Почетокот на денот има големо влијание на нашето тело и расположение, а често несвесно носиме одлуки кои можат негативно да влијаат на нашето здравје.
Иако можеби не размислуваме за тоа, некои вообичаени навики кои ги практикуваме веднаш после будењето можат да имаат негативни последици по нашето тело и расположение.
За многумина, кафето е првата работа на која помислуваат после будењето, но тоа не е најдобар избор. Кафето на празен желудник го поттикнува лачењето на киселините во желудник, што може да предизвика проблеми. Иако кафето може да ве расони, долгорочното конзумирање има поголема штета отколку корист. Подобро е да пиете кафе после лесен појадок, кога желудникот веќе има храна, која би ги ублажила ефектите од киселините.
Многумина наутро посегнуваат и по таблети против болки, како аспирин или ибупрофен, за да се ослободат од главоболката или други помали болки.
Меѓутоа, земањето на овие лекови на празен желудник може да ја иритира слузницата во желудникот, со што би се создала непријатност која би можела да доведе и до сериозни проблеми како чир на желудникот. Земањето на овие лекови се препорачува после оброк, за да се намали ризикот од проблеми со варењето.
Иако сокот од лимон содржи витамини, неговата висока киселост може да предизвика иритација на желудникот, посебно кај луѓе кои имаат чувствителен систем за варење. Доколку сакате лимон, најдобро е да го разредите со вода и да го пиете во текот на оброкот, за да избегнете потенцијални проблеми со варењето на храната.
Почеток на денот со парче торта, чоколадо или друга слатка храна не се препорачува. Слатките набрзина го покачуваат нивото на шеќер во крвта, но предизвикуваат и пад на енергијата во текот на денот. Освен тоа, вашето тело не е способно да произведува доволно инсулин за да може да се справи со растот на шеќерот во крвта, што може да доведе до проблеми со рамнотежата на шеќер во крвта. Подобро е да уживате во слатки подоцна, кога чувствувате пад на енергијата.
Иако многу луѓе уживаат во јогурт или други млечни производи, конзумацијата на овие производи на празен желудник може да биде проблематична. На празен желудник, високата киселост може да ја намали ефективноста на бактериите од млечните киселини присутни во јогуртот, правејќи ги не толку корисни. Освен тоа, може да дојде и до зголемена киселост во желудникот, што доведува до непријатности.
