Во овие тешки минути пред сè сакам да се заблагодарам до секој еден од вас. Бидете сите на број и нека никој не ја почувствува оваа болка и празнина.

Ви благодарам за секој еден пишан збор, за секоја една мисла пратена кон нас. Претешка е судбината на тие кои за семејство ја сметаат татковината. Вистинското семејство е на маргините на болка, жал и голгота! Ако требало да се плати, нека тој биде последната жртва, а ние последното семејство кое ќе остане да се радува на секоја една слика.

Бидете живи и здрави, ви благодарам од сè срце, во мое и во име на целото семејство.

Игор Југ – човекот кој ме научи на многу работи. Најтешката до пред два дена беше да живеам без него, скоро осум години.

За да на крај и навистина си замине засекогаш…

Знам, и најдобро од сите го познавам – душата нема да му се смири сè додека оваа неправда не биде решена!!!

Тие што беа рамо до рамо со него се сведоци на онаа голгота која на сите до еден ни ги смени и уништи животите. Системот ги убива полека и тивко.

Народ… Жеден за сензитивни вести и статуси по Фејсбук, од тастатура се мрднува, верувајќи на збор. И зборот остана до ден-денес само празно ветување!!!

Помешани мисли, склопувам коцки во глава и не знам каде погрешивме… Една реченица да ме послушаше, сега уште ќе беше меѓу нас…

Денес ми е уште потежок ден од вчера. Самото соопштување на Катарина за прераната смрт на нејзиниот татко е најтешкиот дел за мене. Не дека останатите ми се лесни, но овој ме уби и мене!

Се договоривме – нашиот татко е најсветлата ѕвезда на небото. Нè чува од таму некаде далеку, пази и не дозволува да ни е лошо.

За да не ни е лут – нема да плачеме од утре, освен денес.

Нека ни прости, тато!!!

Ние на него никогаш нема да му простиме што нè остави и си замина!!!

Го видовме на небото и го испративме. Му пративме бакнежи и молби да нè чуваат со бато Мартин… Да, тоа е мојата Катарина. Толку мала, а многу позрела од возрасните. Толку слаба, а сепак посилна од самата судбина…

Напиша сопругата на Игор Југ, Ивана Југ на нејзиниот Facebook профил

Тодор Кулаков, таткото на прегазената 22-годишна модна дизајнерка Фросина Кулакова, гостуваше во новото издание на емисијата „Код“.

По протестите, Апелација многу брзо ја донесе својата одлука за друг предмет во кој е обвинет возачот Васил Јованов и му пресуди затворска казна за дрога. Таткото на Фросина вели дека ова е само обид за спасување и наоѓање на жртвено јагне за судиската одговорност.

Тој, меѓу другото, отворено ја коментираше прес-конференцијата на родителите на осомничениот возач Васил Јованов и неговиот адвокат која ја доживува како „навредување на интелигенцијата“.

„Бог нека ми прости, мојата фамилија нека ми прости, јас такво сочуство не можам да прифатам бидејќи е лажно“, кажа Кулаков за нивното однесување.

„Иако нивните намери им се такви нечовечни, јас само една работа можам да ги посоветувам. Молете се на Бога, признајте го делото, синот да го признае делото, да признаат мајката и таткото дека се соучесници во прикривање на криминалот, во прикривање на убиството.. Да пикаш телефони по притвори за да се договараш е чисто соучесништво. Значи, признајте го делото, правдата да биде задоволена, во спротивно самите си гледат како јавноста ги третира“, коментира таткото на Фросина.

Извор: newz24live

Согласно планот за засилени мерки во сообраќајот на подрачјето на СВР Скопје, вчера полициски службеници од СВР Скопје спроведоа зајакната акциска контрола во делот на сообраќајот на целата територија на СВР Скопје, при што санкционирани се вкупно 570 возачи.

-Од нив 150 се возење со брзина поголема од дозволената, 22 за управување возила без возачка дозвола, 04 возачи управувале возило со активна мерка забрана за управување моторно возило, по еден возач управувале возило под дејство на алкохол и возило со измината важност на регистрација, велат од МВР.

Останатите мерки се однесуваат на останатите прекршоци, од кои најголем број се за погрешно или недозволено паркирање.

-Сообраќајните контроли по планот продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, велат од МВР.