Македонија беше поголена од невидена трагедија кога во Кочани избувна пожар во клубот „Пулс“, при што животите ги загубија 59 лица, вклучувајќи и познати музичари кои настапуваа на 16 март.

Трагедијата предизвика големо вознемирување и многу јавни личности од регионот изразија сочувство и поддршка до семејствата на жртвите, како и до народот на Македонија. Една од нив е пејачката Емина Јаховиќ, која не може да го скрие шокот и болката поради несреќата.

„Драги мои, толку ми е тешко и силно ме потресе трагедијата во Македонија. Дури 24 часа по настанот реалноста ме погоди, останав без зборови и во шок. Се чувствувам како да сонувам и чекам некој да ме разбуди. Скршена сум“, напиша Јаховиќ на својот Инстаграм профил.

Таа, исто така, изрази сочувство до семејствата на загинатите:

„Нека почиваат во мир сите жртви, а Господ да им даде сила на нивните семејства да ја поднесат оваа голгота. Длабоко сочувствувам и се молам за сите нив“, изјави Емина Јаховиќ.

Во пожарот што избувна во дискотеката „Пулс“ во Кочани, повреден е и македонскиот карате репрезентативец Филип Стојанов.

Да потсетиме, во пожарот загинаа 59 млади животи, а над 150 се повредени.

Сите кои што сакаат да помогнат тоа може да го направат на:

www.supportkocani.com

Вечерва, во 20:30 часот, пријавен е пожар на улица Партизански Пат во скопската населба Драчево, потврди директорот на Центарот за управување со кризи, Стoјанче Ангелов. Пожарот е брзо изгаснат од страна на Противпожарната бригада на Скопје.

„Преку Секторот за операции и координација веднаш е известена полициската станица во Драчево и БППЗ на Град Скопје. При увидот на лице место, полицијата утврдила дека се запалени стари дрвја, ѓубре и гуми во близина на гаража и механичарски салон, што предизвикало поголемо количество чад. Кога полицијата пристигнала, пожарот бил при крај, а БППЗ на Град Скопје имала мала интервенција за негово целосно гаснење“, информираше Ангелов.