-Интензивно се работи на делницата Дреново-Фариш на заштита на косини, на заштита на одредени безбедносни проблеми кои ги имаше и за многу скоро ќе можеме да видиме отворање, изјави денеска вицепремиерот и министер за транспорт Александар Николоски.
Николоски додаде дека минантата година, вкупно милион и сто илјади евра преку Министерството за транспорт беа префрлени на наменска сметка на општина Кавадарци и се реализираат веќе 5 проекти и сме во напредна фаза.
-За оваа година повикот беше отворен и очекувам во следниот период да дојдат апликациите, а она што можам да го најавам е дека на следната седница на Владата очекувам околу милион евра да поминат за донација, за водоводни мрежи кои треба да бидат извадени во село Строгово и село Сопот кои исто така ќе помогнат за подобрување за животот на граѓаните. Уште една работа ни е во тек, во месец јануари бевме во близина на Кавадарци и пуштивме дел од она што треба да е експресен пат од Градско до Прилеп, односно делницата од Градско до Дреново. Можам да кажам интензивно се работи на делницата Дреново-Фариш на заштита на косини, на одредени безбедносни проблеми кои ги имаше и за многу скоро ќе можеме да видиме отварање и таму, истакна Николоски.
