Една жена неодамна го сподели понижувањето што го доживеала од страна на своите најблиски.

Живееме со сопругот на село. Секогаш сме радосни кога ни доаѓаат гости – имаме посебна соба за нив. Подготвени сме секогаш да примиме секого. Летно време може да се спие и на верандата, а поткровјето е секогаш пријатно и убаво средено.

Порано на гостите им ја отстапувавме нашата спална соба, но сега сме во шеесеттите години и веќе не го правиме тоа. И онаа гостинска соба што ја средивме е многу удобна.

Имаме двајца синови, веќе возрасни, кои живеат со своите семејства. Помладиот син живее недалеку од нас и често ни доаѓа со внуците.

Постариот син живее во Белград, таму има свое семејство и води приватен бизнис. Поради тоа што живееме на село, ретко доаѓа кај нас.

Секогаш кога ќе дојде со сопругата и децата, ние се подготвуваме посебно за нив. Сè убаво средуваме, чистиме, јас готвам јадења и правам колачи. Но, и покрај сè, снаата не сака да доаѓа кај нас. Вели дека на село ѝ е здодевно и дека нема што да прави по еден час.

Минатата година решивме со сопругот да ги посетиме. Го известивме синот една недела однапред дека доаѓаме.

Кога пристигнавме, седнавме на поставена трпеза и разговаравме. Но, штом се стемни, сфативме дека за нас едноставно нема место во нивниот дом. Се испостави дека синот ни изнајмил соба во хотел на другата страна од градот. За нас тоа беше навистина несфатливо.

Бевме подготвени дури и на под да спиеме, но снаата беше непопустлива и постојано повторуваше дека собата е веќе резервирана и платена. На крајот, синот повика такси и не одведоа во хотелот. Се гледаше дека му е непријатно, но ништо не можеше да направи – ја слушаше сопругата.

Ништо не рековме, само се качивме во таксито и отидовме. Утрото се разбудивме и сфативме дека во близина нема каде да појадуваме – а цените беа неприфатливи за нас. Решивме повторно да одиме кај синот. Но, кога пристигнавме, се покажа дека никој не нè очекувал. Секој си имаше свои обврски и едноставно немаа време за нас.

Повторно ја дочекавме вечерта и се вративме во хотелот.

Следниот ден си заминавме дома. Целиот пат назад плачев – не можев да сфатам каков е тој однос кон родителите. Кога стигнавме, му раскажавме сè на помладиот син. Тој веднаш го повика брат си и започна расправија.

По таа наша посета, односот со постариот син се промени. Сега има само ретки и кратки телефонски повици, пишува Крстарица.

Никому не му раскажав за нашата срамота. Како да кажам дека синот, во суштина, нè избрка од својот дом?

ОВЕН

Оваа недела ќе бидете особено подложни на вљубување. Оставете ја гордоста настрана и направете чекор кон личноста што ве привлекува веќе некое време. Ако сте во врска, обидете се да му угодите на партнерот – тоа ќе ви се врати со позитивна енергија. На работа, не се обидувајте да завршите сè сами – прифатете помош, потребна ви е. Можна е зголемена чувствителност и нервоза.

БИК

Време е за малку повеќе опуштање. Ќе зрачите со шарм и ќе бидете многу комуникативни, што ќе ви помогне лесно да запознаете нови луѓе. Ако сте слободни, можна е интересна средба додека патувате. Оние во врска, фокусирајте се на подобрување на комуникацијата со партнерот – тоа ќе ја зацврсти врската.

БЛИЗНАЦИ

Оваа недела ви носи задоволство на работното место – сè ќе тече полесно од вообичаено. Некој од женски пол може да ви понуди поддршка. Ќе бидете полни со идеи и енергија. Во љубовта, нови познанства се можни преку пријатели. Ако сте во врска, не го занемарувајте партнерот – најдете време и за него.

РАК

Се чувствувате енергично и подготвено за нови предизвици. Работата ви оди добро, но внимавајте со трошоците – не трошете на непотребни работи. Во љубовта, искрен разговор со партнерот ќе ги реши сите дилеми. Ако сте слободни, не враќајте се на стари љубови – нова личност би можела да ве освои.

ЛАВ

Оваа недела ќе почувствувате олеснување и подобро расположение. Иако сакате одмор, работата ве повикува, а резултатите конечно ќе ве задоволат. Финансиската состојба се стабилизира. Во љубовта, ако сте во врска, посветете му повеќе внимание на партнерот. Слободните Лавови може да привлечат личност која е многу слична на нив.

ДЕВИЦА

Во одлична форма сте и комуникацијата ви е на ниво. Колегите ќе го ценат вашиот труд. Ако не се чувствувате баш најдобро – забавете малку. Во љубовта, отворете се за нова приказна. Нови познанства се можни преку пријатели или онлајн. Ако сте зафатени, изненадете го партнерот со некој мал знак на внимание.

ВАГА

Ќе се соочите со многу обврски, но важно е да останете упорни. Помош ќе добиете од жена. Работите ќе се одвиваат поволно. Во љубовта, избегнувајте расправии – и вие и партнерот можете да бидете напнати. Слободните Ваги би можеле да запознаат некој на невообичаено место.

ШКОРПИЈА

Љубовта ви е приоритет оваа недела. Давате сè од себе за партнерот, а тоа ќе биде забележано. На работа, резултатите доаѓаат лесно – искористете ги шансите за напредок. Фокусирајте се на реализација на идеи, не дозволувајте надворешни влијанија да ви го нарушат внатрешниот мир.

СТРЕЛЕЦ

Под зголемен стрес сте. Тешко се добиваат резултати, па обидете се да не се замарате со ситници. Размислете пошироко. Избегнувајте позајмување пари. Љубовта ви оди добро, без разлика дали сте слободни или во врска – следете ја својата интуиција.

ЈАРЕЦ

Сте полни со енергија. Потрудете се сите обврски да ги завршите на време. Можни се несогласувања со партнерот поради љубомора или финансии – но можете да ги избегнете конфликтите. Ако сте слободни, ќе запознаете личност која е ведра и полна со енергија.

ВОДОЛИЈА

Сè уште не е совршен момент за љубовни авантури, но има потенцијал. Искористете ги социјалните настани за нови познанства. Ако сте во врска, втората половина од неделата е подобра за важни разговори. На работа, барајте поддршка од соработниците – може да добиете корисен совет.

РИБИ

Време е за промени на работа – не чекајте другите, преземете иницијатива. Финансискиот прилив ќе се зголеми ако се ангажирате повеќе. Во љубовта, сè оди по планот. Ако сте во врска, покажете му на партнерот колку ви значи. Слободните се подготвени за нова романса.

Се повеќе се зборува за еден помалку познат јаглехидрат – малтодекстрин, кој според експертите може да биде поопасен од шеќерот, а кај нас често се консумира без воопшто да сме свесни за тоа.

Малтодекстрин – тивок непријател во исхраната?

Иако шеќерот важи за главен виновник за бројни здравствени проблеми, д-р Ерик Берг, експерт за исхрана, предупредува дека малтодекстринот може да биде уште поштетен.

Според него, овој јаглехидрат значително го подига нивото на шеќер во крвта, многу повеќе од самиот шеќер.

„Малтодекстринот има гликемиски индекс помеѓу 116 и 136, додека шеќерот има околу 65. Тоа значи дека неговото влијание врз шеќерот во крвта е далеку посилно и поопасно“, вели д-р Берг.

Каде се крие малтодекстринот?

Овој додаток се користи како засилувач на вкус и текстура, и често се појавува во производи означени како „без шеќер“. Се добива од пченка, ориз, компир, пченица или тапиока и технички не е шеќер, но телото го обработува многу слично.

Присутен е во голем број преработени производи:

Крекери и гранола барови

Инстант житарици и појадоци

Газирани пијалаци

Слатки и бонбони

Млечни десерти (инстант пудинг, готови оброци)

Преливи за салати

Супи и замрзната храна

Вештачко месо и протеински замени

Спортски пијалаци

Тестенини

Зошто е проблематичен?

Покрај тоа што го подига шеќерот во крвта, малтодекстринот не содржи растителни влакна и често е дел од ултра-преработена храна. Прекумерната консумација може да придонесе за:

Зголемување на холестеролот

Добивање вишок килограми

Зголемен ризик од дијабетес тип 2

Ослабен имунитет

Потенцијална изложеност на глутен (ако е добиен од пченица)

Ако сакате да го одржите нивото на шеќер во крвта стабилно и да ги избегнете ризиците од современите болести поврзани со исхраната – внимавајте на малтодекстрин во декларациите. Иако не изгледа опасно, неговото влијание врз здравјето може да биде значајно.