Владимир Блажев-Панчо од групата ДНК има изгореници на лицето и на раката и е на кислородна поддршка по пожарот кој сношти изби во дискотелата „Пулс“ во Кочани каде што тој настапуваше, вели за САКАМДАКАЖАМ.МКнеговата сетра Јадранка Николовска.

„Засега знам дека е вон животна опасност, има изгореници на лицето и на раката и е на кислородна поддршка и е во Клиничкиот центар во Скопје. Уште не знам каде е и како е Андреј и останатите членови на бендот. Немам сила да зборувам повеќе“, ни рече Николовска низ солзи.

Претседателката Гордана Силјановска Давкова е пред Градската болница „Свети Наум Охридски“.

Таа за медиумите изјави : „Прво надеж, а потоа болка. Млади луѓе се тоа ќе издржат, треба да ги охрабриме“.

Прашана за причините за пожарот, употребата на приотехнички средства таа рече:

Тоа е нешто што мора однапред да се превидиди. Не е прв пат ова да ни се случи.

Новинарката ја праша дали знае дека не постои веќе центар за изгореници.

Не знам да ви кажам. Ова што го видов овде ми изгледа стручно. Не знам за центарот, добро што ми рековте, ќе прашам сега, рече претседателката.

Било што да ви треба, јавете се, им рече таа на родителите кои седеа на клупата пред болницата.

Претседателката соопшти дека директорот на болницата ќе напише се што е потребно од медицински материјали, бидејќи најверојатно имале потреба од повеќе гази.

Претседателката Гордана Сиљановска-Давкова се огласи по повод страшната трагедија во Кочани, во која животот го загубија најмалку 51 лице според официјалните информации од МВР.

Давкова беше во посета на повредените во градската болница „Св. Наум Охридски“ во центарот на Скопје, и потоа даде изјава за медиумите. 

„Што можам да споделам? Надеж, потоа болката, млади луѓе се тоа, треба да ги охрабри дека ќе се спасат. Голема трагедија, не можам да поверувам како се случило, според првите информации пиротехника. Ова е нешто кое морало однапред да се предвиди“, рече Сиљановска-Давкова.