Наставничката по историја, Ванеса Браун (50) поминала седум часа во затворска ќелија, откако била уапсена и осомничена дека украла два таблети.

Меѓутоа, се испоставило дека апаратите се на нејзините ќерки, а мајка им ги одзела за да можат да се фокусираат на училишните задачи, пренесува LBC.

Постапка во полициска станица

Сè започнало на 26 март, кога полицијата во Сари, Англија, добила пријава од маж за можна кражба. Со помош на специјализирана апликација лоцирани се два таблета, а испратена е и патрола да го истражи случајот.

На адресата ги пречекала 80-годишна жена – мајката на Ванеса Браун, која изјавила дека не знае ништо за украдените уреди.

Недолго потоа, наставничката по историја завршила во станицата, каде што била претресена, земен отпечаток од прсти, а потоа сместена во притвор. Во исто време во училиштето на нејзините деца дошла патрола и ги замолила да го напуштат часот.

„Не спиев цела ноќ“

Поминале седум часа пред властите да утврдат дека таблетите се на ќерките на уапсената жена, по што таа била пуштена на слобода.

“Сè уште ми е трауматично да зборувам за тоа. Во ниту еден момент не помислија дека е малку претерана реакција на одземање на таблетите. Сосема непрофесионално. Разговараа со мајка ми како да е криминалец”, тврди Ванеса.

Таа додава дека не спиела цела ноќ и останала во затворот во „кататонична состојба“.

Јавноста бара одговор

Јавноста се прашува зошто на полицајците им требало толку време да утврдат дека не е неопходно да се преземат официјални мерки против Ванеса Браун.

„Не можам да разберам зошто моето апсење беше толку брзо, можеби за помалку од еден час. Полициски автомобили и полицајци се затрчаа на адресата поради лажна пријава за кражба“, рече жената.

Исчистете го просторот: 5 работи што итно треба да ги исфрлите од домот

Време е конечно да направите ред во вашиот дом и да отворите врата за нова енергија, среќа и просперитет. Според експертите за уредување на просторот и енергијата, одредени предмети ја блокираат позитивната енергија и го спречуваат напредокот. Еве што треба веднаш да изнесете од домот:

1. Облека и обувки кои не ви се допаѓаат

Гардеробата не треба само да стои – таа треба да ве претставува и да ви создава добри чувства. Парчиња кои не ви одговараат, не ги носите или ви будат негативни емоции, го блокираат протокот на позитивна енергија. Исчистете го плакарот и задржете го само она што вистински го сакате.

2. Празни тегли и шишиња

Иако често чуваме тегли и шишиња „за секој случај“, вистината е дека повеќето никогаш не ги користиме. Нивното прекумерно складирање создава енергетски застој во домот и ја попречува радоста и просперитетот. Задржете неколку – останатите рециклирајте ги.

3. Оштетени кујнски садови

Секојдневните предмети како чинии, чаши, тави и тенџериња мора да бидат цели и чисти. Дури и мали оштетувања или гребнатини носат негативна енергија во просторот. Ако забележите оштетени садови – време е да ги замените.

4. Подароци што носат лоши спомени

Доколку во домот чувате предмети поврзани со поранешни врски, пријателства кои завршиле лошо или подароци што не ви се допаѓаат, тие потсвесно ве држат во минатото. За да направите простор за нови, убави искуства – ослободете се од нив.

5. Стари свеќи

Во фeнг шуи практиките, огнот симболизира прочистување и ослободување од негативна енергија. Меѓутоа, веќе користените и полузапалени свеќи се сметаат за „енергетски отпад“ и треба да се заменат со нови. Свежите миризливи свеќи ќе донесат хармонија, смиреност и пријатна атмосфера во вашиот дом.

ОВЕН

Контролирајте ги емоциите – особено ако самите не сте сигурни како се чувствувате кон одредени луѓе. Секој знак на слабост може да ја намали вашата предност во важни преговори. Флексибилноста ќе ве води напред. Пронајдете баланс помеѓу обврските и личните задоволства.

БИК

Токму кога мислите дека се е под ваша контрола, неочекувано нешто ќе ги помати плановите. Не избегнувајте разговори со нови лица или патувања – тие може да ве доведат до важни можности и корисни контакти. Бидете отворени за нови перспективи.

БЛИЗНАЦИ

Не очекувајте поддршка од блиските – денес побарајте ја кај луѓе што имаат директна корист од заедничка соработка. Клучот ќе биде во разбирање кој навистина може да ви помогне. Работите ќе тргнат во подобра насока штом го препознаете вистинскиот сојузник.

РАК

Изненадете ја конкуренцијата со потези кои никој не ги очекува. Ќе се истакнете со дисциплина, брза реакција и уникатен пристап. Избегнувајте да ги следите другите – одржувајте умереност и фокусирајте се на она што најдобро го знаете.

ЛАВ

Личност што површно ја познавате може да ви даде важен предлог. Во приватниот живот се можни непријатни изненадувања. Ако некој се премисли или откаже – не паничете. Пренасочете ја енергијата кон она што можете самите да го контролирате и реализирате.

ДЕВИЦА

Не бидете премногу самоуверени – особено ако вашите очекувања се поврзани со финансиска сигурност. Подгответе се за брзи промени и внимателно следете ги сите детали. Ако некој отстапи од договорот, преземете ја контролата без двоумење.

ВАГА

Ќе ве привлече личност со уметнички или необичен карактер, но бидете внимателни – можеби не е она што изгледа. Не отстапувајте од проверените планови. Фокусирајте се на сигурните нешта и избегнувајте ризични авантури.

ШКОРПИЈА

Можно е да сфатите дека сте верувале во празни ветувања. Не дозволувајте разочарувањето да ве повлече надолу. Борете се за она што го заслужувате и не прифаќајте помалку. Сами создадете ја стабилноста што ви е потребна.

СТРЕЛЕЦ

Побарајте поддршка од луѓето кои ве разбираат. Вратите се отвораат за старите добри идеи – искористете ги. Ќе имате јасен увид во нови ситуации. Во љубовта, бидете директни и кажете што ви лежи на срце.

ЈАРЕЦ

Бидете внимателни – не верувајте слепо на сè што ќе слушнете. Денес луѓето се склони кон претерување или манипулација. Ако нешто не ви делува искрено, најверојатно сте во право. Превземете иницијатива и заштитете се од потенцијални проблеми.

ВОДОЛИЈА

Денот е поволен за заработка и напредок. Не се занимавајте со туѓите желби – следете ги своите цели. Ако сте незадоволни од сегашната ситуација, кажете го тоа отворено. Покажете ја вашата визија и решителност.

РИБИ

Ќе добиете сочувство од околината, но внимавајте – не сите се искрени. Некој можеби ќе ви понуди нешто што не може да го исполни. Не губете самоконтрола – реагирајте со мудрост и покажете дека знаете што правите.