Connect with us

Македонија

МАЈКАТА НА ФРОСИНА, ОДЛУЧНА – „МОРАМ ДА СУМ СИЛНА ЗА ДА ИМА ПРАВДА ЗА МОЕТО ЧЕДО И СИТЕ ДЕЦА“: Една е мајка…

Published

on

По трагедијата што ја потресе целата земја, а остави неизмерна трајна болка во семејството на Фросина, нејзината мајка, Камелија Кулакова, денеска ја сподели својата тага. Оваа мајка во себе носи цврстата решеност да се бори за правда. 

Со зборови полни со љубов, но и со болка, таа упати силна порака до јавноста, повикувајќи на сочувство, поддршка и одговорност.

Почитувани родители, млади луѓе-идни родители. Душава ми гори од болка, а срцето ми е распарчено., но морам да ви се обратам. 

Сето ова популаризирање на нашата семејна трагедија е дотурање на сол на нашата рана која никогаш нема да се залечи. 

Јас бев горда мајка. Пораснав три златни деца. Ги воспитував и учев да бидат добри личности. Добри, чесни и доблесни луѓе. Да си ја сакаат татковината. Да си ја почитуваат културата и традицијата. Да сочувствуваат. Да споделуваат радост и тага. Секогаш да се ставаат на другата страна пред да осудат и да ги разгледуваат нештата од сите страни пред секоја своја постапка. 

Тоа е многу тешка задача. Особено во ова време- невреме. 

И што се случи…..

Соништата на Фросина беа и наши соништа. 

И што се случи…..

Огромна празнина, неподнослива болка, траорни слики кои постојано ти поминуваат пред очите и безброј зошто, зошто, зошто, зошто баш Фросина…..

И во еден момент си поислив…. можеше да е друго дете, син, ќерка, сестра, брат, љубена, Љубен, другар. Можеше друго семејство да се распаѓа од болка. А болката не познава политика. Незнае за вера, раса, нација…само едно БОЛКА. 

И тогаш си реков. Морам да сум силна. Морам да сум силна за да има правда за моето чедо и сите деца чии родители, браќа, сестри не ја дочекале правдата за нив. И нема да се скршам. Ќе одам до крај. Ќе бидам мајка, татко, сестра брат….

Меката, светла и моќна енергија на Фросина ме води и ми дава сила. И не само мене, на сите нас.

Заради тоа најискрено ве замолувам да не правите политика од оваа наша семејна трагедија. Бескрајно сум благодарна на сите кои искрено сочувствуваат со нас.Бескрајно сум благодарна на медиумите, на новинарите кои ми помогнаа некои работи да ми станат многу повеќе јасни. Благодарам на сите политичари-ЛУЃЕ, кои застанаа на нашиот пат благодарам на народот кој не подржува, зошто, без притисокот на народот и медиумите патот на правдата немаше ни да започне. 

Затоа сакам да ве прашам. 

Па нели благодарноста е доблест и основно начело на секое општество, цивилизација, религија.

ПРАВДА ЗА ФРОСИНА МОРА ДА ИМА ЗОШТО “СЕКОЈ ЕДЕН МОЖЕ ДА Е СЛЕДЕН”

Почивај во мир сонце мое. 

Нека ти е светол патот. 

Една e мајка

Македонија

Горан Милевски: Во Љубљана слета авионот со македонските патници

Published

on

Вечерва во Љубљана пристигна првиот воен авион со двајца повредени пациенти од несреќата во Кочани.

Пациентите се успешно транспортирани и згрижени во Универзитетскиот клинички центар во Љубљана.

Во вакви тешки моменти, најважно е да останеме обединети и да си помагаме едни на други, информираше на социјалните мрежи амбасадорот на Македонија во Словенија, Горан Милевски.

Continue Reading

Македонија

Ова се државите кои примиле повредени од трагедијата во Кочани

Published

on

По страшната трагедија во Кочани, во која загинаа 59 лица, а над 150 беа повредени, започна брза меѓународна медицинска помош за тешко повредените граѓани. Благодарение на интензивната комуникација и соработка со партнерските земји, за помалку од 12 часа по несреќата, првите пациенти беа испратени на лекување во странство.

До утрово, вкупно 51 македонски граѓанин се наоѓа на лекување во следните земји:

• Бугарија 🇧🇬 – 14 пациенти во три болнички установи

• Турција 🇹🇷 – 9 пациенти

• Грција 🇬🇷 – 5 пациенти

• Србија 🇷🇸 – 17 пациенти

• Литванија 🇱🇹 – 4 пациенти, транспортирани со авион обезбеден од Романија 🇷🇴

• Унгарија 🇭🇺 – 2 пациенти

Во текот на денешниот ден, дополнителни пациенти ќе бидат испратени на лекување во:

• Австрија 🇦🇹 – 6 пациенти

• Словенија 🇸🇮 – 4 пациенти

• Хрватска 🇭🇷 – 4 пациенти

• Норвешка 🇳🇴 – 2 пациенти

Дополнително, за да обезбедат медицинска помош на повредените во земјава, пристигнаа медицински тимови од Чешка 🇨🇿, а се очекува и пристигнување на тимови од Израел 🇮🇱 и Белгија 🇧🇪.

Министерот за надворешни работи и надворешна трговија, Тимчо Муцунски, изрази голема благодарност до сите земји што веднаш одговорија на повикот за помош, нагласувајќи дека оваа солидарност е потврда за сојузништвото и пријателството што Северна Македонија го има со бројни држави ширум светот.

Continue Reading

Македонија

Во текот на ноќта пациенти ќе се испраќаат во Австрија, Грција и Хрватска

Published

on

Министерството за здравство ја информира јавноста дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти. Состојбата на пациентите се следи внимателно, а понатамошните медицински постапки се спроведуваат врз основа на конзилијарни одлуки.

Во текот на денешниот ден, пациентите се распределени по здравствените установи низ земјата, и тоа:

Клинички центар – 52 пациенти
ГОБ „8 Септември“ – 17 пациенти
Универзитетска клиника „Св. Наум Охридски“ – 12 пациенти
Клиника за токсикологија – 10 пациенти
Аџибадем Систина – 7 пациенти

Покрај обезбедувањето медицинска нега во земјата, дел од пациентите се транспортирани во здравствени установи во странство, благодарение на меѓународната поддршка и соработката со партнерските земји:

Литванија – 4 пациенти
Австрија – 2 пациенти
Словенија – 2 пациенти
Република Србија – 12 пациенти
Република Бугарија – 1 пациент

Во текот на ноќта и утрешниот ден се очекува медицински транспорт од Австрија, Грција и Хрватска, со авиони и хеликоптери за натамошен трансфер на пациенти.

Министерството за здравство информира дека сите пациенти кои се префрлени во странство се во стабилна состојба и под континуирана медицинска нега.

Дополнително, во соработка со ЈЗУ Психијатриска болница-Скопје и Клиниката за психијатрија се формирани мобилни тимови составени од психијатри и психолози, кои обезбедуваат психолошка поддршка за пациентите и нивните семејства.

За сите кои имаат потреба од психолошко советување или помош, достапна е телефонската линија 078 378 754, каде што стручни лица обезбедуваат поддршка.

Министерството за здравство останува во постојана комуникација со сите надлежни институции и меѓународни партнери за натамошна координација и поддршка.

Continue Reading
Advertisement
Advertisement

Трендинг

Copyright © 2024 Булевар.мк