Како да се сопре умирањето на еден град?
Неколку градови во Словачка се соочени со проблеми како демографска криза, миграција и економски недостатоци со што се погодени многу општини.
Некои градови се наоѓаат во исклучително лоша ситуација и буквално се во опасност да исчезнат од мапата на Словачка – планот за нив е да бидат целосно избришани од мапата или да бидат претворени во музеи на отворено.
Поддршката на малите градови и села опфаќа сеопфатни решенија во кои никој не е сигурен дека навистина ќе помогнат во обновата на овие места. Меѓутоа, доколку предложените чекори не се превземат, Словачка може да изгуби вредни делови од историјата и идентитетот.
Вложувањата во инфраструктура, поддршка на локалните претпријатија, подобрување на достапноста до превоз и создавање на можности за млади семејства, се некои од начините и клучот за нивно спасување.
Градовите кои се во опасност да ги изгубат сите свои жители во рок од 10 до 20 години се Червени Камењ, Хнуштја, Мездев, Велики Чичов и Добшина.
Вториот најмал град во Словачка, Червени Камењ, е загрозен поради малата популација. Иако е дом на единствениот Музеј на кукли и играчки, оваа туристичка атракција не е доволна да го сопре демографскиот пад. Доколку не се успее да се привлечат млади семејства и да се поддржи локалната економија, градот може да се соочи со мрачна иднина.
Хнуштја, во регионот на Банска Бистрица, пати од слични проблеми како Мездев. Младите жители заминуваат во големите градови како што се Братислава, Банска Бистрица или Кошице, кои се привлечни за младината. Резултатот е стареење на популацијата и депопулација на градот.
