Скопје
Герасимовски: Младите вандали ќе фарбаат клупи, менуваат лулашки и ќе купуваат опрема
Градоначалникот на Општина Центар Горан Герасимовски во гостувањето во емисијата „Во живо – Програма на градови” на МРТ1 информираше дека иницијативата за општо корисна работа на малолетници кои вандализираат урбана опрема во Центар предвидува фарбање на клупи, менување лулашки, но и купување на опремата којашто ја имаат оштетено.
„Преку општествено корисна работа, малолетните деликвенти, односно оние што имаат уништено дел од урбаната опрема, заедно со родителите да фарбаат клупи, менуваат лулашки, да си ја купат опремата којашто ја оштетиле. Зошто да трпат сите граѓани? Ни се трошат општински средства, односно граѓански средства за постојана реконструкција на неколку месеци и обновување на детски катчиња, кога може да го наплатиме од оние коишто го уништуваат истото. Што се должни останатите жители да трпат ваков вандалски однос на дел од малолетниците и не е само уништувањето, туку и нарушувањето на јавниот ред и мир во ноќните часови во одредени маала. Постојано повикуваме до МВР да има што поголем број на полициски контроли за сето тоа да го стопираме”, вели Герасимовски.
Герасимовски, истакнува дека соработката на Управниот одбор на ЗЕЛС е одлична со сите градоначалници без разлика на политичка партија.
„Доколку ние меѓусебно не се поддржуваме и не соработуваме на крај страдаат граѓаните. Нас ни е целта и за тоа сме избрани да направиме што подобри услови за живот на нашите жители”, рече Герасимовски.
По низата случаи со украдениот багер и уништено возило во Капишец, уништени детски и спортски игралишта, како и крадење на опремата на хигиеничарите во општината, Општина Центар достави иницијатива до ЗЕЛС која беше едногласно прифатена за вршење општокорисна работа на малолетните деликвенти кои вандализираат во Центар.
„Потребни се неколку законски измени за истата да профункционира, но одлично пројде во јавноста и верувам дека преку ЗЕЛС и Владата ќе ја вметне во нови законски измени коишто за брзо време ќе бидат спроведени”, порача Герасимовски.
Додека цела земја тагува по трагедијата во Кочани, група несовесни граѓани организирале дрифт настан со над 300 возила на паркингот на СЦ „Борис Трајковски“, притоа пријавувајќи „снимање спот“. Настанот резултирал со десетина судари и материјална штета.
Директорот на спортскиот центар, Данијел Апостолоски, жестоко реагираше, истакнувајќи дека не дал дозвола за ваков настан и дека вакво нешто никогаш нема да дозволи. Благодарение на брзата интервенција на МВР и ПС Карпош, собирот бил прекинат.
„Апелирам до сите граѓани да ги почитуваме деновите на жалост и да покажеме човечност. Жртвите и нивните семејства заслужуваат спокој и почит“, напиша Апостолоски во својата објава.
На улицата Мирче Оровчанец во центарот на Скопје, во близина на Универзална сала, затната е фекалната канализација бидејќи градежник додека градел зграда ја забетонирал цевката за фекалии. Градежникот додека ја правел јамата и копал за поставување на армирано бетонски колови, т.н. шипови, ја погодил цевката за канализација. Потоа додека полнеле со бетон, ја наполниле и цевката и таа е забетонирана. Сега фекалиите од останатите згради и куќи на улицата не можат да течат низ цевката и преку клозетските шолји ќе им се враќаат во домовите.
Сдк.Мк
Градоначалникот на општина Кисела Вода и претседател на ЗЕЛС, Орце Ѓорѓиевски, денес оствари средба со претседателот на Стопанската комора на Македонија, Бранко Азески. На средбата се разговараше за клучни теми како децентрализацијата, инвестиционата активност на општините и поддршката на бизнисот.
„Стопанската комора на Македонија ќе ги поддржи сите интенции на Владата кои одат во насока на остварување на раст од 4%, градењето на правна држава и почитувањето на принципите на пазарната економија,“ истакна Азески.
Ѓорѓиевски го информираше претседателот за активностите на општината, при што беше нагласена важноста на создавање поволна бизнис-клима, елиминирање на пречките за инвеститорите и поддршка на компаниите кои отвораат нови работни места и водат сметка за еколошките стандарди.
„Продолжуваме со активности за економски раст, подобрување на условите за бизнисите и развој на општините,“ порача Ѓорѓиевски.
-
Република6 days agoТри сестри од кривопаланечкото село Жидилово ќе останат без 493 крави, ради политички реваншизам !!!
-
Македонија2 days agoСопственикот на дискотеката во Кочани приведен
-
Црна Хроника6 days agoТрагедија во Тетово: Прегазена 18-годишна девојка, возачката избегала!
-
Македонија2 days agoПриведен Александар Карадакоски, газда на фирмата што раководела со „Пулс“
-
Македонија1 day agoОсуммина членови на бендот на ДНК загинаа во пожарот во Кочани
-
Македонија2 days agoХеројот што не ја напушти дискотеката: Виктор Јорданов загина спасувајќи животи (Видео)
-
Македонија2 days agoЕве чив потпис стои на последната лиценца за кочанската дискотека
-
Македонија2 days ago(Видео) Панчо од ДНК кој настапуваше во Кочани има изгореници по лицето и е на кислородна поддршка