Денеска големи делови од Шпанија и Португалија останаа без струја. Шпанскиот оператор на електричната мрежа, „Ред Електрика“, потврди дека има прекини во снабдувањето со електрична енергија низ целата земја.

Шпанската национална железничка компанија, „Ренфе“, изјави дека сите возови се запрени и нема заминувања од станиците. Локалните медиуми јавуваат дека во центарот на Мадрид се создаде голем сообраќаен метеж поради неработењето на семафорите. Прекините ја погодија и тениската сцена, па така одложени се мечевите на Отвореното првенство на Мадрид.

На аеродромот „Барахас“ во Мадрид, некои летови се одложени, додека зафатени се и метрото во Мадрид, Барселона и Севилја.

Во Португалија, полицијата потврди дека подземната железница во Лисабон и Порто е затворена, а и овде возовите не сообраќаат, додека не работат семафорите. Поради прекините, без струја останала и соседната Андора, како и делови од пограничните области на Франција.

Изготвен од Илирика Инвестментс АД Скопје врз основа на официјални податоци од Македонска берза.

Скопје, 28 април 2025 година – Македонската берза денес го заврши тргувањето со вкупен промет од 9.858.254 денари. Индексот МБИ10 забележа раст од 1,29%, достигнувајќи ниво од 10.293,17 поени, што претставува највисоко ниво во последните неколку недели.

Динамика на тргување и пазарни движења

Тргувањето се одликуваше со позитивен тренд кај повеќето водечки акции, при што Алкалоид, Стопанска банка Скопје и Макпетрол беа меѓу најактивните хартии од вредност. Пазарната активност остана стабилна, а движењата на цените покажуваат зголемена доверба од страна на инвеститорите.

Најтргувани акции

1. Алкалоид АД Скопје (ALK) – промет од 5.249.760 денари, последна цена 26.250 денари, пораст од +0,21%

2. Стопанска банка АД Скопје (STB) – промет од 1.893.800 денари, последна цена 2.500 денари, пораст од +0,21%

3. Макпетрол АД Скопје (MPT) – промет од 1.272.000 денари, последна цена 106.000 денари, пораст од +1,34%

Најголеми добитници

1. Адинг АД Скопје (ADING) – пораст од +5,26%, последна цена 2.000 денари

2. Комерцијална банка АД Скопје (KMB) – пораст од +2,98%, последна цена 28.450 денари

3. НЛБ Банка АД Скопје (NLB) – пораст од +2,56%, последна цена 60.000 денари

Најголеми губитници

1. Гранит АД Скопје (GRNT) – пад од -0,06%, последна цена 1.799 денари

Обврзнички пазар

Индексот ОМБ забележа раст од 1,31%, достигнувајќи ниво од 126,44 поени. И покрај растот, тргувањето со обврзници беше минимално и остана во рамки на стабилни вредности.

Тргувањето на 28 април 2025 година беше позитивно за македонската берза. Значителниот раст на МБИ10 индексот и зголемената активност кај клучните хартии од вредност ја рефлектираат зголемената доверба кај домашните инвеститори. Присуството на силни добитници, предводени од Адинг, Комерцијална банка и НЛБ Банка, укажува на можен продолжен позитивен тренд и во наредните денови.

Организаторите, македонската амбасада и македонскиот КИЦ,  не го кријат задоволството од масовната посетеност и позитивните оценки на присутните.

-Денес, со голема возбуда и радост го одржавме настанот посветен на промоцијата на македонското вино и винскиот туризам. Во преубава атмосфера, големиот број присутни имаа можност да уживаат во богатството на нашите врвни вина, да се запознаат со традиционалните вредности, но и со современите достигнувања во винската индустрија, рече за МИА, Љуфтим Спахиу, вршителот на должноста македонски амбасадор.

Настанот помина во одлично расположение, исполнет со дегустации, интересни презентации, едукативни предавања и средби со претставниците на винариите. 

Видно беше чувството на  задоволно од квалитетот на македонските вина, од богатата понуда на вински тури, како и од прекрасната културна програма која го заокружи ова незаборавно искуство.

-Овој настан ја покажа големата љубов, труд и традиција што ја носиме како винска дестинација и ја потврди важноста да се поддржува и промовира македонскиот вински туризам на домашен и меѓународен план, оцени Спахиу.

Дополнителна убавина на настанот му даде настапот на фолклорната група  од Пустец облечени во македонски народни носии, кои со својот настап внесоа дух на традиција и гордост, збогатувајќи ја целата атмосфера.

-Посебно задоволство и гордост е што нашата фолклорна група пред посетителите  претстави дел од  богатиот фолклор и преубавите носии. Македонската музика одекнуваше во центарот на Тирана, на влезот во познатиот објект  „Пирамида”, место каде што е големо присуството и на странски туристи. Очекуваме вакви настани да се одржуваат и во иднина  и во други градови во Албанија, рече за МИА, Васил Стерјовски, лидер на македонската партија, МАЕИ, кој заедно со градоначалникот на Пустец, Пали Колефски присуствуваа на овој настан.

Според Стерјовски Македонците имаат што со гордост да презентираат и да се пофалат, а тоа е фолклорот и богатите носии и од Голо Брдо и Гора, населени со Македонци.

На денешниот настан  беше поставен и штанд со промотивни материјали за изучување на македонскиот јазик на Лекторатот при Универзитетот во Тирана и промотивни материјали на македонските друштва и весници. /МИА