Хрватската платформа за вработување „Пикџобс“ (PickJobs) објави невообичаен конкурс за избор на „Неработник на годината“. Наместо традиционалното сфаќање на работливоста, тие бараат личност која во 2024 година постигнала успех преку паметни стратегии како делегирање, автоматизација, ефикасно управување со времето или други методи што ја одржуваат рамнотежата меѓу приватниот и деловниот живот.

„Ова е уникатна можност за сите – вработени, самовработени, студенти или невработени – да покажат дека е можно да се биде продуктивен, а притоа да не се работи до исцрпеност,“ наведуваат од „Пикџобс“.

Конкурсот е отворен за сите, без оглед на професијата или локацијата, а учесниците можат да се пријават себеси или други, доставувајќи кратка приказна или видео што објаснува како ја намалиле работата, но ја зголемиле продуктивноста.

Целта на конкурсот е да ги инспирира луѓето кои се борат со преголем обем на работа, стрес и исцрпеност, како и да поттикне позитивни промени во работната култура преку флексибилни и одржливи практики.

Добитникот на титулата „Неработник на годината“ ќе добие парична награда од 1.000 евра, како признание за својот иновативен пристап кон работата и животната рамнотежа.

Откако активирал петарда што ја нашол на улица, малолетник во Загреб завршил во болница со тешки повреди.

Со запалка активирал пиротехничко средство, најверојатно фрлено, соопшти хрватската полиција, повикувајќи ги родителите да ги предупредат своите деца за опасноста од пиротехнички средства.

ТВ „Хрватска Нова“ објави дека се работи за 14-годишно момче кое ја нашло петардата на улица и ја запалило со запалка.

„Тешки физички повреди, значи се работи за повреда на десното око со губење на видот, добил и повеќе изгореници на лицето и двете раце, како и повеќекратни скршеници на левата рака“, изјави Марио Куртањек, детски хирург н во Загреб.

Поради ваквите случаи, петардите од секаков вид се целосно забранети во последните три години, потсетува порталот. Сепак, наскоро ќе започне продажбата на дозволените средства за возрасни. Од 27 декември до 1 јануари може да се користат пиротехнички средства од категоријата Ф2 и Ф3, пренесува медиумот.

„Таканаречената ознака Ф3 е малку посилно пиротехничко средство како што се некои ракети, огномети и слично, тоа се средства чија употреба го зголемува ризикот“, забележува Раде Стојадиновиќ, судски експерт за оружје и балистика.

„Секогаш постои ризик – дали ќе пука, дали нема да пука, дали ќе пукне порано или не. Ова обично не се случува, но може да се случи“, истакнува Стојадиновиќ

Од полицијата посочуваат дека некористењето пиротехнички средства и други смртоносни средства е најдобрата превенција од повреди. Хрватскиот МУП ги повика родителите, но и другите граѓани, да не купуваат пиротехнички средства за деца кои не се соодветни за нивната возраст и да ги предупредат на опасностите од нивното користење.

Пиротехничките средства не се играчки и нивната употреба може да доведе до сериозни повреди, па дури и доживотно нарушување на функцијата на одредени делови од телото како и нивно губење, потсетува полицијата. Пораката на полицијата е – воздржете се од употреба на пиротехнички средства, а доколку ги користите, задолжително прочитајте ги упатствата на производителот за безбедно ракување и следете ги.

„Не фрлајте пиротехнички средства под или врз возила, на балкони или под стакло, не користете ги под дејство на алкохол, не фрлајте ги на места каде што има домашни миленици и други животни“, се вели во апелот на хрватската полиција.

Српскиот претседател Александар Вучиќ вели дека заедно со Народната банка на Србија ќе работат на создавање на гарантни шеми со деловните банки, но дека парите за учество за земање на станбен кредит во таа држава се уште се огромни.

„Луѓето не можат веднаш да соберат 20.000 евра. Ќе целиме на максимално учество од три до пет проценти, а ратите да не надминуваат 200 евра. И сега ја градиме таа шема, да видиме како да се субвенционира купувањето на стан. Но, нема да дозволиме трикови тоа да се пренесува на роднините. Сакаме да ги спасиме младите во Србија, ќе создадеме програма што ја нема никаде во Европа, како да се реши станбеното прашање“, рече претседателот.