Црна Хроника

Полицијата приведе 9 дилери на дрога во Скопје и во Тетово, меѓу нив и малолетник

Вчера полицијата приведе 9 лица на возраст од кои едниот е малолетник, а највозрасниот има 44 години. Акциите полицијата ги изврши на териториите на Скопје и на Тетово. Кај нив беа пронајдени и одземени различни наркотични средства, вклучувајќи марихуана, кокаин и прашкасти материјали.

Околу 21:00 часот, полициски службеници од Полициското одделение Теарце го лишиле од слобода Н.А. (44) од с.Доброште, тетовско. Кај него бил пронајден и одземен кокаин. По целосно документирање на случајот, ќе следува соодветен поднесок.

Подоцна полициски службеници од СВР Скопје го лишиле од слобода Ф.И. (29) од Скопје. Кај него била пронајдена и одземена бела прашкаста материја. По документирање на случајот, ќе следува соодветен поднесок.

Претходно на територијата на Центар, полициски службеници од СВР Скопје го лишиле од слобода Г.М. (19) од Скопје. Кај него била пронајдена и одземена марихуана. По документирање на случајот, ќе следува соодветен поднесок.

Во 21:40 часот, исто така во Центар, полициски службеници од СВР Скопје го лишиле од слобода А.А. (20) од Скопје. Кај него била пронајдена и одземена марихуана. По документирање на случајот, ќе следува соодветен поднесок.

Апсење имало и во Чаир кадешто полициски службеници од СВР Скопје го лишиле од слобода Б.З. (30) од Скопје. Кај него била пронајдена и одземена марихуана. По документирање на случајот, ќе следува соодветен поднесок.

Лишиен од слобода бил и Ф.Л. (29) од Скопје кого полицијата го приведен во Аеродром. Кај него била пронајдена и одземена марихуана. По документирање на случајот, ќе следува соодветен поднесок.

Во 21:10 часот, полициски службеници од СВР Скопје го лишиле од слобода малолетник од населба Илинден, скопско. Кај него била пронајдена и одземена марихуана. По документирање на случајот, ќе следува соодветен поднесок.

Полициски службеници од СВР Скопје во населбата Ѓорче Петров го лишиле од слобода Д.А. (32) од Скопје. Кај него биле пронајдени и одземени марихуана, бела прашкаста и бела грутчеста материја. По документирање на случајот, ќе следува соодветен поднесок.

„Сите лица се приведени и ќе бидат процесуирани согласно законот. Полицијата продолжува со активностите за спречување и откривање на незаконска трговија со дрога. За секое лице ќе бидат преземени соодветни мерки согласно нивната одговорност“, информираат од МВР.

Црна Хроника

Девојка летала со Ауди 174 километри на час на автопатот Тетово – Гостивар

На 08.12.2025 во 15:45 часот, полициски службеници од Полициска станица за безбедност на патниот сообраќај Тетово кај наплатна станица Тетово на патот Гостивар-Тетово ја лишија од слобода С.А.(35) од Гостивар. При контрола во сообраќајот со радар, констатирано е дека управувала патничко возило ,,ауди“ со гостиварски регистарски таблички со брзина од 174 километри на час на место каде со сообраќаен знак максималната дозволена брзина е ограничена на 80 километри на час. Таа е задржана во полициска станица и против неа ќе следува пријава по член 297-а, „безобѕирно управување со моторно возило“.

Црна Хроника

Камион изгоре во Косевица, пожарот навреме локализиран

09.12.2025 – Територијалната противпожарна единица од Македонска Каменица денеска интервенираше на запален товарен камион во селото Косевица.

На местото на настанот реагираа две противпожарни возила со тројца пожарникари. Според извештајот од единицата, пожарот навреме бил локализиран и изгаснат, со што било спречено негово понатамошно проширување.

Во инцидентот нема повредени лица, а причините за пожарот дополнително ќе се утврдуваат.

Црна Хроника

Полицијата во Тетово со полни раце работа – Уапсени пет лица

На 08.12.2025 во 15:45 часот на ул.,,Иво Рибар Лола“ во Тетово, полициски службеници од СВР Тетово ги лишија од слобода Ѓ.С.(38) и Б.З.(19), двајцата од Тетово, за тоа што кај нив е пронајдена и одземена марихуана. По документирање на случајот, ќе следува соодветен поднесок.

На 08.12.2025 во 20:00 часот на локален пат во с.Глоѓи, тетовско, полициски службеници од Полициското одделение Теарце го лишија од слобода А.Ф.(24) од с.Теарце, тетовце. При контрола на патничко возило ,,опел“ со тетовски регистарски ознаки, кое го управувал, и при преглед над него, пронајдена и одземена е марихуана. А.Ф. е задржан во полициска станица и по документирање на случајот против него ќе следува соодветен поднесок.

На 08.12.2025 во 19:20 часот на регионален пат Тетово-Скопје, полициски службеници од Полициското одделение Групчин го лишија од слобода М.И.(25) од с.Палатица затоа што кај него е пронајдена и одземена марихуана. Тој е задржан во полициска станица и по документирање на случајот против него ќе биде изготвен соодветен поднесок.

На 08.12.2025 во 18:25 часот во с.Једоарце, тетовско, полициски службеници од Полициското одделение Теарце го приведоа А.Н.(19) од с.Џепчиште затоа што кај него е пронајдена и одземена марихуана. Тој е задржан во полициска станица и по документирање на случајот ќе му биде изготвен соодветен поднесок.