Connect with us

Свет

Мицкоски ќе оди на инаугурацијата на Трамп

Published

on

Претседателот на Владата Христијан Мицкоски на 20 јануари во Вашингтон ќе присуствува на инаугурацијата на новиот американски претседател Доналд Трамп. Како што информираат од Владата за МИА, Мицкоски на 20 јануари ќе присуствува и на свеченоста насловена како „Гласови на слободата“ која ќе се одржи по инаугурацијата организирана од компаниите Трамп медиа и Рампл.

Најавено е дека за време на престојот во Вашингтон, македонскиот премиер ќе се сретне со Хауард Лутник, копретседавач на тимот за транзиција на претседателот Доналд Трамп и министер за трговија, Девин Нунес, претседавач со советодавното тело за разузнавање на претседателот Доналд Трамп и извршен директор на Трамп медиумската корпорација и со извршниот директор на Рамбл, Крис Павловски. Од Владата посочуваат дека можни се и повеќе други средби.

Ова ќе биде втора инаугурација на Доналд Трамп, кој ќе биде 47. претседател на Соединетите Американски Држави. На инаугурацијата во Капитол се најавува присуство на бројни претседатели и премиери, но и први луѓе на светските организации. Првиот претседателски мандат на Трамп беше од 20 јануари 2017 до 20 јануари 2021 година.

Американскиот претседател Доналд Трамп денеска во Давос изрази очекување дека САД ќе склучи трговски договор до претседателските избори во неговата земја, во ноември.

Премиерот Мицкоски во новогодишното интервју за МИА најави дека на 18 јануари заминува во посета на Соединетите Американски Држави (САД), два дена пред инаугурација на новоизбраниот американски претседател Трамп.

Свет

Кога е во прашање Путин, на Трамп му остана уште една опција

Published

on

Американскиот претседател Доналд Трамп изјави оваа недела дека САД би можеле да „извршат разорни потези“ на руската економија за да ја натераат Русија да постигне мировен договор со Украина.

Меѓутоа, постои граница за тоа што Трамп може да направи против Русија, велат аналитичарите за Newsweek.

Тие истакнуваат дека Путин веќе три години води војна против Украина, и покрај тешките економски санкции од Западот. И вчера јасно стави до знаење дека е подготвен за примирје само ако тоа вклучува услови кои Киев многу тешко би можел да ги прифати.

Експертите веруваат дека најдобрата опција за Трамп да изврши притисок врз Москва е нешто што можеби најмалку е подготвен да го направи, а тоа е многу посилен притисок на извозот на руска нафта и гас, кои се главни извори на приходи за Русија и помагаат во финансирање на војната во Украина.

„Ако сакате побрзо решение за конфликтот во Украина, тоа е она што треба да го нападнете, континуираната продажба на руски енергенти“, изјави Емили Килкрис, виш соработник во Центарот за нова американска безбедност, додавајќи дека тоа е единственото што останало.

Но, таа верува дека администрацијата на Трамп можеби ќе се двоуми да преземе таков комплетен пристап за енергетски санкции против Русија, бидејќи тоа би предизвикало дополнителни економски потреси во САД, кои веќе се засилени поради трговската политика на Трамп.

Аналитичарите сметаат дека новото зголемување на цените на горивата предизвикано од построги енергетски санкции против Русија може да се одрази на американските гласачи поради Трамповото ветување да ги намали тие цени.

Марко Финли, експерт за енергија на Институтот Бејкер при Универзитетот Рајс, предвидува дека САД ќе бидат многу внимателни во врска со санкциите кои би можеле да го исфрлат руското нафтено производство од пазарот.

Западот во 2022 година го постави рускиот енергетски сектор како цел на поширок пакет економски санкции, координирани од САД, Европската унија и земјите-членки на Г7. Мерките вклучуваа забрана за извоз на руска сурова нафта преку море и ограничување на цената на руската нафта до 60 долари по барел.

Санкциите имаа за цел да го ограничат профитот на Москва, без да го прекинат целосно снабдувањето на земјите зависни од Русија. Но, и тогаш, Русија најде начин да ги заобиколи санкциите и продолжи да извезува нафта преку морски патишта.

Русија продолжи да извозува природен гас во делови од Европа и го зголеми снабдувањето со Кина, Индија и други земји кои не воведоа санкции.

Според извештајот на Ројтерс, руските приходи од нафта и гас се зголемиле за 26 отсто на 108 милијарди долари минатата година, а ЕУ во 2024 година потрошила повеќе на руска нафта и гас отколку што издвоила за финансиска помош за Украина.

Сега постојат неколку чекори што САД и нивните сојузници би можеле да ги преземат: намалување на горната граница на цените на руската нафта, сузбивање на извозот преку море и воведување вторични санкции за компании и трговски партнери, како што е Кина, кои продолжуваат да купуваат руски енергенси.

Експертите за енергија сметаат дека засилените санкции врз рускиот енергетски сектор ќе го разгневат Кремљ, а тоа ќе бара координација со сојузниците, што би било комплицирано, пишува Newsweek.

Continue Reading

Свет

Трамп издаде наредба до американската армија: “Нападнете силно и смртоносно”

Published

on

Претседателот Доналд Трамп нареди „одлучна и моќна“ воена акција против Хути терористите во Јемен, додека воздушни напади погодиле цели во главниот град Сана.

Американскиот претседател на платформата Truth Social потврди дека наредил на војската да спроведе серија воздушни напади, ветувајќи користење на „силна и смртоносна моќ“ додека побунениците од групата Хути, поддржани од Иран, не ги прекинат нападите врз бродовите долж виталниот поморски коридор.

„Нашите храбри борци во моментов изведуваат воздушни напади на базите на терористите, нивните лидери и ракетните одбрани за да ги заштитат американските бродови, воздухопловни и поморски сили и да ја обноват слободата на навигација“, напиша Трамп.

„Никаква терористичка сила нема да го спречи движењето на американските комерцијални и воени бродови низ светските води.“

Тој исто така упати предупредување до Иран да престане да ја поддржува оваа група, ветувајќи дека ќе ја смета земјата „целосно одговорна“ за постапките на својот посредник.

Continue Reading

Свет

Новинарка го удри Трамп со микрофон по лицето, неговата реакција стана хит на социјалните мрежи (ВИДЕО)

Published

on

На социјалните мрежи стана вирално видеото од американскиот претседател Доналд Трамп. Новинар, случајно го удри во лицето за време на прес-конференција.

Инцидентот се случи додека Трамп одговараше на прашања на новинарите во заедничката база Ендрјус во Мериленд. Една новинарка го праша за ситуацијата во Газа, кога микрофонот кој се користел за снимање на звукот, ненадејно влегол во кадарот и го удрил Трамп во лицето.

Трамп кратко се вкочани и погледна кон новинарката, крена веѓи, но брзо се поправи и од сериозна, ситуацијата ја сврте на шега.

„Таа вечерва стана телевизиска ѕвезда. Само што стана голема ѕвезда, нели? Дали го видовте тоа?“ коментирал Трамп, прекинувајќи го сериозното прашање.

Намерно или случајно?

Под објавата на „X“ (поранешен Твитер), се покрена дебата дали тоа било намерно или случајно. Еден корисник напишал: „Ми изгледаше како намерно, освен ако лицето не може да докаже дека се сопнало. Тоа е несреќен случај, но треба да биде отпуштен. Покажува колку лесно може да се нападне Трамп.“

Друг корисник одговорил: „Сигурен сум дека тоа беше случајно, Трамп не изгледаше многу вознемирен, само малку изнервиран.“

Погледнете го видеото

Continue Reading
Advertisement
Advertisement

Трендинг

Copyright © 2024 Булевар.мк