Република

ОТВОРЕН ПРВИОТ КЛИМАТОН БИТОЛА

На Факултетот за комуникациски и информациски технологии при Универзитетот „Св. Климент Одридски“ во Битола, денес започна дводневниот настан Климатон Битола, на кој што младите, експертите, претприемачите и ентузијастите, ќе понудат решенија за актуелните климатски предизвици.

Во своето обраќање пред присутните, секретарот на општина Битола Борче Димитровски ја посочи важноста од одржувањето на ваков настан во Битола, особено поради тоа што иновативните идејни решенија се понудени од младите и нивните визии за почиста и поубава Битола.

„Општина Битола е високо на мапата на развојот и поддршката на зелената транзиција на Балканот. Во изминатите 3 години реализиравме голем број проекти, со кои што придонесовме за заштита на животната средина и енергетската ефикасност, како и примената на обновливите извори на енергија. Накратко би споменал само неколку од нив: проектот „Сончеви училишта“ со средства од Фондацијата Отворено општество Македонија, со кој беа поставени фотоволтаици на 6 основни училишта во градот, а со средства од МОН фотоволтаици добија и три средни училишта. Преку проектот ЕУ за чист воздух, беа засадени 1500 садници, а ќе се менуваат и грејните тела во одредени училишта и градинки, кои не се опфатени со проектот Топлификација. Училиштето Стив Наумов ќе добие нова енергетска фасада, со која што не само што ќе ја зголемиме енергетската ефиласност, туку и ќе го намалиме јаглеродните емисии. Ова е само мал дел од веќе реализираните проекти. Затоа сметам дека Битола може и треба да биде предводник во напорите за подобра животна средина и зелена економија. Верувам дека Климатон Битола, во овие два дена, ќе донесе нови проекти и идеи, кои ќе дадат свој придонес за поодржлива и поздрава иднина за сите нас и дека наградниот фонд ќе отиде во вистински раце“, истакна Димитровски.

На настанот се обрати и ректорот на УКЛО Игор Неделковски и претставници на Фондацијата отворено општество. Над 50 студенти од Универзитетот „Св. Климент Охридски“ и ученици од средните училишта во битолскиот регион, поддржани од Општина Битола се натпреваруваат на Климатон Битола, а наградниот фонд изнесува 6.000 американски долари.

Организатори на настанот се Фондацијата отворено општество – Западен Балкан, Фондацијтаа СИД ХАБ Скопје, како и домаќинот, Факултетотот за комуникациски и информациски технологии при Универзитетот „Св.Климент Охридски“ од Битола.

Република

Овие места утре во Тетово и тетовско ќе бидат без струја

ЕВН Македонија најави планирани прекини во напојувањето со електрична енергија за утре, 11 декември 2025 година, на неколку локации во Тетово и тетовскиот регион. Прекините ќе траат од 09:00 до 14:00 часот, а ќе бидат опфатени следните места:

Село Одри – делови од населеното место ќе останат без електрична енергија поради планирани технички зафати.
Тетово – дел од подрачјето на Попова Шапка, конкретно објектите што се наоѓаат во близина на одморалиштата на ЕВН.
Село Одри (македонско маало) – објекти лоцирани во овој дел повторно ќе бидат засегнати од прекинот.

Од компанијата информираат дека прекините се дел од редовните технички активности за подобрување на мрежата, а по завршувањето се очекува стабилизирано и подобрено снабдување.

Граѓаните се повикуваат навреме да ги планираат своите обврски и да преземат соодветни мерки додека трае прекинот во напојувањето.

Република

По децении најави, Тетово конечно добива Саат кула

До 2026 година треба да започне изградбата на Саат кулата во Тетово, проект што со децении се најавува, но никогаш не се реализира. Финансиската конструкција е обезбедена преку донациски грант од Општина Коња во Турција во вредност од околу 200 илјади евра, но засега нема прецизен рок за завршување на градбата. Меморандумот за соработка го потпишаа Општина Тетово и Националниот центар за конзервација.

„Претходно знаете дека имало неколку обиди, имало и обезбедување на финансиски средства од финансиски поддршки, но не се успеа да се реализира овој проект како дел од културното наследство. Обезбеден е донациски грант од Општина Коња. Верувам дека првите градежни активности ќе започнат во рамки на 2026 година“, изјави градоначалникот на Тетово, Билал Касами.

Директорот на Националниот центар за конзервација, Александар Јорданоски, вели дека Центарот веќе ги подготвува сите неопходни активности – од валоризација на културното наследство и проверка на досегашните документи, до целосна ревизија на проектната документација.

„Кон крајот на 2005 и почетокот на 2006 година започнаа археолошките истражувања, што е потребна законска постапка кога треба да започне реализација на ваков тип проект. Во 2016 година беше изработен проектот, беа дадени одредени забелешки и таму застана постапката“, истакна Јорданоски.

Саат кулата останува еден од најчесто ветуваните, но незавршени проекти во Тетово, како во претходните мандати, така и во мандатот на актуелниот градоначалник. Сега, со обезбедени средства и обновени процедури, општината очекува конечно да започне реализацијата.

Република

Невзат Бејта повторно влегува во трката за Гостивар, овој пат под знамето на ВЛЕН

Невзат Бејта ќе се кандидира за градоначалник на Гостивар на локалните избори закажани за 11 јануари 2025 година, дознава ТВ21. Поранешниот градоначалник, кој веќе има зад себе два мандати, ќе се обиде да го освои и третиот, овој пат под логото на коалицијата ВЛЕН.

Според информации од ТВ21, Бејта својата кандидатура ќе ја поднесе утре во текот на денот до Државната изборна комисија.

Да потсетиме, гласањето во првиот круг од локалните избори во Гостивар не го достигна законскиот цензус, поради што изборниот процес продолжува со повторување.