Connect with us

Свет

Вонредна веста: Се урна авион на аеродромот Пирсон, објавени драматични снимки, светот го потресе нова авионска несреќа

Најмалку 15 лица се повредени после пад на авион на американската компанија Делта, на меѓународниот аеродром “Пирсон” во Торонто, јавуваат американските медиуми.

Аеродромот соопштил дека инцидентот се случил по слетувањето и дека авионот на компанијата Делта пристигнал од Минеаполис.

Здравствената служба наведе дека во авионот имало околу 80 луѓе, а во моментов не се знае точниот степен на повреди.

Здравствената служба соопшти дека испратиле три воздушни возила на итната медицинска помош, две од Торонто и едно од Лондон на аеродромот.

На социјалните мрежи кружи фотографија на која се гледа авионот, целосно превртен на пистата.

Насекаде околу авионот, снег.

Се огласи и аеродромот преку социјалната мрежа Икс.

На снимките од CTV News е прикажан превртен авион покрај пистата, без крила.

Болничарите изјавиле дека примиле извештаи околу 14 часот по локално време за авионска несреќа која се случила на аеродромот.

“Екипите на итната медицинска помош реагираат. Сите патници и посадата на авионот се земени во предвид. Повеќе луѓе се здобиле со повреди после падот на авионот на аеродромот Пирсон”, велат болничарите.

Моментално се затворени сите безбедносни и царински пунктови на аеродромот.

@dailymail A Delta Airlines plane is seen upside down at Toronto Pearson International Airport after a crash-landing Monday. Eight people are reportedly injured. This is a developing story. Read DailyMail.com for updates. 🎥: John Nelson #news #breakingnews #plane #planecrash #toronto #deltaairlines #delta ♬ original sound – Daily Mail

Advertisement

Свет

САД ја претставија новата стратегија за национална безбедност: Предупредувања за иднината на Европа и блокадата на мирот во Украина

Соединетите Американски Држави (САД) објавија нова и контроверзна Стратегија која сигнализира драматична промена во односот кон Европа, пренесува „Фајненшл тајмс“. Документот, кој повикува на јакнење на актуелните политики на Европската Унија (ЕУ), предизвика сериозна нервоза кај европските лидери, оценувајќи дека Европа се наоѓа на пат кон „цивилизациско исчезнување“ поради високите стапки на миграција и нискиот наталитет.

Стратегијата, која е на 33 страници, ги обвинува европските влади за поткопување на демократијата и ги прозива европските челници за „блокирање на американските напори“ за ставање крај на војната во Украина. Документот тврди дека европските лидери го игнорираат „големото европско мнозинство кое сака мир“.

Во однос на конфликтот, Стратегијата нагласува дека „брз прекин на непријателствата е клучен, со цел да се стабилизираат европските економии, да се спречи ескалација и ширење на војната и повторно да се воспостави стратешка стабилност со Русија“.

Објавувањето на Стратегијата се совпаѓа со напорите на американскиот претседател Доналд Трамп да го протурка мировниот договор за Украина, иако Киев и европските престолнини стравуваат дека ваков потег оди во прилог на Москва и рускиот претседател Владимир Путин.

„Фајненшл тајмс“ истакнува дека документот предизвикал голема загриженост поради стравувањата дека Вашингтон е подготвен да го принуди Киев да направи отстапки кои ги надминуваат досегашните „црвени линии“.

Стратегијата ја потврдува радикалната промена на американската надворешна политика под водство на Трамп, ставајќи ја доминацијата на САД над западната хемисфера како главна цел – ажурирана верзија на доктрината на Монро.

„Деновите во кои САД го носеа целиот светски поредок како Атлас се завршени“, стои во документот, нагласувајќи го продлабочениот идеолошки јаз меѓу Вашингтон и традиционалните европски сојузници.

Европа е опишана како континент каде „економскиот пад го засенува уште посериозна закана – цивилизациско исчезнување“.

Новата американска политика отворено ја предизвикува ЕУ со „култивирање на отпорот на сегашната европска траекторија во рамки на европските нации“.

Документот ја поздравува засилената улога на евроскептичните крајнодесничарски партии, чие доаѓање на власт во европските земји би можело да ја доведе во прашање иднината на Унијата.

„Американската дипломатија треба да брани вистинска демократија, слобода на изразување и несрамежливо славење на националните идентитети“, се наведува во стратегијата, „Соединетите Американски држави ги охрабруваат своите политички сојузници во Европа да поддржат таква преродба на духот, а растот на влијание на татковинските европски партии дава причина за оптимизам“, заклучува документот.

Извор: National Security Strategy | PDF | China | World Politics

Continue Reading

Свет

САД го прошируваат списокот на земји чии што граѓани ќе се соочат со забрана за влез

Администрацијата на претседателот на САД, Доналд Трамп, размислува за значително проширување на списокот на земји опфатени со забраната за влез во САД.

Гувернерката на Јужна Дакота, Кристи Ноем, во интервју за „Фокс Њуз“ изјави дека бројот на потенцијално опфатени земји е „поголем од 30“, иако не го потврди точниот број од 32. Таа истакна дека претседателот Трамп продолжува да ги проценува земјите.

Ноем, сепак, не прецизираше кои земји би можеле да бидат додадени на списокот, но ја образложи логиката на администрацијата:

„Ако таму немаат стабилна влада, ако немаат земја која може да се одржи и да ни каже кои се тие лица и да ни помогне да ги провериме, зошто би им дозволиле на луѓето од таа земја да дојдат овде во Соединетите Држави.“

Проширувањето доаѓа како дел од пошироките напори за безбедност. Претседателот Трамп во јуни потпиша проглас со кој им се забранува влез на граѓаните на 12 земји и го ограничува влезот за седум други. Тогаш, администрацијата го оправда потегот како неопходен за „заштита од странски терористи и други безбедносни закани“.

Забраните се однесуваат на широк спектар на патници, вклучувајќи имигранти, туристи, студенти и деловни патници.

Continue Reading

Свет

Нова тензија по експлозија во Чеченија: руските власти со прст кон Киев

chechenija

Комплексот облакодери „Грозни Сити“ во главниот град на Чеченија, Грозни, беше погоден од силна експлозија изутрината, при што според извештаите на руските медиуми, неколку ката од зградата претрпеле значителна штета на фасадите.

Настанот веднаш ги мобилизираше сите расположливи служби за итни случаи. Локалните медиуми, вклучувајќи го и каналот „Острожно новости“, ја пренесоа веста дека комплексот бил цел на можен напад со беспилотни летала во текот на ноќта, иако официјална потврда за ова сè уште не е издадена од надлежните институции.

Експлозијата се случува во услови на зголемени безбедносни мерки, откако руското Министерство за одбрана соопшти дека украинските вооружени сили синоќа извршиле нов напад со беспилотни летала врз повеќе региони на Русија.

Како одговор на заканата, аеродромите низ Северен Кавказ, вклучувајќи го и аеродромот во Грозни, се ставени под режим на „тепих“, што значи целосна суспензија на сите слетувања и полетувања.

Иако локалните извештаи од Грозни сугерираат дека експлозијата најверојатно била предизвикана од беспилотно летало во централниот дел на чеченската престолнина, првичните информации укажуваат дека нема пријавени жртви.

Паралелно, руските медиуми известија и за експлозии регистрирани и над Славјанск и Темрјук во Краснодарскиот крај, кои исто така се припишуваат на украински напади со беспилотни летала. Во Темрјук, е пријавено оштетување на дел од пристанишната инфраструктура.

Истражните и безбедносните служби ја продолжуваат истрагата за инцидентот во Грозни. Јавноста останува во исчекување на официјални информации за прецизната причина за експлозијата и евентуална потврда дека станува збор за напад со дрон.

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг