Имала 21 година: Оливија мислела дека има срцев удар, но не се надевала на ова: “Внимавајте посебно на овие симптоми”

Оливија Смит (24) била дијагностицирана со пнеумоторакс, состојба во која воздухот влегува во плевралниот простор, помеѓу белите дробови и помеѓу ѕидот на градниот кош, кога имала само 21 година.

Пред тоа немала никакви здравствени проблеми, имала целосно здрави гради и не пушела, а сега ја споделува својата приказна за да ги предупреди другите на можни симптоми.

Откако го прославила својот 21. роденден, веќе следниот ден почувствувала силна болка и била пренесена во болница.

Доживеала четири колапса на белите дробови

“Отварав поклони од роденденот кога доживеав колапс на градите, мислев дека имам срцев удар. Бев во шок и преплашена бидејќи не знаев што се случува. Ме однесоа на итна реанимација и помислив дека животот засекогаш ќе ми се промени”, се присетува Оливија.

После рендегенското снимање, докторите ја утврдиле причината – спонтан пнумоторакс, состојба во која воздухот влегува во просторот помеѓу белите дробови и градниот кош, создавајќи притисок кој го отежнува ширењето на белите дробови при дишење. Во случајот на Оливија, капацитетот на нејзините бели дробови опаднал за 50%.

Докторите извршиле дренажа за да се намали притисокот, што во почетокот помогнало, но нејзината состојба повторно се влошила неколку месеци подоцна. Тогаш морала да замине на операција за проблемот трајно да се реши, но една година подоцна, го доживеала третиот колапс. Докторите повторно извршиле дренажа, а неколку месеци подоцна, Оливија го доживува четвриот колапс, иако овој пат во нешто понежен облик.

Докторите и понудиле можност за уште една операција, но Оливија засега одлучила да почека и да му даде време на телото да се опорави. Доколку проблемот повторно се појави, операцијата ќе биде неизбежна. Моментално нејзините бели дробови работат со 80% капацитет, а како што вели, настинките се прилично чести, иако се обидува да му се врати на нормалниот живот.

Оливија сега сака да ја покрене свеста за пнеумоторакса и неговите симптоми, па на ТикТок ги сподели своите искуства.

“Не знаев дека може да дојде до колапс на градите додека мене не ми се случи тоа. немав поим за симптомите, мислев дека имам срцев удар”, изјави таа и ги наведе симптомите на кои луѓето треба да посветат посебно внимание. Симптомите вклучуваат изненаден прекин на воздух, остри болки во градите, притисок во градите, како и длабока болка при смеење или кашлица.

Иако пнеумотораксата може да биде предизвикана од повреди на градниот кош, болести на белите дробови или пушење, Оливија нагласува дека во нејзиниот случај, причината не била ниту една од овие работи.

@livsmith71 I think its crazy, that there is no REAL reason for a pneumothorax. Literally no obivous reason. But we move! #pneumothorax #lungs #collapsedlungs ♬ original sound – Stan 🙂