Во ексклузивно интервју за ТРТ Балкан, Омерагиќ  се осврна на неговата визија за унапредување на фудбалот, но и можноста за соработка со фудбалските сојузи во земјите од регионот и идејата за Регионална фудбалска лига.

На 22 декември мината година на вонредното изборно генерално Собрание на Фудбалската федерација на Македонија (ФФМ), Масар Омерагиќ со акламација е избран за претседател на федерацијата.

Во ексклузивно интервју за ТРТ Балкан на македонски јазик, Омерагиќ зборува за неговата визија за унапредување на фудбалот во земјата, неговиот тим составен од поранешни репрезентативци, очекувањата од репрезентацијата, но и можноста за соработка со фудбалските сојузи во земјите од регионот и идејата за Регионална фудбалска лига. Во своето прво обраќање во јавноста во својство на прв човек на ФФМ, Омерагиќ рече дека знае во која насока треба да се развива фудбалот во земјава. Оттаму, логично беше првото прашање, во која насока и како треба да се работи за да се унапреди фудбалот во земјава?

Фокус на инвестирање во младите и инфраструктурата

Омерагиќ нагласува дека тоа го базира на неговото богато искуство во фудбалот, додавајќи дека речиси целиот свој живот, порано како фудбалер, потоа како член на Управниот одбор на ФФМ, а сега и како претседател на федерацијата.

„Основно за развој на фудбалот во секоја држава, па и во нашата е инвестирање во инфрастуктура и инвестирање во младите, постојано едуцирање на тренерскиот кадар, како и произовдство на судии, односно едуцирање на судиите за да имаме што поквалитетно судење. Паралелно со тоа, создавање на регуларни услови за играње е еден од главните предуслови за да имаме квалитетен фудбал. За сето тоа е потребно само време“, вели Омерагиќ.

Пандев, Најдовски и Ибраими дел од тимот на Омерагиќ

Јавноста позитивно ја коментираше неговата одлука во својот тим да ги има некогашните истакнати фудбалски репрезентативци со цел да ги поправи состојбите во македонскиот фудбал, а Омерагиќ уверува дека тоа е исправна одлука, која ќе покаже резултати.

„Во тимот околу мене се, ако одиме по возраст, Илија Најдовски, знаете, нема потреба да го претставуваме. Тоа е фудбалска легенда, која што го има подигнато пехарот на светски првак на Црвена Sвезда кога беа светски прваци во Јапонија. После тоа е Горан Пандев којшто ја има освоено Лигата на шампионите, наш ререзентативец, и нормално тука доаѓа Агим Ибраими. Има и други поранешни фудбалски имиња, како што е Гоце Христов и другите, сега да не ги набројувам. Меѓутоа, сето тоа се познати фудбалски имиња, кои целиот свој живот го поминале во фудбалот, не зависат, тие се реализирани како личности, како луѓе, едноставно имаат желба само да помогнат во развојот на фудбалот со своите идеи и со своето работење и учество во работењето на Фудбалската Федерација на Македонија“, потенцира Омерагиќ.

Целото интервју може да го проследите на ТРТ Балкан

Заврши трансфер сагата околу капитенот на македонската фудбалска репрезентација, Енис Барди. Играчот за врска од денеска и официјално е нов член на тимот на Бодрумспор. Тоа значи дека Барди него менува шампионатот, туку само тимот, затоа што досега го носеше дресот на Трабзон.

Бодрумспор е екипа која што во моментов се бори за опстанок во Суперлигата на Турција, а засилувања како Енис Барди секако дека одат во прилог на тоа.

Нашиот капитен на изненадување на многумина од еден од најдобрите играчи на Трабзон падна во немилост на стручниот штаб, па зимава беше логично да си замине.

За нас пак, е најважно тој да биде во натпреварувачка форма, и да ја има полната минутажа каде и да игра.

Негов нов соиграч во Бодрум ќе биде и некогашниот наш репрезентативец Тауљан Сефери, кој што како што добро знаеме дресот на Македонија го замени со оној на Албанија.

Вредноста на донацијата што ТВ „Сител“ ја додели на ФГ „Силекс“ во 2023 година е повисока за 85% од донацијата што им ја доделиле една година претходно. ФК „Силекс“ на донаторот му заблагодари така што го освои четвртото место во Првата македонска фудбалска лига

Националната телевизија „Сител“ донираше 923.000 евра за фудбалскиот прволигаш „Силекс“ во 2023 година и со тоа сама обезбеди над 80 отсто од сите приходи на овој фудбалски клуб со најдолг прволигашки стаж во независна Македонија, пишува во финансискиот извештај на независните ревизори на ФК „Силекс“.

Официјалните ревидирани податоци на акционерското друштво ФК „Силекс“ покажуваат дека најголем донатор на фудбалот во Кратово во 2023 година била националната телевизија „Сител“. Затоа што обезбедила донација која покрива огромен дел од трошоците на фудбалскиот прволигаш. Инако ФК „Силекс“ во 2023 година завршил на четврто место во Македонската фудбалска лига и за тоа потроши 1,14 милиони евра.

Што се однесува до ТВ Сител, телевизијата била донатор на фудбалскиот клуб и во претходната 2022 година. Тогаш донацијата дадена на ФК „Силекс“ изнесувала 500.000 евра. А една година потоа е поголема за 85 отсто. Повеќе детали за тоа како претходната година се финансирал клубот има на следниот линк https://faktor.mk/koj-e-najverniot-navivach-na-fk-sileks-lani-mu-donirashe-500000-evra

Освен ТВ Сител донација на опстојувањето на ФК „Силекс“ дала уште една фирма од холдингот „Силекс“, а тоа е „Силпен Ст“. Оваа компанија за фудбалот во 2023 година издвоила 50.000 евра.

Освен двата донатори ФК „Силекс“ во таа година имал и еден спонзор. Тоа е уште една фирма од холдингот на „Силекс“, а станува збор за компанијата „Силкрат“ која издвоила 132.700 евра за реклама која е поставена на стадионот во Кратово.

Финансирањето на кратовскиот фудбалски прволигаш „Силекс“ во 2023 година вреди вкупни 1,114 милиони евра. Најголем дел од средствата се за исплата на плати и трошоци за фубдалерите и стручниот штаб на клубот. За таа намена се потрошени 726.000 евра. Уште 335.000 евра биле наменети за оперативното работење на фудбалскиот клуб.

Извор: Faktor.mk