Како одредени витамини и масни киселини во комбинација со редовни физички активности можат да го променат вашиот живот?
Истражувањата покажуваат дека едноставна комбинација од клучни витамини и редовни физички активности може да помогне во одржување на долг живот и млад изглед.
Како што телото старее, доаѓа до намалување на еластичноста на кожата, губење енергија и зголемена чувствителност на болести. Научниците веќе потврдија дека со намален внес на калории, може да се успори процесот на стареење, додека масните киселини од витаминот Д и омега-3 покажале огромен потенцијал во одложувањето на биолошкото стареење во експериментите врз животни.
Тим истражување од Универзитетот во Цирих, спровел истражување за да се утврдат ефектите од оваа комбинација на човековото тело кога се зема во комбинација со редовно вежбање. Според истражувачите, комбинација од витаминот Д, омега-3 масни киселини и редовни физички активности се намалува ризикот од инфекции, но може да помогне и во превенција на ракот или прерана слабост.
Истражувањето DO-HEALTH било првото, во кое се користени епигенетички часовници, техника со која се мерат хемиските промени во ДНК-та, за споредување на биолошката и хронолошката старост.
Најдобрите резултати се постигнати со комбинација на омега-3 масни киселини, витамин Д и редовна физичка активност.
Истражувањето опфатило 777 луѓе постари од 70 години кои конзумирале 2.000 интернационални единици од витаминот Д и/или еден грам омега-3 масни киселини од алги, заедно со 30 минутен тренинг три пати неделно, во текот на три години.
Анализата на примероците на крв покажала дека внесот на омега-3 масни киселини го успорило биолошкото стареење за цели четири месеци, без оглед на годините, полот или индексот на телесна тежина. Уште подобри резултати се постигнати со комбинација на омега-3, витаминот Д и вежбање, што е потврдено со еден од епигенетските методи на мерење.
“Овие резултати ги прошируваат нашите поранешни резултати од истражувањето DO-HEALTH, каде овие три компоненти заедно покажаа најголем ефект во намалувањето на ризикот од рак, спречување прерано слабеење и успорување на биолошкото стареење. Нашето истражување сугерира мал, но значаен заштитен ефект од омега-3 масните киселини кои помагаат во успорувањето на биолошкото стареење, додека комбинацијата на омега-3, витамин Д и вежбање овозможува дополнителна заштита”, заклучи Бишоф-Ферари, еден од истражувачите.
