Македонија

ВРЕДИ: Ги зголемуваме платите на здравствените работници за да го подобриме квалитетот на услугите

Коалицијата ВЛЕН како надеж за нови можности придаваголемо значење на сите области кои ги засегаат нашитеграѓани. А особено здравствената заштита. Животот безздравствени проблеми доаѓа само преку зголеменаздравствена заштита. И тоа не може да се постигне аконашите алфа и бета лекари се оставени во заборав, а нивната грижа се занемари. Оваа заостаната практиказаврши со крајот на претходната власт, велат во партиското соопштение од Коалицијата ВРЕДИ.

Ние како нова влада, Владата на ВЛЕН, потпишавмеколективен договор со синдикатите на лекарите и здравствените работници, кои ќе имаат линеарнозголемување на платите. Само во месец ноември ланиплатата на медицинските сестри се зголемила за 18 отстозаедно со техничките работници. Кои сега почнаа дадобиваат 2.500 денари повеќе.

Додека фармацевтите, физиотерапевтите и лекарите одитната помош ќе имаат плати еднакви на оние на општителекари и стоматолозите. Платите во здравството се очекувада пораснат за пет до осум отсто во текот на месец мај.

Со зголемените плати за лекарите и здравственитеработници, ги мотивираме уште еднаш со целосна волја и посветеност да се посветат на енергична услуга и добрирезултати на нашите граѓани.

Имајќи ги предвид предизвиците за работа во итнатамедицинска помош, каде што интересот на лекарите е помал, стимулацијата за нив се обезбедува преку повисоккоефициент за сложеност на услугите. Исто така, зголемување на коефициентите се предвидува и заздравствените работници на Клиниката за онкологија и радиотерапија, поради специфичноста и тежината нанивната работа.

Со здравје на најдобар можен начин води коалицијатаВЛЕН, со која се залагаме за подобрување на мизернатасостојба во здравството во државата, бидејќи само такамислиме дека сме на услуга на граѓаните и им останувамеблиску.

ВЛЕН верува и работи на тоа дека здрав живот е возможенсамо преку квалитетни здравствени услуги!

Македонија

Стабилно време со магла до понеделник, дожд од вторник

До понеделник се очекува стабилно и претежно тивко време низ земјава, со појава на магла во утринските часови и зголемена облачност на некои места.

Утре, 18 декември, времето ќе биде променливо облачно со сончеви периоди, додека претпладне на одредени места ќе се појави магла. Ветарот ќе биде слаб и променлив.

Во Скопје се очекува слично време, со претежно тивко време и појава на магла во котлинските делови претпладне.

Стабилното време ќе се задржи до понеделник, а од вторник се најавуваат локални врнежи од дожд.

Македонија

Над 40 државни институции преминаа на електронско управување со документи

Повеќе од 40 институции во државата веќе го користат националниот Документ менаџмент систем (ДМС), што овозможува побрзи и поефикасни услуги за граѓаните, соопшти министерот за дигитална трансформација Стефан Андоновски во изјава за медиумите.

Според него, поврзувањето на институциите и општините преку единствен дигитален систем претставува суштинска реформа во функционирањето на државната администрација, со фокус на поедноставени и подостапни јавни услуги.

Андоновски информираше дека за само четири месеци е двојно зголемен бројот на институции кои користат електронска архива и електронски систем за управување со документи. Дополнително, преку државната платформа за интероперабилност, само во ноември биле реализирани 2,6 милиони трансакции, што претставува значителен раст во однос на просекот во текот на 2024 година.

Министерот посочи и дека за 20 проценти е зголемен бројот на институции и компании приклучени на платформата за интероперабилност, што директно придонесува за намалување на административните процедури и потребата граѓаните да доставуваат документи од една до друга институција.

„Овие резултати значат помалку хартија, помалку чекање и помалку простор за корупција. Дигиталната трансформација не ја третираме како ИТ-проект, туку како реформа во корист на граѓаните, со јасни и фер процедури“, истакна Андоновски.

Тој додаде дека целта е институциите да функционираат брзо, разбирливо и еднакво за сите, а Министерството за дигитална трансформација останува посветено принципот „граѓаните на прво место“ да стане стандард во работењето на државата преку конкретни и мерливи резултати.

Македонија

Собранието ги усвои клучните закони за проектот „Безбеден град“

Собранието во рамки на попладневниот дел на 76. седница без расправа ги донесе измените и дополнувањата на повеќе закони кои се дел од пакетот потребен за целосно функционирање на системот „Безбеден град“. Со 65 гласа „за“ и ниту еден „против“ или „воздржан“, пратениците усвоија измени на Законот за извршување на санкциите, Законот за полиција, Законот за возила и Законот за безбедност на сообраќајот на патиштата, сите по скратена постапка.

Пратеникот Бојан Стојановски од ВМРО-ДПМНЕ истакна дека законот е дел од шесте законски измени кои обезбедуваат имплементација на еден од најзначајните проекти во историјата на Македонија, кој започна пред неколку недели и практично ќе стартува од 1 февруари.

Законот за прекршоци, исто така дел од пакетот, воведува посебна постапка за прекршоци констатирани со технички средства и уреди за снимање, вклучително електронска достава преку текстуални пораки или е-пошта, 50% намалување на глобата при доброволно плаќање во рок од осум дена, како и автоматско суспендирање на возачката дозвола по акумулирање на три забрани во четири години. Пратеничката Моника Трајанова од ВМРО-ДПМНЕ објасни дека измените ќе го зголемат ефектот на превенцијата, ќе намалат административни трошоци и ќе ја зголемат ефикасноста на постапките.

Стојановски додаде дека законите овозможуваат одземање на возило на несовесни возачи, како и подобрување на процесот на издавање возачки дозволи, со зголемена транспарентност и контрола врз членовите на комисијата која ги доделува дозволите.

Во рамки на истата седница, пратениците го усвоија и Законот за концесии и јавно-приватно партнерство, исто така по скратена постапка, со што се овозможува поефикасно реализирање на инфраструктурни и други јавни проекти.