Неделен хороскоп 10.02.2025 до 17.02.2025

Овен (21.03 – 20.04)

РАБОТА: Најдобро е решавањето на сериозни и поголеми проблеми да го оставите за наредната недела. Оваа недела завртете се кон себеси.

ЉУБОВ: Имате замерки за однесувањето на партнерот, но уште не сте подготвени отворено да зборувате за тоа.

ЗДРАВЈЕ: Поведете сметка за исхраната. Стомакот ќе ви биде осетлив.

Бик (21.04 – 21.05)

РАБОТА: Добро прочитајте пред било што да потпишете. Оваа недела ви се препорачува зголемена внимателност.

ЉУБОВ: Некое интересно познанство со личност родена во знакот на Риби би можело да прерасне во нешто сериозно.

ЗДРАВЈЕ: Можни се настинка и кивавица.

Близнаци (22.05 – 22.06)

РАБОТА: Оваа недела ќе ја обележат големи осцилации на финансиски план. Можни се големи приходи, но и големи трошоци.

ЉУБОВ: Без оглед дали сте во врска или не оваа недела ќе ви биде многу мирна.

ЗДРАВЈЕ: Можни се проблеми со хемороиди.

Рак (22.06 – 22.07)

РАБОТА: Неповолен период за донесување нови деловни одлуки. Одморете оваа недела, а наредната тргнете вредно во нов поход.

ЉУБОВ: Збунети сте. Ни сами не знаете што чувствувате и како треба да се однесувате. Искористете ја оваа недела да размислите за се.

ЗДРАВЈЕ: Проблеми со видот.

Лав (23.07 – 22.08)

РАБОТА: Иако имате безброј идеи, ова не е баш најповолниот период за вас, бидете повнимателни.

ЉУБОВ: Нејасна ситуација на љубовен план. Време е да станете поотворени и кон себе и кон партнерот.

ЗДРАВЈЕ: Склони сте кон депресивни мисли.

Девица (23.08 – 22.09)

РАБОТА: И во оваа нова година зачeкоривте со преголеми очекувања. Не го правете тоа, со цел да не се разочарувате.

ЉУБОВ: Слободните ќе имаат интересна понуда, а оние во врска или брак можно е да имаат ситни проблеми.

ЗДРАВЈЕ: Проблеми со нервниот систем.

Вага (23.09 – 22.10)

РАБОТА: Имате огромна желба нешто да промените на деловен план, но како да не сакате. Проблем се вашите внатрешни кочници.

ЉУБОВ: Љубовната ситуација ви е комплицирана, бидејќи делува дека вашиот партнер се одалечил од вас. Позборувајте со него.

ЗДРАВЈЕ: Мали проблеми со коските.

Шкорпија (23.10 – 21.11)

РАБОТА: Почетокот на годината ќе го одбележи некое раскинување на договор, особено нешто поврзано со странство.

ЉУБОВ: Можна е врска со доста повозрасна личност од вас. Доколку сте во врска или брак, не правете нешто за што подоцна ќе жалите.

ЗДРАВЈЕ: Проверете ја крвната слика, можни се проблеми со холестеролот.

Стрелец (22.11 – 21.12)

РАБОТА: Можна е загуба, штета или некој непланиран трошок. Значи, оваа недела ќе биде многу неповолна кога станува збор за пари.

ЉУБОВ: Планетите укажуваат на зголемена љубомора.

ЗДРАВЈЕ: Можни се проблеми со мочниот меур и уринарниот тракт.

Јарец (22.12 – 20.01)

РАБОТА: Очекувавте повеќе на деловен план, но бидејќи не дошло до тоа, чувтвувате големо разочарување.

ЉУБОВ: Нестбилна љубовна ситуација. Можни се мали разочарувања.

ЗДРАВЈЕ: Можни се воспаленија на стомакот.

Водолија (21.01 – 19.02)

РАБОТА: Имате чувство дека на деловен план се се распаѓа, а не знаете како да го спречите тоа. Смирете се и размислете за се, ќе сфатите дека хаосот не е толку голем.

ЉУБОВ: Без значајни промени на љубовен план, без оглед дали сте во брак, долга врска или пак сте слободни.

ЗДРАВЈЕ: Лош имунолошки систем.

Риби (20.02 – 20.03)

РАБОТА: Конечно ќе имате време да се одморите малку и работата да ја ставите во втор план.

ЉУБОВ: Нови, возбудливи случувања, неделата ќе ви биде кратка за се што ќе ви се случи.

ЗДРАВЈЕ: Проблеми со главоболка.

Денеска се чествува Преподобен Алипј Столпник

Православните верници денеска го одбележуваат празникот посветен на Преподобен Алипј Столпник, еден од најпознатите столпници и подвижници на Црквата, кој цели 53 години поминал во пост и молитва на врвот од столб.

Алипј е роден во пафлагонискиот град Адријанопол. Од детството бил предаден на црковна служба, а како ѓакон служел во храмот на епископот Теодор. Желбата за осамување и длабока молитва го однела надвор од градот, на запуштени елински гробишта што биле избегнувани поради демонски привиденија.

Според преданието, тука поставил крст, изградил храм во чест на света Ефимија – која му се јавила во сон – и подигнал столб на кој се искачил, останувајќи таму до крајот на својот живот. Ниту потсмевот на луѓето, ниту демонските искушенија, кои долго време го напаѓале со привиденија и камења, не го поколебале во неговата намера.

Со силата на молитвата, крстот и името Христово, ги победил демонските искушенија, а со текот на времето луѓето почнале да го почитуваат, барајќи од него молитви, утеха и исцеление. Околу неговиот столб подоцна биле изградени два манастири – машки и женски, во кои се замонашиле и неговата мајка и сестра.

Свети Алипј бил познат по големиот подвижнички подвиг, а според сведоштвата, често бил озаруван со небесна светлина. Починал на повеќе од стогодишна возраст, во 640 година, за време на царот Ираклиј. Дел од неговите мошти, меѓу кои и неговата света глава, денес се чуваат во манастирот Кутлумуш на Света Гора.

Магазин

Спасен Сиљаноски во празнична атмосфера: Кафе момент со сопругата Ана

Спасен Сиљаноски, преку својата официјална Facebook-страница, објави фотографија која брзо го привлече вниманието на јавноста, пренесувајќи топла и семејна атмосфера во пресрет на празниците. Во објавата, тој позира заедно со сопругата Ана Силјаноска, во празнично украсен дом, со порака: „Време за кафе со Анушка“.

На фотографијата се забележува новогодишна елка, топла каминска атмосфера и празнично декориран простор, што дополнително придонесе објавата да биде прифатена со многу симпатии. Во само 47 минути, постот собра речиси илјада реакции и десетици коментари од следбеници кои им испраќаат честитки, убави желби и поддршка.

Објавата на Сиљаноски ја доловува семејната топлина и празничниот дух, испраќајќи едноставна, но силна порака за уживање во малите моменти со најблиските.

Магазин

Американскиот филмски институт ги објави 10-те најдобри филмови за 2025 година

Американскиот Филмски Институт (AFI) ја објави својата листа со 10-те најзначајни филмови за 2025 година, меѓу кои се наоѓаат наслови што доминираат на светската филмска сцена оваа година.

Филмови што се издвојуваат

Меѓу избраните филмови се:

Avatar: Fire and Ash

Bugonia

Frankenstein

Hamnet

Jay Kelly

Marty Supreme

One Battle After Another

Sinners

Train Dreams

Wicked: For Good

Дополнително, AFI додели и специјално признание на филмот It Was Just An Accident, кој, иако не е во официјалната десетка, доби посебна награда за извонреден придонес.

Секоја година AFI ги избира филмовите што се сметаат за културно и уметнички значајни – оние што покажале најголема креативност, оригиналност и влијание во светот на киното. Ова признание често се смета за индикација за филмови кои ќе имаат речиси сигурна шанса за награди од меѓународна класа.

Со оваа листа, 2025 година уште еднаш се покажа како богата и разнолика на силни филмски дела – од големи холивудски продукции, преку иновативни драми, до независни и авангардни филмски изрази.