Република

Делегација од Општина Битола во посета на збратимениот град Херцег Нови

Делегација од Општина Битола, предводена од градоначалникот Тони Коњановски, викендов присуствуваше на отворањето на 56 издание на Празникот на мимозите во збратимениот град на Битола, Херцег Нови. За време на посетата на оваа популарна туристичко забавна манифестација, на која присуствуваа и голем број битолчани, градоначалникот Коњановски, оствари повеќе протоколарни средби на кои се разговараше за долгогодишната соработка помеѓу Битола и Херцег Нови, како и за можностите за понатамошно зајакнување и унапредување, пред се на културната соработка.

Градоначалникот Коњановски, на оваа тема разговараше и со Претседателот на Црна Гора, Јаков Милатовиќ, потпретседателот на Владата задолжен за безбедност, одбрана, борба против криминалот и внатрешната политика Алекс Бечиќ, министерката за култура и медиуми, Тамара Вујовиќ, амбасадорот на Македонија во Црна Гора, Зеќир Рамчиловиќ и претседателот на Општина Херцег Нови, Стеван Катиќ.

На отворањето на Празникот на мимозите во Херцег Нови, присуствуваа и голем број претставници на дипломатскиот кор и други гости од збратимените градови на градот домаќин.

Во интервјуто за Радио телевизија Црна Гора, градоначалникот Коњановски нагласи дека Битола и Херцег Нови имаат официјална соработка од 1976 година, која беше обновена во 2019 година, а последните години истата се повеќе се интензивира со реализација на повеќе настани и активности на кои не присуствуваат само официјални делегации, туку и граѓани од двата градови.

Голема е одговорноста да се пренесе и зачува традицијата, прекрасно е чувството и задоволството кога доаѓаме овде каде што толку многу луѓе не пречекуваат со толку насмевки“, изјави првата мажоретка на Градската музика на Херцег Нови, Тара Рашковиќ, за време на отворањето на оваа манифестација, за која претседателот на Општина Херцег Нови истакна дека, значително влијае на промоција на градот, освојувајќи го туристичкиот пазар.

„Темелите на традиционалната манифестација ги поставија нашите претходници и сите заедно работиме фестивалот да биде што поквалитетен, да биде во чекор со времето, а сепак да останеме верни на народните веселби. Бербата на мимозите на која присуствуваме денес, маскенбалот, карневалот, забавните и спортските настани се оние околу кои организираме други програми за да му овозможиме на секој посетител да најде нешто интересно“, рече Катиќ.

Организатори на Фестивалот на мимозите се општина Херцег Нови, Туристичкиот одбор Херцег Нови – Туристичка организација Херцег Нови и ЈУК Херцег Фест.

Република

Овие места утре во Тетово и тетовско ќе бидат без струја

ЕВН Македонија најави планирани прекини во напојувањето со електрична енергија за утре, 11 декември 2025 година, на неколку локации во Тетово и тетовскиот регион. Прекините ќе траат од 09:00 до 14:00 часот, а ќе бидат опфатени следните места:

Село Одри – делови од населеното место ќе останат без електрична енергија поради планирани технички зафати.
Тетово – дел од подрачјето на Попова Шапка, конкретно објектите што се наоѓаат во близина на одморалиштата на ЕВН.
Село Одри (македонско маало) – објекти лоцирани во овој дел повторно ќе бидат засегнати од прекинот.

Од компанијата информираат дека прекините се дел од редовните технички активности за подобрување на мрежата, а по завршувањето се очекува стабилизирано и подобрено снабдување.

Граѓаните се повикуваат навреме да ги планираат своите обврски и да преземат соодветни мерки додека трае прекинот во напојувањето.

Република

По децении најави, Тетово конечно добива Саат кула

До 2026 година треба да започне изградбата на Саат кулата во Тетово, проект што со децении се најавува, но никогаш не се реализира. Финансиската конструкција е обезбедена преку донациски грант од Општина Коња во Турција во вредност од околу 200 илјади евра, но засега нема прецизен рок за завршување на градбата. Меморандумот за соработка го потпишаа Општина Тетово и Националниот центар за конзервација.

„Претходно знаете дека имало неколку обиди, имало и обезбедување на финансиски средства од финансиски поддршки, но не се успеа да се реализира овој проект како дел од културното наследство. Обезбеден е донациски грант од Општина Коња. Верувам дека првите градежни активности ќе започнат во рамки на 2026 година“, изјави градоначалникот на Тетово, Билал Касами.

Директорот на Националниот центар за конзервација, Александар Јорданоски, вели дека Центарот веќе ги подготвува сите неопходни активности – од валоризација на културното наследство и проверка на досегашните документи, до целосна ревизија на проектната документација.

„Кон крајот на 2005 и почетокот на 2006 година започнаа археолошките истражувања, што е потребна законска постапка кога треба да започне реализација на ваков тип проект. Во 2016 година беше изработен проектот, беа дадени одредени забелешки и таму застана постапката“, истакна Јорданоски.

Саат кулата останува еден од најчесто ветуваните, но незавршени проекти во Тетово, како во претходните мандати, така и во мандатот на актуелниот градоначалник. Сега, со обезбедени средства и обновени процедури, општината очекува конечно да започне реализацијата.

Република

Невзат Бејта повторно влегува во трката за Гостивар, овој пат под знамето на ВЛЕН

Невзат Бејта ќе се кандидира за градоначалник на Гостивар на локалните избори закажани за 11 јануари 2025 година, дознава ТВ21. Поранешниот градоначалник, кој веќе има зад себе два мандати, ќе се обиде да го освои и третиот, овој пат под логото на коалицијата ВЛЕН.

Според информации од ТВ21, Бејта својата кандидатура ќе ја поднесе утре во текот на денот до Државната изборна комисија.

Да потсетиме, гласањето во првиот круг од локалните избори во Гостивар не го достигна законскиот цензус, поради што изборниот процес продолжува со повторување.