Connect with us

Македонија

КОЦЕВСКИ САМ СИ ЈА ЗАПЕЧАТИ КАРИЕРАТА Хајрулахи вели дека „канцерот СЈО“ го зафатил и Советот за јавни обвинители

Published

on

„Постојано зборував за тоа дека републичкиот јавен обвинител е само фигура, дека тој е октроиран од обвинителите од поранешното СЈО и дека слепо ги реализира нивните барања. Со ова се потврди тоа дека сум бил во право”, коментира суспендираниот шеф на скопското Вишо јавно обвинителство, Мустафа Хајрулахи.

„Имајки ги предвид законските одредби кои го регулираат начинот на поставување на вршител на должноста раководител на јавно обвинителство, од членот 25 став 3 од Закон за јавно обвинителство, јасно е дека јавниот обвинител Љупчо Коцевски, сакајќи да им удоволи на обвинителите од поранешното СЈО, лекомислено и без анализа какви можат да бидат правните последици, бидејќи очигледно толку го владее правото, се излета и направи крупна професионална грешка со тоа што по негова директива, Советот на јавни обвинители, заедно со него, донесе скандалозна одлука, поставувајќи вршител на должноста раководител спротивно на одредбите од Законот за јавно обвинителство“.

Вака суспендираниот шеф на скопското Вишо јавно обвинителство, Мустафа Хајрулахи, ја прокоментира последната одлука на Советот за јавни обвинители, кој одлучи друг обвинител да ја преземе неговата функција, иако за тоа нема никаков законски основ.

Како што е познато, вчерашната одлука на Советот за јавни обвинители ја прелеа чашата на незадоволството на Владата од обвинителот Коцевски и таа денеска одлучила Министерството за правда да поведе активности за негово разрешување.

– Сведоци сте за тоа дека постојано зборував за тоа дека републичкиот јавен обвинител е само фигура, дека тој е октроиран од обвинителите од поранешното СЈО и дека слепо ги реализира нивните барања. Со ова се потврди тоа дека сум бил во право. Овој јавен обвинител ќе се памети по тоа што служеше на една криминална банда на обвинители, кои ја оцрнија целата фела. Тука мислам на бандата предводена од неколку обвинители од поранешното СЈО. За жал, Коцевски, сакајќи да ги спаси нив од нивните криминали во СЈО, самиот си ја запечати кариерата – вели Хајрулахи.

Тој додава дека сервилноста на Советот на јавни обвинители е повеќе од очигледна.

– Токму од овие причини, повеќе од потребно е што побрзо да се реформира и тоа тело, зафатено од канцерот наречен СЈО. Слепите извршители на Коцевски треба да се соочат со правдата и кривично да одговараат за незаконски донесените одлуки – категоричен е Хајрулахи.

Македонија

Сопственикот ја ЗАБАРАКАДИРАЛ ЕДНАТА ВРАТА со катанец – Ангелов демантираше дека полицајци ја заклучиле поради рација

Published

on

Според очевидци, доколку оваа врата била отворена, би се овозможило побрзо спасување на луѓето.

Една од вратите во кочанската дискотека „Пулс“ каде што се случи трагедијата била заклучена и забарикадирана. Според очевидци, доколку оваа врата била отворена, би се овозможило побрзо спасување на луѓето.

Директорот на Центарот за управување со кризи (ЦУК), Стојанче Ангелов, кој беше присутен на местото на настанот, за порталот ММС ги демантираше шпекулациите дека полицајци ја заклучиле спорната врата поради рација.

– Не е точно дека полицајците ја затвориле вратата. Вратата била заклучена од сопственикот, којзнае од кога, и на неа имало катанец. Од надвор, дополнително, била поставена и стиропорна изолација. Се работи за секундарна врата која била забарикадирана од порано. Ова е голема трагедија која тешко може да се опише со зборови – изјави Ангелов за ММС.

Курир

Continue Reading

Македонија

Коцевски: Дискотеката функционирала со многу пропусти – ерозија на системот – Објектот регистриран како фабрика

Published

on

Јавното обвинителство започна детална истрага за трагичниот пожар во дискотеката „Пулс“ во Кочани, испитувајќи како објектот добивал дозволи со години, собирал малолетници секој викенд, а институциите не презеле мерки за негово затворање.

Осомничени 10 лица, барање за краткотраен притвор

Обвинителот Љупчо Коцевски изјави дека обвинителството издало наредби за преглед на видео-снимки, апсење на сите лица кои со своето постапување придонеле за трагедијата и форензичка анализа на предмети од местото на несреќата. За 10 лица ќе биде побаран краткотраен притвор, а над 20 лица се повикани на информативен разговор.

Во рамките на истрагата, Обвинителството побарало од Основниот суд во Кочани да ја одземе целокупната документација за дискотеката „Пулс“ и да одобри претреси во домови на осомничени.

Меѓу лицата кои се испрашуваат е и поранешниот министер за економија Крешник Бектеши, кој во моментов се наоѓа во полициска станица на распит.

Објект без хидранти, противпожарни мерки и со заклучени излези

Првичните наоди откриваат дека дискотеката не ги исполнувала основните безбедносни стандарди:

• Немала функционален хидрант и противпожарна мрежа.

• Имала само два противпожарни апарати, недоволни за квадратурата на објектот.

• Наместо две пропишани излезни врати за евакуација, имала само една метална врата, заклучена со катанец и без квака од внатрешна страна. Била дополнително обложена со гипс картон и сунѓер за звучна изолација.

• Објектот немал пристап за противпожарни возила од двете страни, како што пропишува правилникот за заштита од пожари.

• Внатрешноста на дискотеката била обложена со лесно запаливи материјали и немала таван со противпожарна отпорност од 30 минути.

• Немало алармен систем кој би ги предупредил посетителите за опасност.

• Пиротехнички средства биле користени на висина од три метри без дозвола.

Дискотека регистрирана како фабрика

Според податоците од Државниот инспекторат за градежништво и урбанизам, објектот бил регистриран како лесна индустрија со површина од 419 м². Не е направена пренамена во угостителски објект, но сепак, Министерството за економија му издало дозвола за работа како дискотека пред 15 години.

Обвинителството најавува кривични постапки

Јавното обвинителство сè уште нема издадено наредба за истражна постапка, но истрагата се води за „тешки дела против општата сигурност“ и други поврзани кривични дела.

Еден од организаторите веќе е сослушан и се потврдило дека немало писмен договор помеѓу него и музичката група што настапувала таа вечер. Можно е да има и обвиненија за давање и примање поткуп и незаконско користење пиротехнички средства.

Обвинителите ќе продолжат со увидот и утре наутро, а дополнително ќе бидат ангажирани јавни обвинители од Основното јавно обвинителство Скопје.

24инфо.мк

Continue Reading

Македонија

Меџити: Болката е заедничка, заедно тагуваме за жртвите од Кочани

Published

on

Вечерва, на плоштадот „Скендербег“, првиот вицепремиер и министер за животна средина и просторно планирање, Изет Меџити, заедно со граѓаните, положи цвеќе во чест на изгубените животи во трагедијата во Кочани.

„Заедно ја споделуваме болката и се солидаризираме едни со други. Вечерва зборуваме на различни јазици, но исто тагуваме и жалиме за нашите млади момчиња и девојки што неправедно ги изгубивме,“ истакна Меџити.

Тој упати сочувство до семејствата на жртвите и порача дека тие не се сами во оваа болка. „Нашите молитви и мисли се со семејствата на жртвите и повредените. Ние сме заедно!“ – порача Меџити.

Continue Reading
Advertisement
Advertisement

Трендинг

Copyright © 2024 Булевар.мк