Магазин

Како во иднина ќе изгледаат љубовните врски? Не очекуваат две големи промени кои ќе се сметаат за нормални

Какви љубовни врски ги очекуваат луѓето во блиска иднина?

Истражувањата покажаа дека денес секоја четврта личност флертува со чет-бот, свесно или несвесно Филмот „Her“ од 2013 година, во кој главниот лик се заљубува во вештачка интелигенција, веќе не е научна фантастика.

Ново истражување на компанијата World, спроведено од тимот на Сем Алтман, откри шокантен факт – секоја четврта личност признала дека флертувала со чет-бот, било свесно или несвесно.

Истражувањето, кое опфати дури 90.000 корисници од вкупно 25 милиони луѓе на мрежата World, фрли ново светло врз револуцијата во меѓучовечките односи. Во свет во кој границата меѓу реалното и виртуелното е сè потенка, луѓето сè почесто развиваат емотивни врски со вештачка интелигенција.

Заљубување во вештачка интелигенција е реалност

Пример на овој феномен е апликацијата Replika, лансирана во 2017 година, која им овозможува на корисниците да креираат персонализирани романтични чет-ботови. Според податоците на компанијата Apptopia, до 2023 година Replika привлекла 676.000 активни дневни корисници, кои во просек поминуваат два часа дневно во разговори со своите виртуелни партнери.

Нова ера на дигитални врски

И покрај растечкиот тренд на AI-романтики, повеќето корисници сè уште се претпазливи кога станува збор за интеракцијата со ботови. Дури 90% од испитаниците изразиле желба апликациите за запознавање да воведат систем за верификација на вистински луѓе. Уште поинтересен е податокот дека 60% од корисниците или се посомневале или откриле дека комуницираат со бот, а не со вистинска личност.

Тјаго Сада, главниот директор за производи во компанијата Tools for Humanity, која ја развива технологијата World, ги споделува своите искуства:

“Како некој што често користи апликации за запознавање, постојано се среќавам со лажни профили. Гледате профили што се премногу добри за да бидат вистинити. Или ќе забележите дека личноста има шест прсти. Зошто има шест прсти? Се испоставува дека е AI.”

Иднината на романтичните врски во дигиталната ера

Феноменот на емотивно поврзување со вештачката интелегенција отвора бројни прашања за иднината на човечките односи. Додека некои ја гледаат оваа технологија како начин за справување со осаменоста, други предупредуваат на потенцијални психолошки последици од замената на вистинските човечки интеракции со виртуелни.

Како одговор на овој предизвик, World разви производ наречен World ID Deep Face, кој користи нивен постоечки систем за верификација – со фотографирање на ирисот на окото преку посебен уред во форма на топка – за да потврди дали корисниците комуницираат со вистински луѓе во реално време за време на видео повици или четувања на платформи како Google Meet, Zoom или апликации за запознавање.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.