Зборовите на македонскиот премиер Христијан Мицкоски се апсолутна провокација, бугарското Министерство за надворешни работи соодветно одговори, вели претседателот на ГЕРБ, Бојко Борисов.
Претседателот на ГЕРБ, Бојко Борисов ја оцени како апсолутна провокација изјавата на премиерот Христијан Мицкоски во врска со впипувањето на Бугарите во македонскиот устав.
– Зборовите на македонскиот премиер Христијан Мицкоски се апсолутна провокација. Не треба да им се обрнува внимание. Тие можат да го прават тоа – рече Борисов.
Борисов додаде дека бугарското Министерство за надворешни работи соодветно одговорило на провокацијата.
На изјавата на Мицкоски вчера реагираше и претседателот на Има таков народ, Слави Трифонов, кој порача дека „сите оние, предводени од Мицкоски, преку криви макарони ќе ја видат Европската Унија“.
Премиерот Мицкоски вчера одговарајаќи на пратенички прашања во Собранието, изјави дека суштинското прашање е зошто во Македоника, каде има околу 700-800 Бугари, кои декларираат дека мајчин јазик им е бугарскиот, треба да бидат ставени во Уставот, додека Албанија со 8.000 Бугари според бројките од пописот, го нема тој услов.
