Економија
Добитник на Нобелова награда за економија со изненадувачка прогноза за Биткоин во наредните 10 години
Што можеме да очекуваме од најголемата крипто валута?
Добитникот на Нобеловата награда за економија во 2013 година, Јуџин Ф. Фама, кого светот го препознава како татко на модерните финансии, дава мрачна прогноза за иднината на биткоинот, токму во време кога американскиот претседател Доналд Трамп се залага за прокрипто политики во државата.
Нобеловецот предвидува дека најпопуларната криптовалута ќе вреди нула долари не толку далеку во иднината, за само една деценија. Или, како што самиот вели, боткоинот ќе вреди нула биткоини, пишува „Д стрит“.
-Тоа е дигитално злато само ако има употребна вредност, рече Фама на еден поткаст, додавајќи со сарказам: „Ако нема употребна вредност, тоа е само хартија. Не, тоа не е ни хартија – тоа е воздух. Всушност, ни толку“.
Додека биткоинот моментално вреди неверојатни 96.731 долари според „Коин Греко“, а вкупната пазарна вредност му надминува 3,15 трилиони долари, Фама предупредува дека криптовалутите ги прекршуваат сите правила на средствата за размена.
-Тие немаат стабилна реална вредност. Тие имаат исклучително нестабилна реална вредност. Такво средство за размена не би требало да преживее, објаснува нобеловецот, чудејќи се зошто сè уште не дошло до голем крах.
Особено интересен е неговиот став за потенцијалниот „судир“ на традиционалниот финансиски систем со шпекулативните средства како биткоинот.
Тој предупредува дека опстанокот на криптовалутите ќе значи потреба од целосно преиспитување на монетарната теорија.
-Не можам да предвидам кога ќе пукне, но се надевам дека тоа ќе се случи. Ќе признаете дека не е многу вообичаено еден економист толку отворено да признае дека се надева на финансиски крах. Се надевам дека ќе пропадне бидејќи ако не се случи тоа, со монетарната теорија ќе мораме да почнеме од почеток. Можеби е веќе готово, но секако би морале да почнеме од почеток, вели тој, пренесува „Д стрит“.
Фама ја доби Нобеловата награда за економија во 2013 година, заедно со колегите Ларс Петер Хансен и Роберт Ј. Шилер за нивниот труд за цените на средствата.
Од друга страна, неодамна говорејќи на Светскиот економски форум во Давос, извршниот директор на „БлекРок“, Лери Финк, предизвика голема возбуда на финансиската и крипто-сцената со предвидувањето за биткоинот. Тој изрази увереност дека биткоинот може да достигне цена од 700.000 долари, нагласувајќи го како безбедно засолниште во време на девалвација на валутите и на политичка нестабилност.
Економија
Граѓаните и бизнисите во банките чуваат 9,7 милијарди евра, но колку изнесува нивниот долг?
Граѓаните и во март продолжиле со активно задолжување, најмногу за станбени и потрошувачки кредити, каде што забележан е раст од 1,6% за станбените и 1,0% за потрошувачките. На годишна основа, овие кредити пораснале за 13,9% и 9,2% соодветно.
Според последните податоци на Народната банка, граѓаните и корпоративниот сектор во март имале вкупни депозити од 9,7 милијарди евра, додека нивниот долг кон банките изнесувал 8,2 милијарди евра.
Во однос на растот на депозити и кредити на годишно ниво, и депозитите и кредитите покажале сличен тренд. Депозитите пораснале за 12,7%, додека кредите за 12,3%.
Растот на депозитите бил забележан и во двата сектора, со поголем придонес од страна на домаќинствата, додека кај кредитите поголем придонес имал корпоративниот сектор.
Во март, вкупните депозити забележале месечен раст од 0,6%, додека кредите се зголемиле за 1,0%.
Кога станува збор за задолжувањето на граѓаните, продолжува најголемиот раст кај станбените и потрошувачките кредити, кои покажале раст од 1,6% месечно, а на годишна основа зголемувањето било 13,9% и 9,2% соодветно.
Меѓутоа, автомобилските кредити паднале за 1,1% во март, но на годишно ниво пораснале за 3,4%. Кредитите одобрени на кредитни картички се намалиле за 0,8% на месечно ниво, додека на годишно ниво падот изнесува 9,0%.
Негативните салда на тековните сметки се зголемиле за 5,1% месечно, додека на годишно ниво паднале за 2,4%. Кредити одобрени на други основи паднале за 0,3% месечно и 8,2% на годишна основа.
Министерката за финансии Гордана Димитриеска – Кочоска оствари средба со претставници на домашната бизнис заедница, нагласувајќи дека креирањето на економските политики ќе продолжи да се базира на двонасочна комуникација и активно учество на сите засегнати страни.
По обраќањето пред германските инвеститори кои веќе работат во Македонија, Димитриеска – Кочоска се сретна со претседателите на трите највлијателни стопански комори во земјата – Бранко Азески од Стопанската комора, Трајан Ангеловски од Сојузот на стопански комори и Менди Ќура од Стопанската комора на северозападна Македонија.
„Градиме партнерски однос со целата бизнис заедница – и со домашните и со странските компании. Политиките кои ги креираме се резултат на инклузивен процес. Само таквите мерки може да донесат вистински резултати и придобивки за сите“, изјави министерката.
Оваа средба е дел од пошироката стратегија на Министерството за финансии за продлабочување на соработката со приватниот сектор, како и за обезбедување економска стабилност и предвидлива деловна клима.
Подготвен врз основа на официјалните податоци од Македонска берза од Илирика Инвестментс АД Скопје.
Скопје, 17 април 2025 година – Македонската берза денес го заврши тргувањето со вкупен промет од 2.998.589 денари. Индексот МБИ10 забележа значителен пад од 0,94%, достигнувајќи вредност од 10.175,12 поени, што укажува на преовладувачки негативни движења на пазарот.
Динамика на тргување и пазарни движења
Берзата денес беше под влијание на изразен пад кај неколку водечки хартии од вредност, особено Комерцијална банка и Алкалоид, што значително придонесе за намалувањето на индексот МБИ10. Иако вкупниот промет беше понизок во споредба со претходните денови, одредени акции како Реплек и двете Стопански банки забележаа позитивни корекции.
1. НЛБ Банка АД Скопје (NLB) – промет од 1.625.500 денари, последна цена 58.500 денари, пораст од +0,09%
2. Комерцијална банка АД Скопје (KMB) – промет од 969.130 денари, последна цена 27.720 денари, пад од -3,11%
3. Алкалоид АД Скопје (ALK) – промет од 133.500 денари, последна цена 26.699 денари, пад од -2,17%
1. Стопанска банка АД Битола (STBB) – пораст од +2,99%, последна цена 3.450 денари
2. Стопанска банка АД Скопје (STB) – пораст од +2,99%, последна цена 2.437 денари
3. НЛБ Банка АД Скопје (NLB) – пораст од +0,09%, последна цена 58.500 денари
1. ТТК Банка АД Скопје (TTK) – пад од -5,29%, последна цена 1.700 денари
2. Комерцијална банка АД Скопје (KMB) – пад од -3,11%, последна цена 27.720 денари
3. Алкалоид АД Скопје (ALK) – пад од -2,17%, последна цена 26.699 денари
Индексот ОМБ остана непроменет, на ниво од 124,40 поени, без реализирани значајни трансакции со државни или корпоративни обврзници.
Берзанскиот ден на 17 април 2025 беше под силно влијание на негативното движење кај неколку клучни компании. Водечките акции како Комерцијална банка и Алкалоид имаа значителен пад, што ја повлече и целокупната пазарна перформанса надолу. Од друга страна, умерен позитивен сигнал дојде од Стопанска банка Скопје и Битило како и НЛБ Банка. Инвеститорите и понатаму остануваат претпазливи, додека се чекаат стабилизирачки движења на пазарот.
-
Македонија6 days agoУпасени се Шабан Салиу, Ваљон Сарачини, Беким Незири – проширена истрагата за пожарот во Кочани
-
Магазин5 days agoВака се оди на гости: Спасен Силјановски ги изненади Татјана и Новица во Австралија [ВИДЕО]
-
Црна Хроника7 days agoСемејна драма во Тетовско: Зет упаднал во куќа и почнала жестока тепачка!
-
Магазин4 days agoОва е првиот знак дека во телото ви се формирал тробм! Никако не смеете да го игнорирате
-
Црна Хроника3 days agoГолема акција на полицијата утринава – Се вршат претреси на повеќе локации
-
Магазин5 days agoРастурам свадби за 500 евра, распродаден сум до ноември
-
Скопје6 days ago(Видео) Граѓани со часови се заглавени во подземниот паркинг на ГТЦ оти автоматите за наплата не работат, а службите се отстутни
-
Црна Хроника7 days agoИнцидент на работно место во Тетово – жена пријавила закани и агресија, полицијата постапува