Црна Хроника

МАКЕДОНСКИ ШЕФ НА ЕВРОПСКА НАРКО-МАФИЈА Ѝ ПАДНАЛ ВО РАЦЕ НА ПОЛИЦИЈАТА ВО ЖЕНЕВА: Го сменил името и се надевал дека нема да го фатат

30 годишен наркобос од Македонија уапсен на аеродромот во Женева и потоа екстрадиран во Австрија (баран по потерница од ЕУ распишана 2022 година), пишува blick.ch.

Како што пишува медиумот, тој го сменил името и најверојатно се надевал дека швајцарската полиција нема да го фати. На 29 јануари, сепак бил уапсен на аеродромот во Женева.

„Уапсен Македонец (30), кој допатувал од Приштина. Се претпоставува дека е шеф на нарко-мафија која оперира низ Европа. Јавното обвинителство во Линц, Австрија, го обвинува мажот дека, меѓу другото, стои зад шверцот на четири килограми хероин и 1,5 килограми кристал мет. Затоа 30-годишникот се бара со потерница на ЕУ од 2022 година“, пишува швајцарскиот медиум, повикувајќи се на полициски извори.

Црна Хроника

Брутален напад во Тетово: Маж претепан од четири лица на улица

На 15.12.2025 година во 22:20 часот во СВР Тетово, С.Р.(33) од с.Желино пријави дека на улица ,,113″ во Тетово, додека се движел со неговиот пријател, бил физички нападнат од четири лица. Според пријавеното, едниот од нив при нападот користел и метален предмет. Се преземаат мерки за расчистување на случајот.

Црна Хроника

Смртен случај во затворот во Штип – пронајден починат затвореник

Управата на казнено-поправната установа во Штип вчера претпладне известила дека во една од просториите е пронајдено безживотно тело на 40-годишен затвореник од Скопје.

По пријавата во 10:35 часот, увидна екипа и медицински тим излегле на терен. Смртта е потврдена од страна на лекар, кој не забележал знаци на насилство врз починатиот. Јавното обвинителство издаде наредба за вршење на обдукција за расчистување на случајот.

Црна Хроника

Сообраќајна трагедија: Велосипедист го загуби животот по судир со камион во Гостивар

76-годишен маж го загуби животот денеска во сообраќајна несреќа што се случи на една од градските крстосници. Според информациите од МВР, несреќата се случила точно во 12:35 часот на спојот меѓу улиците „Илинденска“ и „Седек Костовски“, кога товарно возило „мерцедес“ удрило во повозрасниот велосипедист.

Иако И.М. бил итно пренесен во Медицинскиот центар во Гостивар, лекарите само ја констатирале неговата смрт. Полицијата реагираше брзо и го лиши од слобода 44-годишниот возач на камионот. По целосно документирање на случајот, против него ќе биде поднесена соодветна кривична пријава во координација со Јавното обвинителство.