Connect with us

Македонија

Засилени се инспекциските контроли по извештаите за зголемено загадување на воздухот

Published

on

И денеска жителите на Битола, Кичево, Струмица, Кавадарци, Охрид, Тетово и дел од скопските општини дишат загаден воздух, а концентрациите на отровните честички се и неколкукратно над дозволените гранични вредности, покажува државниот автоматски мониторинг систем. Додека граѓаните се жалат на сериозни здравствени проблеми, надлежните доставуваат извештаи за засилени инспекциски контроли, но загадувањето не се намалува. Како што информира Министерството за животна средина 11 општини до нив испратиле  извештаи за спроведени активности. Во Битола по  извршените инспекциски надзори  опомени добиле  неколку индустриски капацитети  кај кои е утврдено дека ги  надминуваат дозволените емисии.

„Од страна на акредитиран субјект извршени се мерења на емисии во воздух при што е констатирано дека кај  МЛЕКАРА  Битола и ЛАЦТАЛИС  Битола каде како енергенс се користи мазут, има надминување на дозволеното ниво на емисии NOx (азотни оксиди), а кај КВАСАРА БИТОЛА каде како енергенс се користи дрво, има надминување на CO (јаглерод моноксид), за што им се изречени опомени. Исто така, при вонредните надзори на четири пекари констатирано е дека сите користат исклучиво огревно дрво“, се наведува во соопштението на Министерството за животна средина 

Во Општина Гази Баба при контрола на загревањето кај мали сервиси  инспекторите затекнале согорување на отпад, а затекнале и физички лица како горат гуми и електрични кабли и изречени им се казни, додека три домаќинства кои согорувале дрвен отпад добиле опомени.

Општина Кисела Вода изрекла две казни на физички лица за горење на отпад на отворено, додека општина Илинден во неколкуте рутински контроли на отворен простор на подрачјето на општината не утврдила неправилности. Извештаи за извршени инспекциски надзори на неколку капацитети кои користат фосилни горива доставиле и општините Охрид и Тетово, но нема информации за утврдени неправилности или изречени санкции.

Македонија

Уште четворица повредени вечерва од Скопје се префрлаат во Атина

Published

on

Со авион Ц-27 на грчкото воено воздухопловство, доцна вечерва од Скопје во Атина ќе бидат префрлени уште четворица повредени во пожарот во Кочани, јави МИА.

Според информациите, станува збор за четири лица со изгореници кои ќе бидат хоспитализирани во воена болница во Атина.

Воениот авион од Атина полета за Скопје околу 22:30 часот по локално време, а откако ќе ги преземе повредените, веднаш ќе се врати на воениот аеродром во грчката престолнина.

На ист начин синоќа беа пренесени тројца повредени, на возраст од 22 до 24 години, кои се згрижени во Општата воената болница 401 и се во релативно добра состојба.

Со четворицата кои во Атина ќе пристигнат во текот на ноќта, вкупниот број на пациенти повредени во пожарот во Кочани кои се лекуваат во Грција ќе изнесува 12 – петмина во Солун (тројца во болницата Папаниколау, двајца во воената болница 424) и седуммина во воени болници во Атина.

Слободен Печат

Continue Reading

Македонија

Министерството за здравство со најнови информации за состојбата на пациентите

Published

on

Министерството за здравство информира дека медицинските тимови во здравствените установи во земјава и странство остануваат целосно ангажирани во обезбедување соодветна нега за сите пациенти.

Во болниците низ земјата моментално се хоспитализирани вкупно 75 пациенти, распределени по различни клиники, додека во странство продолжува лекувањето на 67 пациенти.

Според податоците, во Австрија од шестмина пациенти, пет се на интензивно лекување, а еден е префрлен на интерно одделение. Во Литванија четири пациенти се во стабилна состојба на интензивна нега. Петтемина повредени во пожарот во Кочани, кои се лекуваат во Анкара, сега дишат самостојно.

Во Србија се лекуваат 30 пациенти, во Бугарија 14, од кои седум се на интензивна нега, а во Грција осум пациенти покажуваат подобрување.

Министерството за здравство најави дека во текот на ноќта се очекува нови пациенти да бидат упатени во европски медицински центри, изразувајќи благодарност за поддршката од меѓународните партнери.

Continue Reading

Македонија

Досега во истрагата за трагедијата во Кочани приведен се 18, задржани се 16 а притвор им е одреден на четири лица

Published

on

Во досегашниот тек од истражните дејствија во однос на пожарот во дискотеката „Пулс“ во Кочани досега се приведени 18 а задржани се 16 лица. Вкупно се извршени разговори со 71 лице, од кои 42 во Скопје и 29 лица во Кочани. За 14 лица е изречена мерка притвор во траење од 48 часа, информираше во вторникот министерот за внатрешни работи Панче Тошковски.

На 11 лица им е одредена мерка притвор за постоење основано сомнение за сторени „тешки дела против општата сигурност“, додека на три лица име одреден притвор за „несовено работење“.

Тошковски, на прес-конференција во Министерството денеска информираше дека последното задржано лице се товари за „тешки дела против општата сигурност“ во врска со предизвикување на општа опасност, а истото е потписник на еден од потребните документи за ставање во функција на еден кабаре клуб.

„Постојат основи, коишто одат во насока дека незаконито, паушално, без утврдување на фактичка состојба биле изготвувани круцијални документи, коишто биле предуслов во понатамошната постапка за ставање во функција за предметното кабаре“, рече Тошковски.

Извршени се, нагласи министерот, претреси кај две лица, вработени во Министерство за економија, при што одземени се техничка опрема, документација, оружје, муниција…

Претреси извршени се и кај управителот и одговорното лице на дискотеката, а денеска полициски службеници од Одделот за крим полиција и организиран криминал влегоа и во општината, каде како што нагласи Тошковски, се преземаат мерки и активности за обезбедување на документација поврзана со дискотеката.

Continue Reading
Advertisement
Advertisement

Трендинг

Copyright © 2024 Булевар.мк