Црна Хроника

НАЈНОВА ВЕСТ: Пукање синоќа во Скопје – едно лице е убиено

Едно лице е убиено, а едно е повредено во престрелка што синоќа се случи во Топанско поле во Скопје. Според информациите на Канал 5 двете лица се на возраст од 35 години.

Од градската болница Свети Наум Охридски велат дека во здравствената установа починатиот бил донесен без знаци на живот, а повредениот е во стабилна состојба.

Од МВР се уште нема информација што точно се случило и кои биле мотвите за пукањето. Со повеќе информации во текот на денот.

Засега нема официјални информации од Министерството за внатрешни работи (МВР) за тоа како дошло до пукањето, ниту кои се можните мотиви зад оваа крвава пресметка. Неофицијално, се истражува дали станува збор за пресметка поврзана со криминални активности или за личен конфликт што ескалирал во вооружен напад.

Полициската истрага е во тек, а се очекува во текот на денот МВР да излезе со повеќе детали за ова трагично случување.

Извор: newz24live

Црна Хроника

Претрес во тетовско, пронајдени дрога, оружје и муниција, приведени две лица

На 11.12.2025 околу 08:00 часот, полициски службеници од СВР Тетово го лишија од слобода Ф.Р.(30) од с.Орашје, општина Јегуновце. При претрес во неговиот дом во селото Орашје, извршен со судска наредба, пронајдени и одземени се автоматска пушка калибар 7,62 милиметри со две рамки со вкупно 22 куршуми калибар 7,62 милиметри, 78 куршуми непозната марка и калибар, марихуана, дробилка и дигитална вага. При претресот во неговиот дом е затекната И.Д.(34) од Сојузна Република Германија, која е привидена и задржана во полициска станица затоа што го пречекорила туристичкиот престој. Ф.Р. е задржан во полициска станица и по целосно документирање на случајот, против него ќе биде поднесена соодветна пријава.

Црна Хроника

Инцидент на лет кон Скопје: Пијани навивачи тероризирале патници

Приведен навивач од Словачка, на 10 други не им беше дозволен влез во државата поради агресивно и недолично однесување во авион за време на лет и по слетувањето

На 10.12.2025 околу 20:30 часот во СВР Скопје, од службите на Меѓународен аеродром Скопје и од Регионалниот центар за гранични работи Север е пријавено дека во воздухоплов кој пристигнал од Словачка, повеќе лица под дејство на алкохол, кои се дел од навивачка група, за време на летот и по слетувањето не ги почитувале правилата, агресивно се однесувале и ги вознемирувале останатите патници и екипажот.

Полициски службеници веднаш пристигнале на местото и по преземени мерки го приведоа Л.Т.(38) од Словачка, а на 10 други лица, исто така, од Словачка, не им беше дозволен влез во државата од безбедносни причини. По целосно документирање на случајот, против Л.Т. ќе биде поднесена соодветна пријава.

Црна Хроника

Скопјанец измамен за 74 илјади денари, еве како…

На 09.12.2025 во 14:45 часот во СВР Скопје, 44-годишен маж од скопско пријави дека во септември 2025 година бил измамен од Б.Н. и Р.„Н“ за сума од 74.000 денари.

Според пријавеното, парите им ги дал да купат материјал од стовариште и да ги довршат градежните работи во неговата куќа, а откако дознал дека материјалот во стовариштето воопшто не е платен, а Б.Н. избегнувал контакт со него, сфатил дека е измамен.

Се преземаат мерки за расчистување на случајот.