои Пресека и Плетвар. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.