Според регистарот на Министерството за економија, во Скопје не постои ниту еден ноќен клуб – кабаре со лиценца за работа. Во овој регистар се објавени сите локали кои добиле дозвола за работа во текот на ланската година.

Премиерот Мицкоски истакна дека вкупно 12 локали имаат лиценца, но ниту еден од нив не се наоѓа на територијата на главниот град. Најмногу лиценцирани ноќни клубови и кабареа има во Битола – вкупно три.

Следува Охрид со две дозволи, додека по една дозвола имаат Штип, Делчево, Неготино, Кичево, Прилеп, Виница и Гевгелија.

Дополнително, не се регистрирани ноќни клубови – кабареа во Тетово, Струга, Гостивар, Струмица, Куманово и Кочани.

По напуштањето на полициската станица Карпош, екс-министрот за економија, Крешник Бектеши, беше изведен со лисици, придружуван од неколку полициски службеници.

Тој беше ставен во полициско комбе кое ќе го транспортира до Кочани, каде ќе треба да даде исказ пред судија на претходна постапка.

Како и за другите осомничени во случајот со пожарот во дискотеката „Пулс“ во Кочани, и за Бектеши се бара краткотраен притвор.

На социјалните мрежи е објавен повик за протест по пожарот во Кочани, што ќе се одржи во Скопје.

Според објавата, протестот е насловен „Кој е седен“, а ќе се одржи на плоштадот „Македонија“, со почеток во 18 часот.

Протести денеска се одржаа во Кочани и во Штип.