Connect with us

Македонија

Се трага по 28годишно момче од Неготино

Published

on

Од вчера е исчезнат 28 годишниот Миле Тодоров од Неготино, а по него трага семејството и полицијата.

Исчезнувањето на Миле во полиција го пријавил неговиот татко.

-На 30.01.2025 во 18.00 часот во Полициска станица Неготино, Д.Т.(60) од Неготино, пријавил дека од семејниот дом се оддалечил неговиот син М.Т.(28), кој имал здравствени проблеми. Се преземаат мерки за пронаоѓање на лицето, велат од МВР за Курир.

Миле последен пат бил забележан во Марена, околу 10.30 часот. Облечен е во работничко одело, бело палто и црн елек.

Македонија

Шпанскиот амбасадор во земјава: Премиерот Мицкоски е пример за едноставност, на аеродром чекаше ред како сите други патници

Published

on

Ортиз, кој чекал во редот за туристичко пријавување на лет за Истанбул, посведочил како премиерот на Македонија без никакви привилегии ја поминал контролата, чекал ред за чекирање и ги испочитувал сите процедури како и останатите патници.

Шпанскиот амбасадор во земјава, Рафаел Сориано Ортиз, денеска преку објава на социјалната мрежа Икс, изрази воодушевување од премиерот Христијан Мицкоски кој утринава, како што информира амбасадорот, на скопскиот аеродром ги минал сите формалности како и сите други патници.

Ортиз, кој чекал во редот за туристичко пријавување на лет за Истанбул, посведочил како премиерот на Македонија без никакви привилегии ја поминал контролата, чекал ред за чекирање и ги испочитувал сите процедури како и останатите патници.

„Утрово фатив лет за Истанбул. Во редот за туристичко пријавување го сретнав премиерот Христијан Мицкоски кој ги помина формалностите, вклучително и соодветните контроли, како и секој друг патник. Пример за едноставност и нормалност. Браво!“, напиша амбасадорот.

Continue Reading

Македонија

Димитриеска Кочоска: Немав намера да навредам никого

Published

on

Министерката за финансии, Гордана Димитриеска-Кочоска, се огласи на нејзиниот Фејсбук профил во врска со низата реакции предизвикани поради аргументот кој го имаше на собраниска седница со пратеничката од редовите на СДСМ, Славјанка Петровска.

„Ја разбирам хистеријата која СДС и нивните ботови ја шират околу мојот политички дуел во сообранието со Славјанка Петровска.

Замислете да не беа овие квалификации, редица навреди и лажни обвинувања што ги упатуваат кон мене која сум исто жена, што друго ќе се паметеше од денешната седница.

Има луѓе на оваа политичка сцена кои ќе се паметат по безмилосните удари и самопроведувања од пајак возила, како и луѓе кои освен тоа што биле маши и папет кукли на вождот од Струмица се познати по запалени модуларни болници, во ист ден кога нивниот уличен пајташ Сокол се најде зад решетките од кои како директор заработувал пари…. но има и луѓе чии настапи ќе се паметат по глумење жртви, секогаш кога нема да можат да се носат со аргументите.

Ноторен факт е дека Петровска изгради кариера од глумење жртва. Редицата причини за сожалување е долга. Секој нејзин настап е запаметен по тоа што по секој дуел се претставуваше како жртва за нешто. Но од друга страна денешната изведба на преставата жртва беше од истата говорница од која безочно напаѓаше и говореше за таткото на еден министер колега, или пак за синот на премиерот, иако и двајцата не се поврзани во никаков политички контекст. Таа госпоѓа немаше ниту мака иронично да се однесува, навредува, дофрла од место, а во моментот кога ќе се одговори нешто, тогаш таа прераснува во жртва.

Што се однесува до моите зборови кон Славјанка Петровска која лично како жена сум ја бранела кога многу други ја напаѓале, беа извадени од контекст и се толкувани како лична навреда.

Никогаш немав и ќе немам намера да ја навредам лично, ниту, пак, да ја сведам дебатата на личен контекст. Јас сум личност од која никогаш нема да слушнете лични навреди, и жалам што дел од јавноста е манипулирана во тој контекст, и жалам што погрешно беа разбрани моите зборови.

Она што сакав да потенцирам беше дека почитта треба да се заслужи со дела и одговорност. Госпоѓата Петровска, освен што стана позната по низа политички гафови и неумесни постапки, беше и доследен поддржувач на политиките на СДСМ и ДУИ – политики кои ја доведоа државата до оваа состојба.

Да потсетам, во времето кога госпоѓата Петровска беше министер, инфлацијата растеше, а не видовме ниту еден конкретен предлог од нејзина страна за подобрување на економската ситуација. Тогаш, кога беше на функција, тоа не ѝ пречеше, но денес зборуваме за состојба што е директна последица на тие политики. Државата беше доведена до работ на банкрот, стотици илјади граѓани се иселија во потрага по подобар живот, а над 600 илјади луѓе живееја во сиромаштија.

Сето ова не сакаат да се слушне гласно, затоа Славјанка глуми жртва“, стои во фејсбук објавата на министерката Гордана Димитриеска-Кочоска.

Continue Reading

Македонија

Без струја утре делови од оваа општина во Скопје

Published

on

Од ЕВН Македонија АД известуваат дека утре, во период од 08 до 15 часот без електрична енергија ќе останат корисниците од улицата после гробишта во село Марино кон населба Јака и улицата накај гробиштата во општина Илинден.

Continue Reading
Advertisement
Advertisement

Трендинг

Copyright © 2024 Булевар.мк