Технологија

Научниците тврдат дека оваа јакна може да ви го промени животот и да го реши еден од најголемите проблеми за луѓето

Изумот кој би можел да го промени светот: Научниците тврдат дека во оваа јакна, секогаш ќе може да заспиете.

Во денешниот свет каде што се се движи со забрзано темпо, квалитетниот сон станува се поголем луксуз. Многумина се борат со несоницата, стресот и пореметениот ритам на спиење, барајќи решенија кои ќе им помогнат конечно добро да се наспијат. Јапонските дизајнери ја создадоа ZZZN Sleep Apparel System јакната за која тврдат дека ќе ви озможи да потонете во длабок сон било каде и било кога.

ZZZN јакната за спиење е повеќе од обично дневно парче гардероба. Како што се тврди, софистицираниот систем дизајниран за подобрување на квалитетот на сонот е инспириран од традиционални јапонски зимски покривачи наречени Јаги.

Овој изум комбинира удобност, технологија и иновативен дизајн за на корисниците да им овозможи оптимално искуство во текот на спиењето. Јакната е изработена од лесно, фотоелектрично влакно, што ја прави изненадувачки лесна паралелно на гломазниот изглед. На ракавите постојат регулари со кои можете да ја регулирате внатрешната температура на јакната, што е клучно за удобност во текот на спиењето во различни услови.

Единствениот систем за спиење се состои од три клучни елементи, јакна, SOXAI паметен прстен и капа.

Освен што овозможува топлина и удобност, јакната има и вградени слушалки во капата кои репродуцираат смирувачка музика со фрекфенции кои го поттикнуваат спиењето и ви помагаат да се опуштите. Исто така, репродуцираат пријатна мелодија за будење.

Идеална е за сите оние кои патат од несоница

SOXAI паметниот прстен ги следи биометриските податоци, вклучувајќи го нивото на стрес, отчукувањата на срцето и ритамот на спиење. Податоците се пренесуваат во апликација која ви озможува детално следење и анализа на вашиот сон.
На предниот дел над капата се наоѓа светло кое ги менува боите од црвена во сина. Црвеното светло ви помага да заспиете, додека синото светло помага при нежното будење.

ZZZN системот користи напредна технологија за следење и подобрување на сонот, која во комбинација со принципите на длабока бранова стимулација, овозможува чувство на сигурност и смиреност. Идеална е за сите кои имаат проблеми со спиење, без оглед на причината. Без разлика дали се работи за стрес, несоница, пореметување на спиењето или едноставно желба за подобар квалитет на сонот, овој систем го има решението за вас.

Ова претставува интересен концепт во светот на технологијата за спиење. Комбинирајќи удобност, иновативен дизајн и напредна технологија, овој систем ветува дека ќе го трансформира начинот на кој спиеме. Иако својата премиера ќе ја има дури на Expo 2025 во Осака, ZZZN јакната уште сега привлекува огромно внимание и буди надеж за подобар сон за сите.

Технологија

Google ја укинува омилената апликација – еве со што ќе биде заменета

Google ќе го укине Google Assistant на повеќето Android уреди почнувајќи од почетокот на следната година, како дел од планот за замена на гласовниот помошник со новата вештачка интелигенција Gemini.

Google Assistant, лансиран во 2016 како конкурент на Apple Siri и Amazon Alexa, ќе биде надграден со Gemini, кој ќе се користи и на таблети, автомобили, слушалки, часовници и паметни куќни уреди. Новиот систем ќе овозможува природно гласовно управување и исти команди како претходниот помошник.

Google исто така претстави Gemini Home AI за паметни куќни уреди, а новиот Google Home Speaker се очекува во пролет 2026. Google Assistant ќе остане активен до март 2026, по што корисниците ќе бидат целосно префрлени на Gemini.

Претходно услугата се викала Bard, но беше ребрендирана во Gemini почетокот на 2024, кој сега покрива и AI модели и домашни уреди.

Технологија

На ChatGPT и требаат 200 милијарди долари да продолжи со операциите

Според најново истражување на HSBC, OpenAI, сопственикот на ChatGPT, би можел до 2030 година да треба да обезбеди околу 207 милијарди долари за продолжување на своето работење, поради растечките трошоци за компјутерска инфраструктура и глобалната трка во областа на вештачка интелигенција.

Приходите се очекува да достигнат околу 129 милијарди долари, додека трошоците за cloud инфраструктура би можеле да достигнат 800 милијарди долари. ChatGPT би можел да достигне три милијарди редовни корисници, споредено со 800 милиони минатиот месец.

OpenAI во последните три години привлече големи инвестиции, а во октомври стана највредната приватна компанија во светот, проценета на околу 500 милијарди долари. Трошоците за раст се зголемуваат побрзо од приходите, што претставува ризик за компанијата и за технолошките партнери како Microsoft, Amazon и Oracle.

Технологија

Еве што најмногу ја троши батеријата на вашиот телефон

И покрај поефикасните процесори, подобрените батерии и напредните системи за управување со енергијата, батеријата на смартфоните и понатаму брзо се празни – најчесто поради начинот на кој ги користиме уредите.

Апликации во позадина

Најголеми „скриени“ потрошувачи се апликациите што работат во позадина – социјални мрежи, фитнес-тракери, па дури и тастатури. Проверете во Поставки > Батерија кои апликации трошат најмногу енергија и ограничете ја нивната позадинска активност. Намалете ја и автоматската синхронизација кај мејлови, календари и облак-сервиси.

Екранoт – најголемиот потрошувач

Осветлувањето и високата стапка на освежување значително го скратуваат траењето на батеријата. Користете адаптивна светлина наместо рачна и ограничете го освежувањето на 60Hz кога не играте игри. Темниот режим е особено ефикасен кај OLED екрани, бидејќи исклучува дел од пикселите и штеди енергија.

Паметно полнење

Современите телефони нудат функции за заштита на батеријата кои го забавуваат полнењето над 80% за да се намали долгорочното оштетување – вклучете ја оваа опција. Користете полнење со кабел кога можете и избегнувајте честo брзо полнење, освен кога сте во итност.

Со внимателни поставки и неколку навики, батеријата може да трае значително подолго без разлика на моделот на телефонот.